الفصل 21
فى هذه اللحظة كانت حياة تخرج من السرداب بحذر وترقب للتأكد من خروج افراد العصابة الا انها تفاجئت بوجود اثنين فحاولت الهرب الا ان فادى احكم قبضته عليها وقال لها :
اهدى ياانسة حياة انا فادى اللي كلمت سالى من شوية
إيه اللي حصل وفين سالى
تن
بهت حياة علي سؤال فادى بإختفاء صديقتها وظلت تبحث عنها بخوف وقلق وهى تحكى لهم ماقالته لها صديقتها سالى
حياة : اكيد خطفوها ارجوكم الحقوها بسرعة
فادى : انسة حياة سالى اتصلت بأى حد غيرى من وقت مارجعت
حياة : ايوة فعلا اتصلت بواحد اسمه اسمه ايوة اسمه نديم
فادى : وهى عرفت نديم منين كده فعلا سالى حياتها فى خطر
خالد وهو يضرب قبضته في الحائط بعصبيه: الكلاب
لازم نلحقها يافادى والا هيقتلوها فعلا
فادى : انسة حياة انا مش هقدر اسيبك هنا لحظة واحدة اجمعى الحاجات المهمة بس دلوقتى وهتيجي معانا
حياة : أجى مع حضرتك فين بالضبط انا مش هتحرك من هنا غير لما افهم كل حاجة وسالى راحت فين
ايه اللي حصل انا كأنى فى كابوس مش فاهمة اى حاجة
فادى : هتعرفى كل حاجة لكن فى الوقت المناسب لكن الوقت مش فى صالحنا دلوقتى
ارجوكى اتفضلى معاكى 5 دقايق بس بسرعة اى تاخير انتى كده بتعرضى حياتنا كلنا وحياة سالى للخطر
حياة : حاضر لكن ....
فادى: لكن ايه
حياة وهى تنظر لخالد : سالى كانت عطتنى امانة
فادى مقاطعا : عارف والامانة دى هتفضل معاكى دلوقتى وهاخدها منك فى الوقت المناسب
حياة : تمام لكن ممكن اكلم بابا ماينفعش اتحرك من غير مايكون عنده علم
فادى بنفاذ صبر : آنسة حياة فى حد هيبلغ والدك بكل حاجة وهيطمنه عليكي كمان دلوقتى اتفضلى مافيش معانا وقت
وتركتهم حياة وذهبت تجمع بعض اغراضها وكتبها
فادى : خالد بلغ رجالتنا يراقبوا نديم اكيد هو اللي هيوصلنا لسالى
خالد بغيظ : انا مش فاهم ازاى واحدة بشخصية سالى تعرف واحد قذر زى نديم وازاى احنا مانعرفش
فادى : مش وقته ياخالد المهم دلوقتى نلحقها وبعدين هنتصرف
حياة: أنا جاهزة
فادى: اوك
وتحرك فادى وخالد بحياة من الباب الخلفى لتأمينها وذهبوا الي منزل آمن لتنتظر فيه حياة عده ايام حتى تهدأ الامور
فادى : وصلنا آنسة حياة البيت ده مجهز وآمن انتى هتفضلى هنا كذا يوم لحد الدنيا ماتهدى وفى ناس هنا مكلفة بحمايتك برة البيت وماتقلقيش فى بنت هتيجى تقعد معاكى دى تبعنا لكن ارجوكى ممنوع الاتصال بأى حد مهما كان ولا استعمال الانترنت لانهم بسهولة يقدروا يوصلولك عن طريقه او عن طريق تليفونك
ده تليفون عليه رقمى انا وخالد وقت ماتحتاجينا هتلاقينا انما تليفونك انا مضطر أخليه معايا وده لحمايتك انتى
خالد : فادى وصلت
فادى : تمام خليها تدخل
بسنت : تمام يافندم
فادى : فى ميعادك بالضبط يابسنت
بسنت : تلميذتك يافندم
فادى : تمام وزى مافهمتك مهمتك حماية حياة لحد الامور ماتهدى
بسنت : تمام يافندم
كانت حياة بتراقب كلام فادى وخالد وبسنت بغيظ ونفاذ صبر وفجأة
حياة : أنا ممكن افهم دلوقتى ايه اللي بيحصل بالضبط
فادى : آنسة حياة ارجوكى اصبرى شوية واوعدك هتعرفى كل حاجة لكن دلوقتى مضطريين نمشي لازم نلحق سالى
أنت تقرأ
رواية حياة بلا حياة ✍️ بقلم الكاتبة/ إيمان عادل الصياد (إيمي)
Gizem / Gerilimالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
