عاشق_اللتين💛

7

ف الجامعه رويد كان منتظر لتين برا
رويد:حبيبي صباح الخير
لتين:صباح النور
رويد: مالك زهجانه كده
لتين: مرت خالو شافتك وانت بتوصلني
رويد:وحصل شنو
لتين: ماما وخالو وقفوا معاي وقالوا ليها اني كنت بقرا ف الجنينه
رويد:الحمدلله اسف بسببي حصل كده
لتين:م مهم المهم اني اتبسطته معاك
رويد:اها جاهزه ل الامتحان
لتين:كيف م اكون جاهزه وانت معاي
رويد: طيب خلينا ندخل امتحانك باقي ليه خمسه دقايق
لتين: يلا وصلها للقاعه
رويد:انتي عارفه اني بحبك
لتين:وانا بحبك
رويد: عشان كده ركزي كويس وم تستعجلي ف الاجابات وانا ح انتظرك هنا لما تطلعي
لتين: طالما انت جنبي ما تخاف علي يلا ح ادخل انا
رويد قاعد برا ماسك تلفونو جا سامح ومناسك وعمر
عمر:واقف هنا مالك
رويد:منتظر لتين تطلع من الامتحان
عمر: خلينا نقعد طيب لما تطلع
رويد: لا م عايزها تطلع تلقاني م ف
مناسك: دي الناس البتفهم
سامح: ياها لتينك طلعت
رويد:اها اشتغلتي كيف
لتين: امم م بطال
رويد: افهم شنو كده انا
لتين: حلو
رويد: الحمدلله خلونا نمشي نفطر وبعدها تمشي البيت ترتاحي
لتين: حاضر بس دقيقه عايزاك
سامح: خلاص نحن ح نسبقكم ع الكافتيريا
لتين: م عايزه امشي البيت ممكن نطلع نتمشي شويه م حبيت اقول ليك لا قدامهم
رويد: جداً نطلع م عندي مشكله
لتين: خلينا نمشي نفطر طيب
..
ف الشركه ف قاعه الاجتماعات
فاروق: انا عايز اعرف القروش الفي الخزنه دي بتمشي وين
راشد: مرتبات العمال
فاروق: المرتبات ياها البتتصرف كل سنه زادت يعني
رسلان: عدد العمال زاد بعد فتحنا الفرع الجديد
فاروق: راشد انا عايز تفاصيل كامله عن المدخلات والمخرجات خلال الشهور الفاتت دي
راشد: تمام
فاروق: وحكايه الشركه الجديده المنافسه لينا ف السوق دي شنو
رسلان: م عندنا معلومات عنها
فاروق: عايز اعرف كل كبيره وصغيره عن الشركه دي ومديرها منو خلال 24 ساعه مفهوم
رسلان: خلي الموضوع ده علي
فاروق: تقدروا تتفضلوا ع مكاتبكم
..
لتين ورويد بتمشوا جنب النيل كانوا الاولاد كلهم بعاينو ليها
لتين: رويد انا فيني حاجه غلط
رويد: لا بتسألي ليه!؟
لتين: ف ناس بعاينوا لي كأنهم اول مره يشوفو بت
رويد: يمكن مستغربين ف طريقه لبسك وم بتلبسي طرحه انتي عارفه بنات هنا ملتزمات شويه
لتين: وانت م مستغرب من طريقه لبسي!؟ وم حصل علقت عليها
رويد: اللبس عمرو م كان مقياس ل الاحترام + ي ستي انا عايز الحاجه دي تجي منك وتكوني مقتنعه بيها لانو انا عارف لو قلت ليك غيري طريقه لبسك ح تعملي كده عشان ترضيني بس انا م عايز كده انا عايزك تعملي كده من نفسك وتكوني مبسوطه وانتي بتعملي كده💛
لتين: انت حلو كده ليه
رويد: عشان من عرفتك بقيت كده خلينا نرجع البيت الزمن اتأخر
لتين:مع اني م شبعت منك بس يلا
رجعوا بيوتهم وف بيت لتين
نفيسه: اها امتحنتي كيف
لتين: كويس جداً
رأفت: عارفك شاطره وح ترفعي راسي قدام العميد
لتين: ماما عايزاك تمشي معاي السوق
لمار: خير ليه
لتين: انا قررت البس طرح وحابه اشتري كميه
لمار: معقوله من نفسك كده
لتين: ايوه م عايزه احس اني غريبه هنا
رأفت: الله يكملك بعقلك
لمار: حابه تمشي متين
لتين: هسي لو فاضيه
لمار: م عندي مشكله يلا نمشي
طلعوا السوق اشترت كميه طرح ورجعت البيت
تاني يوم ف الجامعه لتين جات داخله
سامح: شوفو البت دي بتشبه لتين
مناسك: بتشبها شنو دي لتين
عمر: معقوله
رويد: لتين
لتين: امم رايك شنو
رويد: لو عارفك ح تكوني ب الجمال ده كان طلبت انك تلبسي طرحه من زمان
لتين: يعني حلوه
رويد: حلوه شنو انتي جمالك م بتوصف بس اتعلمتي تلفي الطرحه كيف
لتين: فضلت احضر فيديوهات ف اليوتيوب طول الليل لما اتعلمت الفها
مناسك: الصراحه الطرحه يحردوها ليك
عمر: كده البنات ح يشاغلوك خلي الاولاد
لتين: انا م بهمني زول غير رويد💛
رويد: ورويد م شايف غيرك اصلاً💛

