عاشق_اللتين💛

5

رويد: ح تمشي البيت ولا قاعده شويه
لتين: شويه وبطلع
رويد: طيب انا ماشي خلي بالك من نفسك
لتين: حاضر وانت كمان ومشى عايز يركب عربيتو لفتو واحد لو سمحت
رويد: انت تاني
خالد: ف بينا حساب م انتهى
رويد: جايب معاك خمسه بشبهوك عشان يدافعوا ليك والله خجلت ليك
خالد: م جاي اتناقش معاك ضرب رويد بوكس ورويد رداهو ليهو واتلموا فيه وبدوا يتضاربوا
جوه الجامعه مناسك وعمر وسامر شافوا لتين
عمر: الحلو قاعد براهو مالو
لتين: كان معاي رويد وطلع
قاطعهم صوت ولد سامح ،عمر رويد بتشاكل برا قاموا جارين كلهم مسكوا الاولاد ضربوهم وشباب من الجامعه ضربوا معاهم ف واحد عايز يغدر ب رويد
لتين:رويد اعمل حسابك
جا الامن حجزهم وفرقوهم
سامح: طولنا م اتشاكلنا
عمر: ضحك معاك حق والله
رويد: م مشكله ده تمرين الليله
مناسك: ناوين ترجعوا ل المشاكل تاني آخر مره العميد قال ح يفصلكم م تنسوا
لتين: رويد انت كويس
رويد: كويس م تخافي
لتين: راسك بنزف وف جرح ف ايدك خلينا نمشي المستشفى
رويد:م بحتاج جرح صغير
لتين: لا ح نمشي قلت ليك
مناسك: اسمع كلامها وامشي عشان الجرح م يلتهب
رويد:طيب خلينا نمشي
لتين: ح نمشي ب عربيتي ادي مفاتيح عربيتك ل سامح
رويد: حاضر خلينا نمشي طيب ركبوا العربيه واتحركوا
عمر: تراهنوا انو الاتنين ديل بحبوا بعض
مناسك: الفي عيونهم ده اكبر من الحب
سامح: اول مره انا اصدق انو ف حب

