اسيرة الامبراطورN.B (مكتملة)

64

#اسيرة_الامبراطور 💘
#الكاتبة_ماريا ??
#الحلقة_64
انس يحكي...
مخي كلو ملخبط الافكار الخايبة قاعدة تاكل في عقلي...بعد الشي لي شفتو حاسس روحي واحد بوهالي تي كلشي كنت مخططلو راح فالماء مفهمتش كيفاه عطاني قلبي نحكي معاها بهديك الطريقة و زيد خليتها وحدها في طريق مقطوعة بففف....لفيت بالكرهبة ورحت ناحيتها لقيتها تجري و تصيح فالاول مافهمتش علاه قاعدة تجري هكك حتى شفت واحد يجري وراها من شكلو باين سكراجي الجاج لكحل دار بيا كيفاش تجرأ هبطت من الكرهبة كل همي اني نطلع بروحو بيدي نزلت عليه ضرب فرغت كل غشي فيه تي حتى لكلام لي كان يقول فيه خلاني نجن...بعدت عليه بعد ما غاب على الوعي شفت فيها لقيتها ترجف من الخوف شفت فيها ببرود وحكيت...
انا: اطلعي للكرهبة
الين:-------
انا:راني نحكي معاك اطلعيي
راحت للكرهبة بلا حتى كلمة قلبي وجعني عليها غير انو خبيت هد الشي ...
رحنا للفيلا واحد فينا ما حكا مع الثاني ...
#الكاتبة_تحكي...
في بار الموسيقى مالية المكان و ضوء خافت فالوسط قاعدة تشطح و تتمايل مع الموسيقى لابسة لمعري كثر من لمغطي...لي تما كامل يترماو عليها و يتمناو يعملو معاها علاقة..
هو: ااااه ميرال واش رايك ليوم تكوني معايا صدقيني رح نقلشك
ميرال: ممم نفكر منقدرش نوعدك
هو: مستنيك ياروحي رح تلقايني فالغرفة 306
يتبع...