رأفت: اها رايك شنو ف الجامعه
لتين: م شفتها كلها اتعرفت لي ع كم نفر كده واكلنا توس
رأفت: توس ده شنو
لتين: م بتعرفوا عيش وفول وزيت وحاجات تانيه
رأفت: قصدك بوش
لتين: ايوه بس ده هو
رأفت: انتي دخلتي التاريخ عقبال تاكلي كسره حبوبتك
لتين: دي العامله زي الفطيره دي صاح
رأفت: ايوه طلعتي شاطره
وصلو البيت لتين طلعت غرفتها اخدت دوش وفتحت اللابتوب شغلت اغاني جات اغنيه يارا " صدفه ومن بين كل الناس علقني من يوم شفته وعيني جات ف عينه"
لتين سرحت معاها واتذكرت رويد اول مره لاقتو جنب المطار وتاني مره انقذها وتالت مره الليله ف الجامعه حاولت تتذكر ملامحو طلعت دفترها وبتحاول ترسم فيهو
قاطعتها امها الحلو بعمل ف شنو
لتين: ابدا ولا شي قفلت الدفتر
لمار: ع ماما برضو
لتين:بتحصل معاي حاجات غريبه تتذكري الولد العملنا معاه حادث ووصلنا البيت
لمار: اااا كان اسمو
لتين: رويد
لمار: ايوه اها مالو
لتين: لاقيتو كم مره بعدها صدفه والليله سبحان الله لاقيتو ف الجامعه طلع بقرأ معاي
لمار: والغريب شنو ف الموضوع
لتين: م عارفه بس حاسه ب احساس غريب كده كأنو مكتوب لي الاقيهو كل مره
لمار: يمكن ربنا كاتب ليكم تبقوا اصحاب والولد ده شكلو محترم
لتين: معاك حق
لمار: م تشغلي بالك اي شي ف وقتوا حلو
...
رويد ف الشركه دخل مكتب رياس
رويد: مش قلت ليك البت دي ح تكون من نصيبي والقدر كاتبها لي
رياس:بسم الله ف شنو
رويد: اتخيل بس الليله لاقيتها ف الجامعه وطلعت بتقرأ نفس مجالي وخلت السفر وح تستقر هنا
رياس: انا لو م مؤمن ب القدر كان قلت الحاجات دي مخطط ليها
رويد: وانا كمان فكرت كده بس اتأكدت انو ربنا بديني اشاره وانا لازم امشي وراها
رياس: اللمعه الفي عيونك دي انا من اتولدت م شفتها وان شاء الله م تروح والبت دي تبقى من نصيبك
رويد: ي رب ي رياس وقتها ح اكون اسعد واحد ف الدنيا
فاروق:رويد وانا اقول الشركه منوره ماله
رياس: منوره ب الاستاذ طبعا
فاروف: بتجي ل رياس وم بتجي تسلم علي
رويد: كنت ح اجيك قبل اطلع
فاروق: صدقك شكلك مبسوط
رويد: مش انت عايزني اكون كده
فاروق: انا ادفع عمري كلو عشان اشوفك مبسوط
رويد: م اتحرم منك انا راجع البيت نتلاقى المساء
رياس: طيب وطلع
فاروق: رويد مبسوط كده مالو
رياس: شكلو ولدك بقى يحب
فاروق: رويد معقوله
رياس: تخيل بس
فاروق: ودي منو الحركت قلبو
رياس: ل الان م شفتها وم بعرف عنها شي غير اسمها بس اول م يتأكد من مشاعرو ح يجيبها نتعرف عليها
فاروق: ربنا يرزقوا بت الحلال
ف مكتب راشد دخل عليه رسلان
رسلان: رويد جا الشركه لاقيتو
راشد: لا جا ل شنو
رسلان: م عارف كان ف مكتب رياس معاه ابوك
راشد: رياس ده ح يخرب اي شي بنعمل فيه تقول هو اخوه م نحن
رسلان: كلامك صاح عشان كده نحن لازم ناخد نصيبنا
راشد: بس كيف وضرب التربيزه ب ايدو
رسلان: اهدأ ح نلقى طريقه
...
