#اسيرة_الامبراطور💘
#الكاتبة_ماريا💄
#الحلقة_3
في ايطاليا
راجل يدير الخمسينات في عمرو ولكن الأمر مأثرش فيه كبر السن الا انو الشعر الابيض زايدو زين على زين...كان قاعد فالمكتب تاعو يكمل الصفقة تاعو تعتبر اكبر صفقة في تاريخ المافيا..
منصف: الو بعتيلي ملف الصفقة الروسية
سكرتيرة: حاضر ميسيو منصف ...
دخلت عندو تتمعجن و توري فلطاي تاعها حالا قفالي تاع الشيميزي نص صدرها كامل على برا..
سكرتيرة: تفضل ميسيو
منصف: حطيه و تقدري تروحي
حطاتو وخرجت تخبط في رجليها لي كيما حاولت انها توقعو في شباكها ولكن مقدرتش..وقفت قدامها مرا تعمل فالاربعين هكاك الزين لي عطاهولها ربي ميتوصفش برغم من انها كبيرة و ولدت الا انو الجسم تاعها حافظ على لياقتو شعرها صفر بحال الشمس عينيها حضورة يخلوك تسرح فيهم زينها ملائكي بدرجة كبيرة...دخلت عندو ريحة برفانتها سبقتها وقادر يميزها بين 100 وحدة...
منصف: مممم حبيبي توحشتيني
اليس:هههه وقتاش تكبر وتحشم على روحك
منصف: مدام عندي وحدة كيما نتي منقدرش نحشم ياروحي
اليس: هههه زايد متحشمش..
راحت قدامو وقعدت على حجرو و تنهدت من عروش عروش قلبها
منصف: شبيك ياروحي
اليس: منصف ربي يخليك خلينا نوليو لفرنسا والله قلبي ما راهو مطمن على اسماء ولا على انس و احساسي ميخيبش صدقني
منصف: على هادي راكي مقلقة يا روحي مايكون لا خاطرك ليوم فليل نولو لفرنسا وغدوة صباح تكوني عند ولادك نتي برك ما تتقلقيش..
تبسمتلو بذبول و ضماتو لصدرها غير هو لي قادر يفهمها و يحس بوجيعتها...
انس يحكي
ليوم ثلث سنين من الشي لي صار لأسماء ثلث سنين وأنا نتعذب كي راني نشوفها تذبال قدامي ...اسماء هي الوحيدة لي كانت تفهمني من غير مانحكي كانت الوردة لي مزينتلي حياتي..بصح هد الوردة ذبالت و السبب فالشي لي صرالها هو &&&& تاع احمد ولكن نوعدك كل دمعة و نزلت من عينيها راح نرجعهالك بثالث ومثلث صدقني لماندمك على نهار لي فكرة فيه انك تتعدا على ختي بهديك الطريقة...قطع تفكيري تلفوني لي كان يصوني
انا: واش ياتيتو هداوين تتفكر وليدك
منصف: بلع راني باباك ياحمار
انا: ههههه عيشلي بابا لغالي
منصف: مممم هيه واش حوالك و ختك اسماء راهي مليحة
كي هدرلي على اسماء تنهدت من عروش عروش قلبي
انا: مزالها كيما خليتها
منصف: مممم هاك نفوتلك يماك هبلتني عليكم
اليس: ألو ياروحي توحشتك
انا: حتى انا توحشتك الوستي ملي داك لهامل تاع بابا مزدتي سقسيتي علينا
اليس: ههههه هامل كيف بوك واكثر
انا: هههههه نعتبرها مجاملة مالا
اليس: عيش ولدي طمني على ختك كيفاش راهي
انا: لباس امي متتقلقيش ماشي مليح ليك ياروحي
اليس: كيفاه حبيتني ما نتقلقش وأنا لكبدا تاعي مشوية عليكم
انا: عيشلي لحنينة لغالية...امي انا نخليك عندي بزاف خدمة
اليس: اوك ياروحي دير بالك على روحك وعلى ختك
انا: بلا ماتوصي الوستي هههه
كوبيت عليها و تكيت راسي على الكرسي نخمم فلخطوة لي راح نقدمها للامام رفدت تلفوني وحكيت مع واحد من رجالي..
انا: وين لحقتو
راجل: غدوة صباح تكون عندك ميسيو
تبسمت بخبث و سكرت التلفون...
هادي اخر فرصة ليك ياأحمد وأول خطوة للانتقام ديالي...
يتبع...
أنت تقرأ
اسيرة الامبراطورN.B (مكتملة)
Romantik------💘أسيرة الامبراطور💘---- سلام راني جيت و ماجيتش بيديا فارغين اكييد🤩 جبتلكم قنبلة معايا 🤣(حوحو يشكر روحو😂) من تأليفي انا الكاتبة N.B كرونيك تاعنا فيها #اغتصاب😰#حب😍🤩#كره😒#انتقام🤤 #اسيرة_الامبراطور😍 #الكاتبة_N.B 🎉 #
