#اسيرة_الامبراطور 💘
#الكاتبة_ماريا 💄
#الحلقة_96🥀
رحت للفيلا و أنا مقررة اني نصلح كلشي مستحيل نرجع نعيد نفس الغلطة مرتين..اول مافتحت الباب قابلتني ماما اليس و بابا منصف يلعبو مع اسيل تبسمت لا إراديا توحشتهم اكثر من اي شيئ فالدنيا و حتى ماما اليس كي شافتني عينيها تعباو دموع...
اليس: مرحبا بالغالية والله توحشتك ياسخطة..
بلا ما نفكر رحت مجري و ترميت في حضنها الدافي لي يحسسني بالآمان اكثر من حضن ماما نفسها بقيت متحضنتها و رحت خضنت بابا منصف و هو مكانش من العاكسين و بادلني الحضن زدت حسيت بالندم اكثر تي وين كان عقلي كي مشيت و خليتهم محروقين و حرمتهم من فرحتهم...بقينا نقصرو و انا مرة مرة نرمي عيني فدروج بأمل اني نلمحو...
اليس:احممم بنتي نضن لحق الوقت باش ترجع الامور كيما كانت قبل و احسن
انا: عارفة يا امي فينو انس
اليس: نضن فالبيرو ديالو...
اول ما كملت كلامها حملت حالي وجيت طالعة فالدروج حاسة قلبي يدق يديا يرجفو بلكل....اول ما لحقت حطيت يدي على الباب تفتح و قابلني انس..
انا: ن نقدر ندخل
انس:اممم
انا: حابة نحكي معاكي في موضوع مهم
انس: قضية الطلاق تنحيها من بالك بلكل
انا: هااء مش على الطلاق
انس: اممم مالا واش
انا: سامحني انس بسبتي تحرمت من فرحتك سامحني كيف منعتك تكون معايا فأهم الاوقات سامحني كيف حبيت عليك اسيل سامحني كيف مسيت و درتلك ظهري و معطيتلكش الفرصة انك تبررلي..
مكملتش كلامي حسيت كيف جبدني لعندو و لزني لصدرو كأنو مخبيني بين ضلوعو...
انس: شتتتت انتي لي سامحيني ياروحي سامحني كي خنتك والله ما بقصدي انتي اول و آخر بنت تربعت في قلبي نتي الوحيدة خديتي و ملكتي قلب الامبراطور...
جا يحكي قاطعاتو كيف حطيت شفافي على شفافو و دخلنا في بوسة طويلة تعبر على شوقنا و حبنا لبعض بقا يبوس و يعضني عضات خفاف في شفتي لتحتانية بعد عليا كيف حسني تخنقت..حط جبهتو على جيهتي...
انس: نوعدك من اليوم رح نعوضك على لي فات الكل
انا: وأنا نوعدك لي رح تفرقنا غير الموت ياأحلى امبراطور...ورجعنا دخلنا في بوسة فرنسية...
يتبع...
أنت تقرأ
اسيرة الامبراطورN.B (مكتملة)
Romance------💘أسيرة الامبراطور💘---- سلام راني جيت و ماجيتش بيديا فارغين اكييد🤩 جبتلكم قنبلة معايا 🤣(حوحو يشكر روحو😂) من تأليفي انا الكاتبة N.B كرونيك تاعنا فيها #اغتصاب😰#حب😍🤩#كره😒#انتقام🤤 #اسيرة_الامبراطور😍 #الكاتبة_N.B 🎉 #