" سبحان من زاد جمالها عندما ارتدت حجابها وكأن الحجاب لم يزينها بل هي زينته 💛 "

ف الشركه ف مكتب فاروق
رسلان: انا عرفت الشركه المنافسه تابعه ل منو
راشد: اهاا
رسلان: ح تتصدم زي م انا اتصدمت
فاروق: اتكلم سرعه
رسلان: ل لمار ورأفت السيوفي
فاروق: كيف الكلام ده
رسلان: زي م بقول ليك كده
فاروق: لمار دي جات السودان متين
رسلان: جات ل وفاه ابوها واستقرت هنا ونسبه ل ذكاءها مسكت اداره الشركه وعرفت تشغلها
راشد: م علينا بيهم
رسلان: رجعت تحن ل ايام زمان ولا شنو ي اخوي
راشد: احن شنو م تحترم نفسك ي رسلان
فاروق: ح تتشاكلو قدامي يعني
راشد: شوف ولدك بقول ف شنو ي حاج
رياس: ف شنو صوتكم عالي كده
رسلان: شفت المصيبه الجديده الشركه المنافسه لينا طلعت ل اولاد السيوفي لمار ورأفت
رياس: انا كنت عارف النار دي م بتطفي ح ترجع تولع تاني وكلو بسببكم
رسلان: هوي وانا مالي ده اخوك وابوك
رياس: وانت كنت معاهم ف العملوه وجا الوقت ينتقموا فيه
فاروق: م ح يقدروا يعملوا اي حاجه
رياس: نفس الكلام قلتو قبل 20 سنه وفريد وقف ف وشك وهسي مرتو ح تقيف ف وشك وح تجيب حق زوجها وانت م ح تقدر تعمل شي
راشد: انت معانا ولا معاهم
رياس: انا مع الحق
رسلان: نحن لازم نتحرك قبل هم يعملوا شي
رياس: م ح تلحق لانو الشركه ماشه تفلس وانتو الاتنين عارفين السبب
فاروق: قصدك شنو
رياس: اسأل اولادك
راشد: ااا انت قصدك شنو
رياس: ولا شي بس صدقوني نهايتكم ح تكون قريبه وطلع
رسلان: ده بخوف فينا مالو
راشد: م تشتغل بيه طول عمرو كده جبان
فاروق: م عايز اسمع ولا صوت اطلعوا برا
راشد: طالعين اهدأ
فاروق: معقوله اخسر كل البنيتو ورويد لو عرف لالا لازم انا احل الموضوع ده ف اسرع وقت
طلع من الشركه ركب عربيتو واتحرك وصل شركه السيوفي طلع فوق
فاروق: لو سمحتي مدام لمار وين
السكرتيره: ف المكتب اقول ليها منو
فاروق: انا ح ادخل واعرفها بنفسي دقه الباب
لمار: اتفضل
فاروق: السلام عليكم
لمار: انت