#اسيرة_الامبراطور 💘
#الكاتبة_ماريا 💄
#الحلقة_29
منصف: احمم لبنات حبسو قبل ما تطلعو حاب نحكي فموضوع ميتأجلش
اليس: ايه ارواحو تريحو هنا مام نتا انس و نسيم هد الموضوع يخصكم كامل
انس: خير تاني
نسيم: اصبر وشبيك يا&&&&
انا: نسيييم عييب
سيلين: ههههه
منصف: بما انو الين رجعت بخير وعلى خير انا نشوف انو لحق الوقت لي نديرو الشي لي رانا نفكرو فيه...نسيم وليدي بما انو نتا ولي على الين حبيت نجي و نطلبوها منك لانس...
اول ما سمعت كلامو حسيت قلبي دق و رح يخرج من بلاصتو شفت في انس لي كانت النظرة تاعو باردة كيف العادة و ماتوحي بشي...
انا: ب بصح
اليس: الين عزيزتي مكيش موافقة
انا: لا بلعكس بصح انس
اليس: تي خليك من هد الموضوع انس بذاتو جا عندي لبارح وقالي بلي موافق يتزوجك.
.هبطت راسي حاشمة..
اسماء: بو زينو الحشام
سيلين: ياروحي هههه
منصف: نسيم وليدي واش هو رايك فالموضوع
نسيم: القرار الاول و الاخير يرجع لالين و انا بنفسي منلقاش كيما انس خويا و عشيري لي يقدر يسعدلي ختي
منصف: مالا مبروك. انس خود خطيبتك لجنينة و تفاهمو فيما بيناتكم..
تبسمت على جنب و في نفس الوقت حاشمة بقيت نمشي معاه و نرسم فأحلام وردية كيفاش راح تكون حياتي معاه...لكن الاحلام تبقى احلام هه نسيت بلي كاينة وحدة تربعت على عرش قلبو قبلي...بعد كلامو حسيت انو الدنيا دارت بيا..
انس: متفكريش اني قبلت نتزوجك كي نحبك انا قلبي غالقو بعد موت رحيل مستحيل اني نحب بنت غيرها و خاصة نتي ..زواجنا راح يكون كأنو مسرحية يعني قدام العائلة نكونو فرحانين كأي كوبل و فصح كل واحد فينا لازم ميتجاوزش الحدود المرسومة ليه
انا( بغصة ): هههه اكيد اصلا واش تحب في وحدة &&& راجل يماها...
تلفت نجري نحاول نخبي دموعي مستحيل نبينلو ضعف ديالي دخلت لبيتي ترميت على السرير و نبكي علاش مش من حقي نفرح يعني مكتوب عليا الشقا والله تعبت معادش نقدر نصبر اكثر تي طاقتي راحت ..واش ذنبي فالشي لي صار...
يتبع...
#اسيرة_الامبراطور 💘
#الكاتبة_ماريا 💄
#الحلقة_29_تكملة
انس يحكي.
الجاج لكحل دار بيا كي حكات هكك مخها الصغير فسرلها اني حكيت معاها هكك لانو هيا م&&& انا لي قصدتو كي قولتلها خاصة نتي هو انو انا قادر نضعف قدامها وعابالي بلي بسهولة نولي نحبها..وأنا منقدرش نعاود نعيش فنفس الكابوس ايدا حبيتها اكيد رح تكون هي نقطة ضعفي ورح تكون حياتها فخطر مستحيل نقدر نعيش نفس الصدمة مننكرش انو هي تعجبني و بلاك نحبها بصح ملازمش نبينلها...نلازمش نفتحلها قلبي لانو بهاد الخطوة نكون حفرتلها قبرها بيدي واول من يستغل هد الشي هو ل&&& تاع جواد وراح ياخدلي كلشي بسهولة... فقت من سرحتي على صوت اسماء...
اسماء: ننصحك متخليهاش ضيع منك
انا: واش قصدك
اسماء: قصدي واضح تي فكر فيها برك ايدا خليتها بعيدة عليك راح تقدر تحميها دوك كي معندها حتى علاقة بيك و تخطفت
انا: اسماء منيش في وضع يسمحلي نتناقش معاك
اسماء: قولي برك لوقتاش تبقا خايف من الماضي فيق على روحك عيش خويا تي رحيل كان مقدرلها انها تموت و ربي خدا امانتو
انا: مكانش مقدرلهاااا تموووت هوما لي قتلوها يا اسماء هوما لي حرموني منها
اسماء: واش بيك انس حاب تجهل فيييق وايدا راك داير في بالك انك تبقى عايش على حب قديم نقولك راك غالط تي لوكان نتا لي مت في بلاصت رحيل لا قدر الله هي تكون نسااتك و عاودت حياتها من جديد
تبسمت بوجيعة كبيرة على كلامها...
انا: هه يا ريت انا لي رحت ولا هي خمس سنين و انا مزالني عايش في نفس العذاب خمس سنين و انا نلوم روحي اني مقدرتش نحميها لا هي و لا وليدنا لي مشافش الدنيا ..
يتبع...
رايكم لبنات في انس. زعما يقدر يدفن الماضي وراه و يبدا من جديد والاسيرة ديالو تقدر تنسيه في وجاعو....
أنت تقرأ
اسيرة الامبراطورN.B (مكتملة)
Romance------💘أسيرة الامبراطور💘---- سلام راني جيت و ماجيتش بيديا فارغين اكييد🤩 جبتلكم قنبلة معايا 🤣(حوحو يشكر روحو😂) من تأليفي انا الكاتبة N.B كرونيك تاعنا فيها #اغتصاب😰#حب😍🤩#كره😒#انتقام🤤 #اسيرة_الامبراطور😍 #الكاتبة_N.B 🎉 #
