الطياره هبطت ف مطار الخرطوم
لتين: ماما الناس ديل بعاينو لينا كده ليه
لمار: عشان لبسك لانو هنا اغلبيه البنات محجبات او بلبسوا طرح
لتين: اهمم ح يجي يسوقنا منو
لمار: ح نركب تكس لانو كلهم مشغولين ب البكاء طلعوا برا وقفوا ترحال وركبوا
لتين: لا حوله ماما الجو سخن شديد هنا
لمار: مش ده السودان الكنتي عايزه تجيهو
لتين: لو عارفه الجو كده م كان فكرت اجي
لمار: كلها كم يوم وح نرجع م تخافي
لتين: الحمدلله
عربيتهم اتضربت مع عربيه تانيه
لمار : لتين كويسه انتي
لتين: ايوه
لمار: خليك هنا ح انزل اشوف ف شنو
السواق: كويسين انتو
لمار: ايوه الحمدلله
نزل ولد من العربيه طلع الفريم بتاعو
رويد: انا اسف ي عم جاتكم حاجه
السواق: لا ي ولدي سليمه
رويد: طيب انا ح اصلح ليك العربيه
السواق: م بحتاج بس ممكن توصل المعاي ديل مشوارهم لانو العربيه بطلت
رويد: م عندي مشكله
قاطعهم صوت لتين: ماما الحصل شنو
رويد رفع راسوا عاين ل مكان جاي الصوت ده اول م شافها عيونو برقت
رويد: ما شاء الله
لمار: العربيه اتعطلت ي لتين
لتين: وح نمشي ب شنو
رويد: انا ح اوصلكم اركبوا وانا ح ارفع الشنط
لمار: طيب ي ولدي
السواق: اعمل حسابك المره الجايه
رويد: ان شاء الله
ركبوا معاه واتحرك
رويد: شكلكم جديدين هنا
لمار: لينا اكتر من ٢٠ سنه م جينا السودان ولتين اول مره تجي
رويد: ان شاء الله السودان يعجبك مع انو م ظنيت
لتين: لا بعد الشمس دي م اظن يعجبني
رويد: متوقع كده بس جيتو ليه
لتين: جدو اتوفى
رويد: ربنا يرحمو ي رب
لمار: اميين ي رب البلد اتغيرت شديد
رويد: م ف شي بفضل ع حالو حتى النفوس بتتغير
لمار: معاك حق
رويد: وقف العربيه وصلنا
لمار: شكرا ي ولدي
رويد: العفو ي خالتو ح انزل ليكم الشنط
لتين: بيتكم حلو ي ماما
لمار: خلينا ندخل يلا البسي الطرحه دي
لتين: طيب لبستها ودخلوا
رويد كان واقف لما دخلو
" سبحان الخالق الباري انا عمري م شفت بت ب الجمال ده اللهم ي حافظ ي حفيظ احفظها 💛"
مشت ع امها سلمت عليها وبقت تبكي
نفيسه: اخيرا جيتي ابوك فات وخلاني
لمار: الحمدلله ع م اراد الله
نفيسه: انتي لتين صح تعالي
لتين: تيتا كيفك وربنا يرحم جدو
نفيسه: امين ي رب كان نفسو يشوفك
منى: هسي ده شكل ناس جايه عزا
رأفت: وطي صوتك ده البت اول مره تجي السودان
منى: هي اول مره تجي بس امها ماله صغيره
رأفت: انا م ناقصك هسي قفلي خشمك ده عليك فاهمه
منى: بس ده الفالح ليه
جات شافعه بتكورك حبوبه تي منو البت الهلوه تي
نفيسه: دي بت عمتك لمار
لتين: تعالي هنا ي حلوه انتي اسمك منو
انا اسمي تالا
لتين: اسمك حلو زيك
تالا: ثتلن
رأفت:بما انو لمار جات ندفن بعد كده
شالو الجنازه وسط بكاء ودموع
...
