عاشق_اللتين💛

12

بعد اسبوع رويد ف شركه لمار بدق ف الباب
لمار: اتفضل
رويد: كيفك خالتو لمار
لمار: رويد الجابك شنو
رويد: عايزك ف موضوع انتي وخالو رأفت
لمار: طيب دقيقه اتصل ليهو اتصلت خمسه دقايق وجا
رأفت: خير
رويد: اول حاجه انا اسف عشان جيت فجأه تاني حاجه انا جاي ب خصوص موضوعي انا ولتين نحن م عندنا ذنب ف الحاجه الحصلت زمان وانا م عارف اواجهكم كيف بسبب العملو ابوي بس ف نفس الوقت م بقدر اتخيل حياتي من غير لتين ع الاقل ادوني فرصه اثبت نفسي
رأفت: ح تثبت كيف
رويد: انا لي اسبوع خليت البيت وعايز اشتغل وأسس نفسي وقتها اقدر اجي اتقدم ل لتين ب صفتي رويد م بصفتي واحد من اولاد فاروق
رأفت: وح تشتغل شنو
رويد: انا خريج بزنس ح اشتغل دوام كامل وح اشوف لي شغل تاني المهم ف النهايه اعيش لتين ف وضع كويس
لمار: انت عايز تثبت لينا نفسك رأيك شنو تشتغل معانا ف الشركه
رأفت: ده شنو الكلام البتقولي فيه ده
لمار: وخلال 3 شهور لازم تزيد ارباح الشركه بنسبه 100%
رأفت: الكلام ده مستحيل م ح يقدر يعمل كده
رويد: انا موافق انزل شغل من متين
لمار:من بكرا لو انت جاهز
رويد: من 7 صباحاً ح اكون هنا عن اذنكم وطلع
رأفت: ليه عملتي كده انتي عارفه انو م ح يقدر
لمار: عارفه بس لو بحبها ب الجد ح ينجح وانا متأكده من كده

ف بيت فاروق قاعدين
فاروق: رياس م مشيت شفت اخوك
رياس: ماشي ليهو الليله
فاروق: حاول تقنعوا يرجع معاك
رياس: م ح يقتنع خليه يشوف حياتو بعد كده
رسلان: صاح خلي ب راحتو ي ابوي
رياس: ب المناسبه ي حاج ح تنزل الشغل متين انت
راشد: هو تعبان م ف داعي ل الشغل نحن قاعدين كفايه
رياس: نظام ح تقدروا تعملوا البعملو هو
راشد: م مالين عينك ولا شنو
رياس: انا طالع عن اذنك ي حاج
ميس: انا كمان عايزه امشي اشوف رويد ي عمي
فاروق: امشي احتمال تقدري تقنعيه انتي
ميس: طيب ح الحق رياس قبل يتحرك طلعت نادتو
رياس: خير مالك جاريه كده
ميس: عايزه امشي معاك ل رويد اشتقت ليهو
رياس: طيب اركبي

