Burning Sapience [Poem Compilation]

PANAGTURPOS

Panagturpos
[2018]

Kabaiatan iti panagsagaba iti adu a peggad,
Nadanunen iti panagpuros dagiti bunga ti rigat.
Ittan nga inda alaen iti naysangsangayan nga bunga,
Nga inda inurnong kabaiatan iti inda panagadal.

Aldaw nga awan iti sinoman a makalapped,
Gapo iti intero la unay a panagsagana.
Aldaw nga lumdaang da iti kinaragsak,
Gapo ta sumagpat da manen iti baro a paset iti biag.

Saan da nga mauma nga mangkitkita,
Iti nalaos a ragsak iti bado da.
Puraw wennu nangisit a bado iti ragsak,
Ken natibker a kallogong iti ballaigi.

Kasla tumalna iti amin nga aglaolao,
Kabaiatan iti inda panangawat ti diploma.
Palalo a ragsak ti inda marikna,
Kalpasan a makilamado da kadagiti mamaestro ken mamaestra.

Permi a lumdaang da a palalo,
Iti inda panangiyebkas iti maudi a balikas da.
Balikas iti nalaos a kinaragsak ken kinaulpit,
A gapu iti inda panagdadasig.

Agsasaruno a saiddek iti inda panagluwasit,
A kas panangiduyakyak iti panagyaman.
Kadagiti dadakkel, maestro, maestra ken iti apo,
A nangtarabay iti panagdalyasat ken inda panagadal.

Dayta ngarud nga aldaw a naysangsangayan,
A napnuan unay iti napalalo a kinaragsak,
Ta inda inpaneknek a tinarigagayan da,
Iti inda panagsakripisyo a nagadal.

__________