رويد ف غرفتو ماسك تلفونو جاتو مكالمه من رقم غريب
رويد: الو
لتين: م اكون ازعجتك
رويد: انتي تزعجيني ف اي وقت
لتين: متأكد
رويد: لا بهظر طبعا كيفك
لتين: الحمدلله كنت عايزاك ف خدمه
رويد: اتفضلي
لتين: انا م عندي معرفه ب الجامعه كتير وعايزه امشي المكتبه اشتري مراجع وشويه حاجات ممكن تمشي معاي
رويد: م عندي مشكله حددي متين بس
لتين: بكرا لو فاضي
رويد: اوك اتفقنا
لتين: طيب باي ل بكرا
رويد: لتين
لتين: ايوه
رويد: خلاص م ف شي باي وقفل
لتين: ده مجنون ولا شنو
رويد: اخخخ انا البت دي ح تجنني م قادر م افكر فيها هسي قيس ده كان مجنون ب ليلى كده معقوله
مجنون غيري البتكلم براي م ف وضحك
" حينما اكون اجلس وحدي واتذكر تفاصيلها اصبح كمن يدغدغه احد بكلتا يديه💛 "
تاني يوم ف الجامعه اتلاقوا جنب البوابه وهي نازله من العربيه
رويد: عربيه جديده
لتين: ايوه ذوق خالو حلوه!؟
رويد: زيك كده
لتين: افهم انك بتتغزل فيني
رويد: يمكن
لتين: امم نمشي المكتبه!!
رويد: يلا مشوا المكتبه اشترت حاجاتها
لتين: معقوله الحق اخلص ديل كلهم والامتحانات باقي ليها شهرين
رويد: ايوه معقوله ح تلحقي
لتين: كيف بس
رويد: انا هنا بعمل شنو
لتين: ح تساعدني
رويد: ح اشرح ليك المواد كلها وممكن نبدأ من هسي
لتين: طيب خلينا نقعد ف البينش ده قعدوا وبدأ يشرح وهي سارحه فيهو
رويد: فهمتي؟؟
لتين:ااا ايوه
رويد: والله شكلك لا فهمتي ولا كنتي مركزه معاي
لتين: انا جعانه
رويد: طيب خليك هنا وانا ح اجيب ليك حاجه تاكليها ومشى
لتين: ده شنو الهبل البعمل فيه ده وضربت راسها
قاطعها ولد لو سمحتي ممكن اقعد
لتين: لا معاي زول
ح اقعد لما يجي انا خالد وانتي مد ليها ايدو امم م بتصافحي شكلك طيب اسمك منو
لتين: م بخصك ي ريت تقوم من هنا
خالد:ولو م قمت
رويد: يبقى تقوم ب العافيه
خالد: وانت منو
رويد: م مهم بس ي ريت تتفضل تقوم من غير مشاكل
خالد: ولو م قمت ح تعمل شنو
رويد: اممم رفعوا من قميصو واداهو بوكس كده عرفت صاح
خالد: اتفك منو والله م اخليك وقعت مع الزول الغلط
رويد: لو انت راجل تعال وانا منتظرك
لتين: رويد انت كويس م كان توسخ ايدك بيهو
رويد: الزي ده الا يعملو معاهم كده م علينا اقعدي عشان تاكلي
لتين: ونحن بناكل احكي لي عنك شويه
رويد: طيب ي ستي انا اسمي رويد فاروق الكسباوي امي اتوفت لما ولدتني اخواني من ابوي ٣ راشد ورسلان ورياس وهو اقرب لي واحد ومرت اخوي راشد ميس اما مره اخوي رسلان دي زيهم همهم كلهم القروش وانو متين ابوي يموت عشان يورثوه وبكرهوني عشان ابوي مدلعني وخايفين انو يكتب لي اي حاجه ب اسمي وانا ده كلو م هاميني لا عايز قروش ولا ثروه بس دي كل قصتي
لتين: ربنا يرحمها ي رب
رويد: وانتي
لتين :كويس انت عندك اخوان انا بت وحيده بابا فريد الخالدي متوفى ليهو 17 سنه وربتني ماما بعدها لما دخلت الجامعه وياهو هسي نحن هنا وانت عارف الباقي
رويد:بما اننا اتعرفنا ممكن نبقى اصحاب
لتين: هو نحن م كنا اصحاب يعني
رويد: كنا بس هسي اصحاب ب الجد حضرتي مسلسل كرتون عهد الاصدقاء
لتين: ايوه
رويد: يلا نحن ح نعمل عهد انو مهما حصل معانا ح نحكي ل بعض وح نثق ف بعض وح نلجأ ل بعض وم ح نخلي طرف تالت يدخل بينا وانا ح اقيف معاك ف اي شي وم ح اخليك الا اموت
لتين: وانا موافقه وبوعدك م ح يفرقنا الا الموت
" وكأننا عاهدنا بعضنا ع الحياه معاً والموت معا لكن أكان عهدنا عهد الاصدقاء أم عهد الحب 💛ً "
أنت تقرأ
عاشق_اللتين💛
Romanceالعادات والتقاليد السودانيه ومفاهيم اهلنا القديمه عن العلاقات الفي نظرهم كلها غلط مع انو من حق كل اتنين يحبوا بعض طالما م بعملوا ف غلط ومفترض يفهموا انو الاجيال بتتغير والمفاهيم بتتغير ونحن م ح نكون زيهم لانو الزمن بختلف والعالم ف تطور والحب ما زال...
