رواية حياة بلا حياة ⁦✍️⁩ بقلم الكاتبة/ إيمان عادل الصياد (إيمي)

الفصل السابع

كن كما تحب أن تكون لا كما يحب الاخرين أن تكون هنا يكمن السلام الداخلي للنفس 😇
🌹 الفصل السابع 🌹
في منزل امجد الدمنهورى
في المساء
فريال في المطبخ تعد اصناف الطعام التي يحبها ابناءها الثلاثة وهي سعيدة فاليوم سيجتمعوا معاً
ونانسي زوجة سليم إبنها مشغولة في موبايلها ومش بتساعد فريال فريال ملاحظة تصرفات نانسي وفهماها كويس جدا لكن مش محسسهاها انها فاهماها وسيباها لحد ماتشوف اخرها إيه بالضبط ،وخصوصا ان فريال كانت رافضة جواز سليم منها لانها لاحظت انها بنت انانية جدا واتمنت لابنها زوجة افضل من نانسي بتتعامل مع فريال بأسلوب غير لائق وبتتعامل في وجود سليم بمنتهى الطيبة والرقة وسليم كان مخدوع فيها ،

فريال : نانسى روحي ياحبيبتي اتفرجى علي التليفزيون شوية علي مااخلص الاكل

نانسي : thank you أنطى أنا كده مرتاحة ماتشغليش بالك بيا
فريال : لكن انا مش مرتاحة أنا عاوزة أركز وصوت الموبايل بتاعك عالي اوى
نانسي : 😏 وده يضايقك في إيه ياأنطى
فريال : مايضايقنيش لكن انا بحب الهدوء وانتي بتسمعى اغاني مزعجة
نانسى : اوف ياانطى الحق عليا إني قاعدة معاكى بسليكى

فريال 😏 بتهمس : إنتي هتقوليلي علي تسليتك 😏
نانسي :بتقولي حاجة ياانطى
هنا جرس الباب رن
فريال : روحي شوفي مين اللي بيرن الجرس
نانسي بضيق : حاضر وراحت فتحت الباب وكان سليم جوزها واخوه عبد الرحمن
عبد الرحمن وسليم مع بعض : السلام عليكم يانانسي
نانسي بتكبر : هاى
عبد الرحمن لنفسه : الحمد لله انك مش مراتي والا كانت إيدى بتسلم علي خدك بقلم محترم يعدلك قال هاى قال 😏 الله يكون في عونك ياسليم
سليم : عبد الرحمن ماتدخل يابني انت هتنام النهاردة علي السلم 😅
انتبه عبد الرحمن علي هزار سليم  وقاله اعذرني سرحت شوية
سليم : اللي واخد عقلك يادكتور
عبد الرحمن : وانا ايه اللي هياخد عقلي غير ريحة الاكل اللي تجنن ماما دى استاذة يابنى ريحة اكلها  تخليك تيجي جرى 😅
سليم وعبد الرحمن سلموا علي والديهم وانتظروا نور علشان يتعشوا سوا
وصل نور البيت واعتذر عن التاخير
نور : اسف جدا ياجماعة لكن للشغل احكام

فريال : حبيب ماما اللي واحشنى  وتاعب قلبي معاه
نور : ست الكل اللي بعشقها وبعشق ريحة اكلها اللى واصلة لاخر الشارع
امجد : ياسلام عشق مين ياحضرة الضابط احترم نفسك العشق ده اختصاصى (هو لسة في ناس زى امجد واكرم اللي بيدلعوا زوجاتهم ولا النوع ده إنقرض  خلاص😂)
نور : تمام يافندم احنا مش اد زعل القيادة وإلا هنتكدر
أمجد : ده إنت هتتكدر وتدور مكتب كمان وممكن نلغى الاجازات لمدة 6 شهور
نور : لا يافندم كله الا الاجازات خلاص انا بعتذر يافندم وغمز لوالدته اللي ضحكت من هزاره
