الفصل 28
فى المستشفى
كان الطبيب أنتهى من الكشف على سليم وخرج وهو يتحدث مع الممرضة وكان معهم عبد الرحمن
انا عاوز المريض تحت الملاحظة 24 ساعة واول مايفوق تبلغينى انا فى مكتبى لو حصل اى جديد
الممرضة : اوك يادكتور
أمجد وفريال كانوا واقفين قلقانين على ابنهم
امجد : طمنى يادكتور إبنى ماله عنده إيه
الدكتور : إطمن يافندم إبنك بخير هو بس ضغط الدم ارتفع عنده جدا وده السبب فى الاغماءة اللى حصلتله
إحنا ضبطناله الضغط وهو واخد حقنه مهدئة ونايم دلوقتى مش هيفوق قبل بكرة الصبح
واضح إنه اتعرض لضغط عصبي شديد وصله للحالة دى
عموما حمدالله على سلامته بعد إذنكم
فريال بعيون باكية على ماحدث لإبنها : إيه اللي حصل لأخوك ياعبد الرحمن وصله للى هو فيه ده
امجد : إهدى يافريال الحمد لله إن الدكتور طمنا على ابننا
فريال : ايوة لكن انا عاوزة اطمن على ابنى
إتكلم ياعبد الرحمن طمنى يابنى
عبد الرحمن وهو يقبل جبينها : إطمنى ياماما سليم هيبقى كويس
فريال : ياحبيبي طمنى إنت كنت رايح عنده من الصبح بدرى ليه
امجد : ماتتكلم ياعبد الرحمن كفاية لعب بأعصابنا
عبد الرحمن : سليم طلق نانسي
امجد وفريال بصدمة : إيه طلقها
فريال بحزن وقلق على ابنها : ليه ياعبد الرحمن إيه اللى حصل خلاه يعمل كده
وبدأ عبد الرحمن يحكى لهم ماحدث وسط ذهول أمجد وفريال مما يسمعوا
وانتهى عبد الرحمن من حكى ماحدث
فريال : أنا مش قادرة اصدق معقول ياامجد فى حد قلبه كله حقد وغل بالطريقة دى
أمجد بثبات : ايوة يافريال معقول جدا انا من اول ماشوفت البنت دى وانا ماإرتحتلهاش وكان دايما قلبي مش مطمن لها
وسبب انى كنت رافضها انها كانت مغرورة ومتدلعة
فريال : لا دى بجحة كمان تقف قصاد ابنى وتقول إنها كانت متراهنة عليه
إيه البنات دى فين أهاليهم ،فين الام اللى تربى وتوجه
الام اللى تعرفها الصح من الغلط ، اللى تعرفها الاصول
امجد : أم مين يافريال الناس دول مايعرفوش الكلام ده
بيسيبوا ولادهم للمربيات وكل واحدة فى نادى شكل مع الشلة بتاعتها
الحمد لله ان مافيش أطفال بينهم وإلا كانوا هما اللي هيدفعوا الثمن
عبد الرحمن : لأ ماهو ......ماهو
فريال : ماهو إيه ياعبد الرحمن إوعى تقول إن نانسي حامل ...
عبد الرحمن : لا ياماما مش حامل
للاسف نانسي عندها مشاكل تمنعها تمنع الحمل
أمجد : إزاى الكلام ده اخوك مفهمنا ان الدكتور طمنهم وانها مسألة وقت
عبد الرحمن :للاسف سليم احتفظ بالسر ده حفاظا علي مشاعر نانسي
فريال : يارب إشفيه يارب
امجد : اطمنى يافريال إن شاء الله هيقوم منها إبنك قوى وهيعدى الازمة
..........................
فى المانيا
وصلت طائرة الوفد المصرى الى مطار برلين
انتهى الوفد من الاجراءات وتوجهوا للفندق واتجهت نور وحياة الى فيلا مستر معتز
وقد اعطى معتز جميع الخدم وطاقم الحراسة الخاص به وجميع العاملين بالفيلا إجازة
وذلك طبقا لخطة التأمين الموضوعة من قِبل فادى ونور
أنت تقرأ
رواية حياة بلا حياة ✍️ بقلم الكاتبة/ إيمان عادل الصياد (إيمي)
Mistero / Thrillerالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