المساء ف بيت لتين بتعشوا
لمار: م شفتي جانا منو ف الشركه الليله
لتين: منو
لمار: رويد
لتين: رويد!! ليه مالو
لمار: م تخافي جا يتكلم معاي انا وخالك وعرضته عليهو يشتغل معانا ووافق
لتين: كيف يعني ويشتغل معاكم ليه
لمار: وم كده وبس كمان اشترطته عليهو انو يزيد الارباح 100% خلال 3 شهور
لتين: ليه تعملي كده ي ماما انتي عارفه انو الحاجه دي مستحيله
لمار: مش هو القال مستعد يعمل اي حاجه عشان يتزوجك
لتين: تقومي تعملي فيهو كده م عندك قلب انتي حرام عليك
لمار: عملت كده عشان مصلحتك
لتين: البتعملي فيه ده اسمو استغلال وقامت طلعت ع غرفتها
نفيسه: م تكسري قلب بتك عشان تاخدي ب تارك الولد م عندو ذنب
لمار: انتو م ح تفهموني
لتين:ليه م قلت لي انك مشيت ل ماما الليله وح تشتغل معاها وكمان اشترطت عليك
رويد: كنت ح اقول ليك بس
لتين: بس شنو ليه وافقت وانت عارف انك م ح تقدر
رويد:عشانك م كان ينفع ارفض
لتين: تقوم تدخل ف حاجه زي دي وانت عارف انو لو م قدرت ح تخسرني
رويد:مستحيل اخسرك
لتين: انت م عارف الظروف
رويد: اسمعي كلامي ده كويس طالما انتي معاي م ف حاجه صعبه علي وانا ح اقدر وبدل تخوفيني قويني وشجعيني ي غبيه
لتين: انا خايفه عليك
رويد: عارف بس كمان م ف حاجه بتجي ب الساهل لازم اتعب عشان تكوني معاي
لتين: طيب بس م ترهق نفسك ف الشغل
رويد: حاضر وانتي ركزي ف دراستك اتفقنا
لتين: اوك
رويد: جرس الباب برن شويه وبرجع ليك
لتين: تمام يلا باي
مشى فتح الباب كانوا ميس ورياس
رويد: اتفضلوا
ميس: كده ي رويد من مشيت م بترفع سماعه التلفون تتصل علي
رويد: والله كنت جاري ف موضوع الشهاده وياداب طلعتها
ميس: طلعتها من غير تعمل تخريج
رويد: ده م وقت تخريج وجوطه انا محتاج ل الشهاده عشان اقدر اشتغل
رياس: ولقيت شغل ولا افتش ليك
رويد:لا لقيت ف شركه اهل لتين
رياس: انت مجنون بتشتغل معاهم ابوك لو عرف ممكن يروح فيها
رويد: انا م بهمني زول غير لتين وانا عملت كده عشانها
ميس: م فهمت
رويد:حكى ليهم الحصل
ميس: انا معاك ف العملتو بس انت ح تقدر
رويد: م تخافي علي انا تربيتك
رياس: اول مره اشوف لي حب ب الطريقه دي
رويد: م ف زول بقدر يتحكم ف مشاعرو لما يحب ب الجد
رياس:ربنا معاك ولو احتجت ل حاجه اتصل لي
ميس: اكل كويس واشرب عصاير شوف صحتك نزلت كيف
رويد: حاضر ي امي
رياس: نمشي نحن بعد كده عشان الحق اوصل ميس البيت وعندي مشوار
رويد: طيب وانا ح اتصل عليكم كل فتره
الصباح رويد وصل الشركه
لمار: صباح الخير جاي بدري
رويد: الشغل م بنتظر
لمار: مجتهد من هسي خلينا نمشي مكتبك
رويد: المكتب حلو م بطال
لمار: كنت مجهزاه ل لتين لما تتخرج بس انت ح تاخد مكانها
رويد: عشان كده حلو
لمار: السكرتيره ح تجيب ليك كل البتحتاجو ب خصوص مشروعنا الجديد ادرسوا وبعد ساعتين عندنا اجتماع خليك جاهز
رويد: تمام
السكرتيره:اتفضل استاذ رويد دي كل الاوراق بخصوص المشروع
رويد: ده مشروع ولا منهج كتير كده
السكرتيره: قلت حاجه استاذ
رويد: لا ابداً بس ممكن تجيبي لي قهوه
السكرتيره: حاضر
قعد ف الارض وبدأ يقرأ ف الاوراق وشتتها ف كل مكان
السكرتيره:ده شنو استاذ
رويد: دي طريقه مراجعه جديد
السكرتيره: ضحكت اتفضل القهوه ختتها وطلعت
رويد: من بدايتها كده الله يستر
شرب القهوه وخلص المراجعه اخد كم سيلفي ورسلهم ل لتين وطلع ع قاعه الاجتماعات
لمار: اعرفكم ع الموظف الجديد رويد فاروق ح يكون مسؤول عن اداره المشاريع
رويد: السلام عليكم
لمار: رويد ممكن اعرف بعد راجعت الاوراق طلعت ب شنو
رويد: اول نقطه انو المشروع ده م ف مصلحتنا لانو الارض ال ح يتبنى عليها المبنى طينيه فما ح تكون سكنيه او تنفع ل شركه وممكن الحكومه تقاضينا وتاني نقطه نحن مفترض تكون عندنا بنود ف العقد
رأفت: والحل شنو نحن قبلنا ب المشروع م بنقدر نتراجع
رويد: م ح نتراجع بس ح نطلب منهم انو نغير مكان المشروع وم ظنيت يرفضوا لانو هم ح يتضرروا اكتر مننا او ممكن نحن نغير المكان بس ح نفرض عليهم انو ناخد نسبه من الارباح
لمار: فكره برضو
مالك: انا شايف انو نبدأ ننفذ ف اقرب وقت
رويد:ب الضبط انا بعد الاجتماع ح امشي ل صاحب المشروع واتكلم معاه ونشوف ح يقول شنو
محمد: شكلك شاطر وعارف شغلك كويس
رويد: لما تكون بتعمل حاجه عشان تصل ل حاجه بتحبها ح تشتغل بكل طاقتك عشان تنجز فيها
رأفت: معاك حق
لمار:الاجتماع خلص تقدروا تتفضلوا ورويد خليك عايزاك