نانسي لسليم  : هو في إيه هو مافيش غير نور هو انت مش إبنهم ولا إيه
سليم همس لها : تعرفي تخرسي خالص وماسمعش صوتك لحد مانروح البيت
نانسي : إنت بتكلمني كده ازاى هو انا عملت ايه يعني الحق عليا اني خايفة عليك 
سليم : لا وانتي بصراحة بتخافي عليا اوى  عدى ليلتك علي خير وبلاش فضايح
لاحظ عبد الرحمن التوتر بين سليم ونانسي فمال عليه وهمسله  : ماتفك كده وتكبر دماغك في ايه
سليم : بكرة تتجوز وتتفك فكتي دى يادكتور
عبد الرحمن : بعد الشر عليا لسة بدرى 😜
سليم : بدرى مين ياعم إنت اللي في سنك متجوز ومخلف اولاد 😉
عبد الرحمن : لا ياعم عيشة السنجلة دى عيشة جنتلة بلا جواز بلا وجع دماغ 😅
سليم 😳 : جنتلة انت متأكد إنك دكتور 😂
قضتاسرة الدمنهورى سهرة ممتعه مابين هزار عبد الرحمن وسليم ونور وبين سعادة فريال وامجد بشمل اولادهم وبين غيظ نانسي منهم
استاذن سليم ونانسي علشان شغل سليم تاني يوم
وامجد اخد نور وطلعوا البلكونة وطلبوا من فريال تعمل لهم قهوة علشان يتكلموا براحتهم عملتة لهم القهوةوخرجت تقعد مع عبد الرحمن 
فريال : عامل إيه ياحبيبي طمنى عليك
عبد الرحمن : الحمد لله ياست الكل طمنيني علي صحتك بتاخدى ادويتك بإنتظام
فريال : الحمد لله ياحبيبي ، ايوة باخدها بانتظام لكن ياعبد الرحمن خايفة مالحقش افرح بيك إنت واخوك واشوف ولادكم
عبد الرحمن : كله بأوانه ياامي وفجأة حضر في عقله صورة روجيدا وحاول يتناساها لكن مقدرش
******
عند نور وامجد في البلكونة
نور : فكرت يابابا في اللي إتكلمنا فيه الصبح
أمجد : ايوى فكرت وإتصلت باللواء محسن وهو شرحلي الموقف كله وانه الخطوة دى مهمة جدا في شغلكم الفترة اللي جاية وخصوصا ان حياة لازم تكون موجودة معاك برة مصر
نور : فعلا يابابا ده حقيقي لكن انا اللي شاغلني هو ازاى هنقنع ماما والناس بالموضوع وخصوصا ان الوقت مش في صالحنا
أمجد : سيبلي انا مهمة اقناع والدتك وانت من بكرة الصبح ابدأ الاجراءات
نور : حضن والده وقاله : حاضر يابابا دعواتك لنا
امجد : ربنا معاكوا يابني وترجعلي بالف سلامة
*********
في بيت سليم :
سليم ونانسي وصلوا البيت وهو متعصب
نانسي : ممكن افهم سبب عصبيتك دى إيه بالضبط
سليم : انتي مش عارفة بجد ولا بتستهبلي
نانسي : سلييييم حافظ علي كلامك
سليم : لما تتكلمي مع امي او عنها تتكلمي باحترام وتلزمى حدودك كفاية انا مستحمل سخافتك وتصرفاتك انما توصل لامى فأنا مش هسمحلك يانانسي
نانسي بمنتهى البجاحة : أنا عملت إيه في مامتك ممكن افهم
سليم : ( فلاش باك)
كنت داخل الحمام اغسل ايدي بالصدفة سمعتك وانتي بتتكلمي في التليفون مع مامتك وبتحكيلها أد إيه انتي بتكرهى أمى وبتحاولى دايما تضايقيها وإنك مش بتحبيها لا وصدمتي الاكبر كانت في مامتك حماتي العزيزة اللي بتشجعك علي الغلط)
(نهاية الفلاش باك)