ب جهه تانيه رويد ف غرفتو قاعد ف الكرسي وسارح جاهو رياس
رياس: سارح وين ي جميل
رويد: ابداً
رياس: علي انا برضو
رويد: الليله وانا سايق عملت حادث
رياس: وانت كويس
رويد: اهدأ م فيني شي العربيه اتشخطت شويه
رياس: الحمدلله
رويد: المهم شفت بت كانت ف العربيه الضربتها كانت معاها امها ،سبحان الله البت كأنها ملاك نازل من السماء انا من شفتها ل هسي شكلها م عايز يروح من بالي شعرها الاشقر ،عيونها العسليه ، صوتها الطفولي
رياس: وده كلو اكتشفتو ف الزمن القصير ده بس انت وقعت ولا شنو ي معلم
رويد: وقعت شنو ياه دي ح تقعد ف السودان كم يوم وح ترجع البلد الجات منها
رياس: م معروف احتمال تتلاقو تاني
رويد: ي ريت
رياس: خليك خاتي حاجه ف راسك " القدر ممكن يغير اي حاجه ف لمح البصر" عشان كده م ف حاجه مستحيله بس قول ي رب💛
رويد : ي رب ي رب
رياس: انا ح امشي اغيير ملابسي الغداء ح يجهز وانت كمان انزل اتغدا معانا عشان ترضي ع ابوك
رويد: حاضر ح انزل
نزل تحت قعد ف الصفره
فاروق: اخيراً نزلت تاكل معانا
رويد: سمعت ب نصيحه رياس
رياس: م ف شكرا ي حاج
فاروق: ربنا يخليكم ل بعض
رويد: بالمناسبه ي ابوي عايز اودي العربيه الصيانه
فاروق : ليه ماله
رويد:عملت بيها حادث بسيط
فاروق: وليه م كلمتني حصل ليك حاجه خلينا نمشي المستشفى
رويد: لاا انا كويس م جاتني حاجه اتطمن
فاروق: ١٠٠ مره كلمتك تعمل حسابك وانت سايق ح اغير ليك العربيه دي
رويد: لالا انا بحب العربيه دي ح اصلحها بس
فاروق: طيب البريحك
راشد: دلعوا كويس لما المره الجايه يكسر العربيه
فاروق: خليك ف حالك
رسلان: كل مره يعمل حاجه وانت تصلح وراه
فاروق: ولدي وانا حر معاه
رويد: ده المخليني م انزل اكل معاكم عشان كده تاني م تنادوني ل اكل تحت
ميس:رويد كمل اكلك طيب
رويد: شبعته كلام يسد النفس عن اذنكم
رياس: انتو ل متين ح تفضلو كده م تدخلو ف الولد ده خليكم ف حالكم وطلع وراه
فاروق: يمين الله البسأل الولد ده تاني لأكون حارمو من الميراث وقام
نهى: دي جابت تهديد ح يحرمكم من الورثه
راشد: قبل م يحرمنا ح نكون اخدنا اي حاجه
رسلان: خلينا نعمل القلت ليك عليه
راشد: ف اقرب وقت
نهى: ايوه كده اخدوا حقكم عشان مع رويد ده م ح تطولو ولا قرش
ميس: خليك محضر خير ي نهى م تملي راسهم ع اخوهم
نهى: اطلعي منها انتي
ميس: طلعت ومخلياها ليكم بس اعرفوا عمي لو عرف نواياكم دي مش ح يحرمكم من الميراث بس ح يطردكم برا البيت ده
رويد ف الحديقه معاه رياس
رياس: م تشتغل ب كلامهم طول عمرهم ده حالهم
رويد: انا لو م انت وابوي وميس م كان قعدته ف البيت ده ولا ثانيه
رياس: وتخلي ليهم حقك
رويد: انا م بتهمني القروش ولا الورثه انا عايز اعيش مبسوط وف حالي بس
رياس: انا عارف بس كمان ده نصيبك وليك زيهم ب الضبط
رويد: انا اخدت قراري ف اقرب فرصه ح أجر شقه وارحل فيها
رياس: والله تعمل كده لا اخوي ولا بعرفك فاهم
رويد: اهدأ م ح اعمل كده هسي لما اتخرج
رياس: ل وقتها نشوف البحصل
" مطامع اخوتي كمطامع اخوه يوسف ب ابيهم "
بعد اسبوع ف بيت حبوبه لتين متلمين ف الصاله
لمار: نحن ح نرجع بعد كده ي امي لانو لتين عندها جامعه
نفيسه: ده كلام شنو ي بتي وح تخليني ل منو
لمار: ي امي م ينفع نقعد هنا وانتي عارفه السبب
نفيسه: ي بتي ده كتاب قديم واتقفل م معروف اموت متين خليك هنا
لمار: بعد الشر عليك
رأفت: كلام امي صاح خليك هنا ف الغربه م معاكم زول هنا كلنا قاعدين
لمار: بس هناك شغلي وجامعه لتين
رأفت: مالو تمسكي معاي الشركه هنا ولتين نشوف ليها جامعه هنا
لمار: بس لتين م ح تقدر تتأقلم مع الوضع هنا اصحابها وحياتها كلها ف كندا
منى: خليها ترجع لو عايزه
رأفت: م ف زول طلب رايك
لتين: ماما انا م عندي مشكله ممكن نقعد الفتره دي هنا
لمار: متأكده
لتين: ايوه وم تقلقي علي ح اتعود واصحابي بتواصل معاهم ب الاسكايب
لمار: طيب لو انتي موافقه م عندي مشكله
رأفت: وانا ح اسجل ليها ف الجامعه البريطانيه
لتين: طيب حلو
لمار: طيب انا ح ارجع كندا عشان اجيب كل اوراقها وباقي حاجاتنا الهناك
رأفت: طيب انا ح احجز ليك ف اقرب طياره راجعه
لمار: تمام
" ويا قدري المخفي ماذا تخبي لي بين طياتك "
أنت تقرأ
عاشق_اللتين💛
Romanceالعادات والتقاليد السودانيه ومفاهيم اهلنا القديمه عن العلاقات الفي نظرهم كلها غلط مع انو من حق كل اتنين يحبوا بعض طالما م بعملوا ف غلط ومفترض يفهموا انو الاجيال بتتغير والمفاهيم بتتغير ونحن م ح نكون زيهم لانو الزمن بختلف والعالم ف تطور والحب ما زال...