وصلو المستشفى الممرضه دخلت رويد غرفه الاسعافات ولتين واقفه برا م عايزه تدخل
الممرضه:حبيبتك شكلها بتخاف عليك شديد م اتحملت تشوفني بنضف ليك ف الجرح ومن جات بتبكي م سكتت
رويد: لتين
الممرضه: اسمها حلو زي دي لازم تحافظ عليها حبها وخوفها ظاهرين ف عيونها
رويد: وانا لو علي ادسها من عيون الناس
الممرضه: انا خلصت ح اناديها تدخل طلعت تقدري تتفضلي انا خلصت
لتين:طيب دخلت انت كويس
رويد: انا كويس تعالي جيبي الكرسي ده اقعدي جنبي
لتين: حاضر
رويد: هسي انتي بتبكي ليه انا كويس
لتين: اتوجعت صاح
رويد: لا بس لما اشوف دموعك بتوجع مسحهم ليها ب ايدو
انا لو م كنت سبب فرحك م ح اكون سبب بكاك وتاني م عايز اشوفك بتبكي فاهمه
لتين: حاضر
رويد: لتيني البتسمع الكلام
لتين: قلت شنو
رويد: لتيني م عجبك الاسم
لتين: لا م كده بس كان بناديني بيه بابا الله يرحموا
رويد: الله يرحمو انا من الليله زي ابوك الحاجات الكان بعملها ابوك انا ح اعملها اتفقنا
لتين: اتفقنا نمشي!!
رويد:انا ح ارجع ب شنو
لتين: ح اوصلك انا طبعا
رويد: طيب خلينا نطلع طلعوا ركبوا العربيه واتحركوا ع بيت رويد
لتين: بيتكم زي القصر حلو شديد
رويد: تحبي تدخلي تتفرجي عليه
لتين:مره تانيه
رويد: طيب خلي بالك وانتي سايقه
لتين: ده المره العشرين توصيني حاضر ي بابا
رويد: فالحه ي بتي وضحكوا
لتين: يلا انزل خليني امشي
رويد: بتطردي فيني انا عندي كرامه ح انزل ونزل دخل البيت
لتين: مجنون اتحركت ع البيت
ميس: رويد ده منو العمل فيك كده
رويد: وطي صوتك ابوي م يسمعك حادث بسيط كده
ميس: رجعت تتشاكل تاني شكلك
رويد:اممم آخر مره
ميس: اتشاكلت عشانها صاح
رويد: انا نفسي اعرف بتفهميني من غير م اتكلم كيف
ميس: ناسي اني المربياك
نون: عمو عمو صح انت ح تعلس قليب
رويد:ده منو القال كده
نون:سمعت ماما وعمو لياس بقولو تده
رويد: انا م ح اعرس وعيب انك تسمعي كلام الكبار فاهمه
نون: تويس
رويد: يلا امشي العبي امم بتخططوا ل عرسي من وراي
ميس: م كده بس فرحانين ليك م اكتر
رويد: كويس انتو ورياس الزول م يقول ليكم حاجه انا ماشي ارتاح م ف زول يزعجني
ميس: امشي ي راجل لتين ضحك ومشى
..
ف بيت لتين قاعده ف غرفتها معاها تالا
تالا: لتين يعني شنو حب
لتين: امم الحب يعني يكون عندك زول بخاف عليك وبهتم بيك وبجيب ليك الحاجات التبحبيها ويلعب معاك ويضحك معاك ويحسسك انك احلى واحده ف الدنيا ، كانت بتتكلم وبتتخيل ف رويد
تالا: يعني زي بابا تده بحبني وبدلعني
لتين: ايوه بس بتسألي ليه
تالا: الاستاذه الليله سألتنا ف اللوضه وقالت لينا البعلف الاجابه بديهو حلاوه انا بتله ح اقول ليها تلامك ده عشان تديني حلاوه
لتين: ضحكت كويس يلا امشي ل حبوبه
تالا: تويس بس بكله جيبي لي معاك حلاوه سمح
لتين: سمح ،طلعت دفترها عشان تكمل رسمه رويد بقت ترسم لما نامت
الصباح تلفونها برن فتحت الخط وهي مغمضه
لتين: عايز شنو
رويد:نايمه ل هسي
لتين: اممم ف شنو اقفل خليني اكمل نومي
رويد: قولي لي بحبك عشان اقفل
لتين: بحبك فتحت عيونها استنى دقيقه
رويد: يلا باي وقفل
لتين: ده شنو القلتو ده اوووف والله م اخليهو الحيوان قامت غسلت وشها وعملت دوش ولبست سرعه وطلعت
لتين: انا واقفه قدام بيتكم عندك خمسه دقايق عشان تطلع
رويد: عايزه تقوميني من سريري بس
لتين: اطلع عاين ب الشباك
رويد: ده شنو ي مجنونه
لتين: لو م نزلت انا ح اطلع ليك باقي لي دقيقتين
رويد: طيب طيب خليني البس لي تيشرت
لتين: سرعه الدقيقتين قربت تبقى دقيقه
رويد: ي بت المجنونه نزل وهو جاري
فاروق: جاري مالك جنيت
رويد: صحبي منتظرني بره مستعجل وطلع ركب معاها ف العربيه
لتين: لو كان اتأخرت ثانيه كان دخلت
رويد: ياخخ انتي م نصيحه والله هسي جايباني ليه
لتين: هسي ح تعرف اتحركت ب العربيه وبقت ماشه ب اقصى سرعه
رويد: ح تقتلينا ي مجنونه
لتين: ده شنو العملتو انت قبل شويه وخليتني اقولو
رويد: اسف خلاص م بعيدها بس انتي اقيفي
لتين: لا م ح اقيف الا تقول حرمت
رويد: ي بت الناس انا م شفت ل الدنيا حاجه لا ارتبطته لا عرسته لا شفته اولادي عايزه تقتليني
لتين: وقفت العربيه ضحكت لما دمعت
رويد: بحبك
لتين: تاني
رويد: المره دي ب الجد انا م ح اقدر استحمل ضحكتك دي اكتر من كده انا من شفتك اول يوم عقلي ضاع مني بقيت م فاهم ل حياتي اي حاجه م قادر افكر الا فيك وعيوني م شايفه الا غيرك كنت كل م اشوفك صدفه اتعلق بيك اكتر من الصدفه القبلها والقدر كان كل مره بخليني اشوفك ولما شفت خوفك علي امس ودموعك النزلت ع جرحي الصغير ده حبيتك اكتر من اول وقررت اني م عايز غيرك يكون معاي انا بشوف ب عيونك وبحس ب قلبك م عارف ح تصدقيني ولا لا بس انا عشقتك ي بت الناس وعايز اكمل عمري معاك💛
لتين: بتغمض ف عيونها وبتفتحهم
رويد: انتي هبله!! ولا عندك خال اهبل!!
لتين: لا معاي واحد اهبل ف العربيه
رويد: ليه يعني
لتين: ضربتو ف كتفوا ي متخلف ف واحد بعترف ل واحده ب حبو وهو لابس شورت وتيشرت وشعروا منكوش وف عربيه
رويد: واعترف ليك كيف مثلاً
لتين: م بتحضر افلام انت خالص م شفت توم كروز بعمل شنو بركع قدام البت وبعترف ب حبوا م زيك ي جاهل
رويد: انا جاهل كويس نزل من العربيه فتح ليها بابها وركع ف الارض بحبك
لتين: ده شنو ي مجنون قوم ح تفضحنا
رويد: مش ده الكنتي عايزاه
لتين: خلاص خلاص قوم اركب العربيه
رويد: انا ح اجن من وراك والله ركب
لتين: انت عارف انا اول يوم اضحك كده وم اتوقعت لما ابدأ قصه حب تكون ب الهبل والتخلف ده انت انسان م طبيعي
رويد: ف زمتك الما طبيعي فينا منو انا اقول ليك بحبك وانتي تضحكي
لتين: م انت لو بتعرف تعبر كويس كان انا م ضحكت
رويد: والله جراها من شعرها اها قوليها
لتين: فكني ياخخ ح تقطع لي شعري
رويد: م بفكك الا تقوليها
لتين: خلاص بحبك
رويد: شكرا
لتين: الله يخرب بيتك بوظت لي شعري
رويد: وانتي قطعتي لي نومتي
ضحكوا الاتنين ورجعوا اتكلوا ف المقاعد ورا وعاينوا ل بعض
لتين: انا لو م حبيتك ح اكون غبيه
رويد:وانا لو خليتك تضيعي مني ح اكون اغبى منك