إنما تنصحك نصيحة لوجه الله تعدل حالك أبدا نفسي اعرف امى عملتلك ايه علشان تكرهيها الكره ده كله 😏
نانسي :ساكتة ومصدومة هو ازاى سمعها
سليم لاحظ صدمتها قالها : عموما انا مقدرش الومك لوحدك او احملك المسؤلية لوحدك لان مامتك شريكة معاكى وانا ليا كلام تاني مع باباكى لما يوصل مصر
ومن دلوقتي ممنوع تروحي لامي   وممنوع والدتك تيجي هنا لكن انا مش هحرمك منها وقت ماتحبى تشوفيها انتي اللي هتروحى عندها لان انا مش طايق اشوفها فياريت تبلغيها بنفسك والا انا هبلغها بطريقة مش هتعجبك 😏
نانسى : إنت اتجننت إنت بتقولي انا الكلام ده
سليم : كان سليم في اللحظة دى وصل لاقصي مراحل الغضب ولم يشعر بنفسه الا وهو يضرب نانسي بالقلم لانها تجاوزت معه كل الحدود
وخرج من البيت كله ونانسي الغضب بياكلها منه
****************
مع بداية يوم جديد
في منزل اكرم الصياد : يرن هاتف المنزل لتذهب الخادمة لتجيب علي المتصل
المتصل : صباح الخير اقدر اكلم مستر اكرم لو سمحتى
الخادمة : اقوله مين يافندم
المتصل : قوليله صديق قديم
الخادمة : لحظة يافندم ابلغه
الخادمة : مستر اكرم تليفون علشان حضرتك
اكرم : مين يادادة اللي بيتصل بدرى كده
الخادمة : بيقول صديق قديم يافندم
اكرم بتفكير وهو ممسك سماعةالتليفون   : ده مين  الرايق اللي بيهزر علي الصبح كده  الووو
المتصل بيضحك لانه سمع كلام اكرم😅 فقال : صباح الخير يااكرم عامل ايه
اكرم :مين اللي بيتكلم
المتصل : انا الرايق اللي بيتصل يهزر قصدى انا اللواء محسن نسيتني ولا إيه
اكرم : اهلا يامحسن واحشني ياراجل انت فين
محسن : وانت واحشني اوى يااكرم اخبارك ايه
اكرم : يعنى بذمتك انت ماتعرف اخبارى
محسن ضحك : وقاله اكيدعارف ياصاحبي لكن طمنى عليك وحستني يااكرم لكن انت عارف ظروف شغلي وحجم المسؤليات اللي انا فيها
اكرم : عارف ياصاحبي اللي بيحصل في البلد مش شوية
ها قولي ايه اللي فكرك بيااكيد في حاجة
محسن: ياسيدى وحشتنى وعاوز اشرب معاك فنجان قهوة عندك مانع
اكرم : لو علي القهوة بسيطة لكن اكيد في سبب قوى جدا اللي يخليك تتصل بيا
محسن : طول عمرك ذكى ولماح اكيد لما نتقابل هتعرف كل حاجة
ها فاضي امته
اكرم : إيه رايك نتقابل بكرة الصبح في النادى نتمشي شويةونتكلم
محسن : تمام وفرصة نتمشي شوية في الهواء المنعش
وانتهت المكالمة علي موعد باللقاء تانى يوم
* انتهت المكالمة *
هناء في ايه يااكرم هو مين محسن اللي كان بيكلمك ده انا اول مرة اسمع الاسم
اكرم : كان بيفكرفي مكالمة محسن
هناء طرقعت بأصابعها: وهنا اكرم اتنبه وقالتله ايه روحت فين انا بكلمك وانت مش سامعنى خالص اكرم : ابدا انتي كنتي بتقولي حاجة
هناء : لا ده انت مش معايا خالص
اكرم ابتسم لها بحب وقالها ده صديقي من زمان الدنيا اخدت كل واحد في طريق هو في الجيش وانا في عالم البيزنس
