اسيرة الامبراطورN.B (مكتملة)

63

#اسيرة_الامبراطور 💘
#الكاتبة_ماريا 💄
#الحلقة_63
ترميت فالارض و نبكي بكل ما عطاني ربي من قوة هو آخر واحد ستنيت منو انو يعاملني بهد الطريقة صحيح علاقتنا مكانتش كأي زوج بصح هو الوحيد لي كان يتفهمني علاش عمل معايا هكا كيفاش يلومني على حاجة ما عندي حتى ذنب فيها...مسحت دموعي ووقفت على رجليا نحاول نكمل طريقي مع انو متأكدة اني رح نضيع خاصة انو هد البلاصة تشبه للغابة قطع تفكيري صوت واحد الراجل من الهيأة تاعو باين سكرجي تقدم من جيهتي...وأنا قلبي طاح بين رجليا دموع بقاو ينزلو وحدهم من عيني...
انا: بليز خليني نروح منا ما تعملي شي بليز هئ هئ هئ
هو: ههه اكيد مش رح نفلت كعبة كيفك من يدي واش رايك جي معايا لليلة و نقلشك
دزيتو و هربت منو بقيت نجري و نصيح كأنو نفس الكابوس قاعد يتكرر معايا خايفة اني نرجع نعيش نفس الوجيعة ...
انا: عاااونوووني هئ هئ اننننسسس عاااوني ااانس...
مش عارفة علاه بقيت نادي بأسمو بالرغم انو هو اكثر واحد جرحني غير انو هو يبقا الوحيد لي نتحمى بيه..مفقتش غير على حد خبطت طلعت راسي لقيتو انس بقيت نشوف فيه بنظرة كلها الم و عتاب
هو: ههه راو جا سوبرمان تاعك باش يسلكك مني...
بقا يتمايل وحدو من جيهتنا شدني من يدي يحاول يجيبني لعندو...
هو: لالا هادي كعباتي انا شفتها قبلك انا نديها ليوم و نتا غدوة و هيا ماشية واش رايكك ههه
مكملش كلامو حتى نلقا انس تلاح عليه يضرب فرغ فيه كل غشو...بقيت حالة فمي أول مرة نشوفو هايج بهد الطريقة...
يتبع...