اسيرة الامبراطورN.B (مكتملة)

حلقة 1 تكملة

#اسيرة_الامبراطور💘
#الكاتبة_ماريا💄
#الحلقة_1_تكملة
نسيم: كيفاااااش واش راك تخلط مستحييييل
ط: للاسف هدا لي صار و زيد اغتصبوها بأبشع طريقة شي لي خلاها تنزف بزاف و تفقد كمية دم كبيرة وللاسف دخلت في غيبوبة
نسيم(يعيط) : شكووووون عمل فيها هكداااااا شكوووون
بقا يعيط و يخبط في كلش عينيه حمورة من لبكا راح ليها مور زجاج لمشينات مبرونشيين فيها ... حكم تلفون و عيط ليماه
نسيم: الو يما
وردة: ياوليدي هنيلي قلبي و قلي لقيت ختك
نسيم: ايه لقيتها
وردة: وشبيه صوتك وليدي
حكالها نسيم كلش قلبها قريب خرج
وردة: ياناري على بنتي ياااااناااري
محسن: واش كاين وشبيك تضبحي
وردة: يا محسن بنتي بنتي تعداو عليها ولاد لحرام وراهي في غيبوبة
محسن: و نتي وين علبالك بلاك تعداو عليها بإرادتها
وردة: محححسن اني نقولك تعداو عليها و راهي في غيبوبة و نتا تقولي بإرادتها هبلت
محسن: بلعييييي خير ما نكسرلك راسك وديجا تريحي هنا معندك وين تروحي
وردة: هبلت نخلي بنتي وحدها
محسن: كلااامي منعاودوش مكانش روحة مفهووووووم...خرج وخلاها وخلى قلبها محروق على بنتها
___________________
نسيم يحكي
راني حاس روحي عاجز و يديا مربطين اول مرة نشوفها هكا معرفتش واش ندير حسيت موس في وسط قلبي الين طفلة عاقلة خاطيها هد المشاكل كامل بقيت سارح فيها حتى حسيت بيد تحطت في كتفي دورت راسي لقيتها امنية حبيبتي غير شفتها ترميت عليها حضنتها
نسيم: شوفي ولاد لحرام واش دارو فيها
امنية: شكون دار فيها هد الشي
نسيم: معلبليش بصح نلقاه نلقاه و روحو تطلع من بين يديا
امنية: و واش قالك الطبيب على حالتها
بقينا نحكو حتى وين شفت يديها يتحركو رحت نجري عند الطبيب عيطتلو دخل عندها يشوفها...بقيت نستنا و امنية شيدتلي يدي و تصبر فيا...
يتبع...