هناء : فعلا الدنيا بتشغل الناس عن بعضها وممكن يتلاقوا بعد سنين كتيرة صدفة وقتها هيعرفوا ان الدنيا سرقت منهم سنين عمرهم من غير مايحسوا
اكرم حاول يغير الموضوع : وسألها علي الاولاد وقالها هو البيت هادى ليه كده علي الصبح فين الاولاد
هناء : ياحبيبي شريف وحياة في المجموعة من بدرى وتالا في الجامعة عندها محاضرات مهمة فخرجوا من بدرى
أكرم : ضحك وقالها طب وساكتة من الصبح ياقلبك القاسي يعنى فرصة زى دى وعاوزاني اضيعها
هناء : ابتسمت باحراج (هي علي الرغم من سنين زواجهم الا انها لسة بتخجل من غزله الصريح )
فقالتله هو انت علي طول كده ماتعرفش تتكلم جد ابدا كل كلامك هزار
أكرم : حب يزيد خجلها فقال :
انا 😳 انا بتكلم جد هو انا قولت حاجة ياهناء إنتي كده دايما بتفهميني غلط😉
هناء :ضحكت وحبت تهرب منه فقالت : طيب تعالي كمل فطارك علشان هتتاخر علي المجموعة
أكرم : انا بتطرد بالذوق ماشي ياهنايا لكن اعملي حسابك هنكمل كلامنا لما ارجع بالليل 😉
هناء : هتفضل طول عمرك كده عمرك ماهتكبر ابدا وتبطل شقاوة ياحبيبي اللي زيك دلوقتي بقي عندهم احفاد
اكرم : ولو عندى 10احفاد هفضل شباب ياهنايا
********
في مجموعة الصياد :
حياة : تمام ياامل حاولي تخلصي الشغل اللي قولتلك عليه في خلال اسبوع  لان مسافرة ومش عاوزة اي شغل يتعطل او يتاخر بسبب السفر هنحاول نضغط نفسنا اليومين اللي جايين علشان نخلص
أمل : حاضر يافندم هنحاول وربنا معانا و نلحق نخلص
شريف : حياة ياحبيبتي ماتقلقيش انا موجود ولو في اى حاجة هنكون علي تواصل ده مؤتمر كلها كام يوم وترجعى تاني تشوفي شغلك
حياة لنفسها :  الله اعلم مدة السفرية دى هتكون أد إيه او إذا كنت هرجع تانى ولا لأ أنا مش خايفة علي نفسى انا خايفة بابا وماما لوحصلي حاجة انهم يتعبوا ياااربي
شريف : حياة ياحياة مالك يابنتى روحتى فين
حياة : شريف انا عاوزاك توعدني لو حصلي حاجة  انك تكون جنب بابا وماما وتالا كأنى موجودة بالضبط   او لحد ماارجع تانى
شريف : بعد الشر عليكى ياحياة ليه بتقولى كده أنا اول مرة أشوفك في الحالة دى انتى مخبية عليا حاجة
حياة : أبدا ياشريف انا بوصيك عادى يعني وبعدين الموت علينا حق ولا إيه
شريف : ياستار عليكي  نكدية ياحياة  زى اى ست مصرية اصيلة
ضحكت حياة حتي ان دموعها ملأت عينيها
شريف : بطلي ضحك بقي عيونك دمعت
حياة حاولت تمسك دموعها وهي بتضحك
ونجحت حياة في انهاتتحكم في دموعها ومسحتها وقالت : ياشريف المسؤلية هتكون كبيرة عليك لكن انا عارفة انك هتقدر عليها
شريف : ماتقلقيش ياحياة تروحى وترجعى بالسلامة
حياة : الله يسلمك ياحبيبي ، إتفضل علي مكتبك علشان عندى مكالمة مهمة
*****************
🌹نهاية الفصل السابع 🌹
اتمنى الفصل ينال اعجابكم ومنتظرة كومنتاتكم ومناقشاتكم