#اسيرة_الامبراطور 💘
#الكاتبة_ماريا 💄
#الحلقة_67
الين تحكي..
شفت وجهو بعد اسبوع كامل مفهمتش ايدا صح كرهتو و لا راني غير نكذب على روحي..تي لوكان كرهتو صح كان قلبي مدقش ورفرف أول ما طاحت عيني فيه حسيت كيما كنت نحس كل مرة كي نشوفو...فقت من سرحتي على صوت التلفون يصوني..شفت رقمها تبسمت بوجيعة حتى هيا من هداك النهار مزادت حوست عليا..
انا: الو
وردة: يااروحي اخيرا سمعت صوتك وش راكي بنتي الغالية لباس
انا: يهمك اني نكون مليحة
وردة: واش قاعدة تحكي الين اكيد تهميني ياروحي
انا:هه لوكان نهمك كنتي قادرة تحوسي عليا و على اخباري تي حتى سيلين لي عندك 20 سنة مشفتيهاش محاولتيش تتواصلي معاها مفهمتش كيفاش قدرتي تسمي روحك ام
وردة: الين ياروحي متحكيش هكا قاعدة تغرسي في قلبي سكاكن
انا: نتي عندك خمس الشهور من النهار لي قتلتيني فيه
مستنيتهاش تجاوب كوبيت عليها و رميت التلفون..
نزلو دموعي بالوقت...دخلت اسماء لقاتني غارقة في دموعي..
اسماء: للطف على ختي علاش قاعدة تبكي ياروحي
انا: تعبت يا أسماء والله تعبت حاسة روحي مخنوقة علاش غير أنا لي يصرا معايا هد الشي علاش غير انا لي مكتوب عليا العذاب
اسماء: اشتتت ياروحي هدي روحك و حكيلي الشي لي مقلقك قاعدة نسمع فيك
انا: سامحيني اسماء مش قادرة نحكي حابة نبقى وحدي ربي يخليك
اسماء: منقدرش نخليك وحدك في هد الحالة
انا: ربي يخليك اسماء
اسماء: اففف اوك كشما تحتاجي قوليلي و ايدا حبيتي غدوة نروحو عند سيلين
انا:اوك..
خرجت اسماء وخلاتني وحدي و طلقت لعنان لدموعي لي محبوش ينشفو شي من انس و شي من ماما كلما نقول اني نسامحها و نبداو من جديد نلقا روحي في نقطة البداية و جرحي من جيهتها يعاود يتفتح..
يتبع...
أنت تقرأ
اسيرة الامبراطورN.B (مكتملة)
Romance------💘أسيرة الامبراطور💘---- سلام راني جيت و ماجيتش بيديا فارغين اكييد🤩 جبتلكم قنبلة معايا 🤣(حوحو يشكر روحو😂) من تأليفي انا الكاتبة N.B كرونيك تاعنا فيها #اغتصاب😰#حب😍🤩#كره😒#انتقام🤤 #اسيرة_الامبراطور😍 #الكاتبة_N.B 🎉 #
