فاروق: خلونا نمشي
رويد: نمشي وين ي ابوي والتعارف
لتين: ف شنو ي عمو
رأفت: الزواج ده م ممكن يتم
فاروق: رويد اطلع قدامي قلت ليك
رويد: م طالع الا افهم الحاصل
لمار: عايز تفهم شنو انو ابوك واخوك راشد قتلوا ابو البت العايز تتزوجها وغدروا بيه عشان كان مدير شركه ناجح ونافسهم وانو اخوك كان عايزني وانا رفضتو
رويد: ابوي يقتل مستحيل
رأفت: لا م مستحيل ونحن عشان خاطر ابوي سكتنا م كان عايز يجرجر صاحب عمرو ف المحاكم وراعى ل العشره البينهم الابوك م قدرها
رويد: الكلام ده صاح ي ابوي رد لي
رياس: يرد يقول شنو وهو م عندو عين يتكلم ايوه الكلام ده صاح والسبب رسلان وراشد وسوسو ليهو لما مشى وراهم
رويد: انا م قادر اصدق البسمع فيهو
لتين جات واقعه
لمار: صرخت لتين
رويد: لتين اصحي عليك الله
رأفت: خلونا ناخدها ع المستشفى سرعه
لمار: اتأكد ي فاروق بتي لو حصل ليها حاجه المره دي انا ح اقيف ليك واتأكد انك ميت
طلعوا ع المستشفى ومعاهم رويد
رويد:طمنا ي دكتور لتين كيف
الدكتور: كويسه بس شكلها اتعرضت ل صدمه قويه
لمار: يعني بتي بخير
الدكتور: ايوه وتقدر تطلع بعد نص ساعه بس لازم م تتعرض ل اي توتر تاني
رأفت: ان شاء الله
رويد: ممكن اشوفها
الدكتور: ايوه عن اذنكم
رأفت: انت لازم تمشي من هنا
رويد: انا م ح امشي الا اتطمن ع لتين نحن م عندنا ذنب ف مشاكلكم
لمار: خليه يشوفها
دخل الغرفه لقاها متسطحه ودموعها نازله
رويد: لتيني انتي كويسه
لتين: ايوه
رويد: انا عارف انك م طايقاني وم عارف اقول ليك شنو واعتذر كيف بس والله م كنت عارف ب القصه دي وم لي ذنب فيها
لتين: انا م مستوعبه انو ف انسان ممكن يقتل انسان زيو
رويد: وانا م مصدق انو ابوي واخواني يعملو كده
لتين: يعني هسي نحن علاقتنا ح تنتهي
رويد: هس م ف شي ح ينتهي انا وانتي م عندنا ذنب ف الحصل وانتي وعدتيني م تتخلي عني
لتين: خلينا نمشي مكان بعيد م فيهو لا اهلي لا اهلك
رويد: نحن لازم نواجه مشكلتنا دي ونحل المشاكل البين اهلنا
لتين: البتقول فيه ده مستحيل دي مشكله ليها سنين طويله م ح نقدر نحلها
رويد: خلينا نحاول احتمال تتحل انتي بس هسي اتعافي وخلي بالك من نفسك وم عايز اشوف دموعك تاني فاهمه
لتين: حاضر
رويد: انا ح امشي هسي عشان امك تدخل
لتين: خليك معاي
رويد: ح اجيك تاني حبيببي اتطمني
لتين: طيب
باسها ف راسها وطلع لمار ورأفت دخلوا ليها
لمار: كويسه انتي
رأفت: عارف انك زعلانه مننا بس م كان ينفع تعرفي دي وصيه جدك
لتين: ده م سبب يخليكم م تقولو لي ابوي مات مقتول
لمار: كنتي صغيره وم فاهمه حاجه وم كنا عايزنك تتملي حقد وحسد
لتين: وهسي انا كبرت واخدته قراري
لمار: قرار شنو
لتين: انا م ح اتزوج غير رويد لانو هو م عندو ذنب ف العملو ابوه واخوانو
رأفت: مستحيل الكلام ده يحصل
لمار: انتي جنيتي تتزوجي ولد القتل ابوك
لتين: ده آخر كلام عندي ي رويد ي ما ح اتزوج غيرو
لمار: من انتي صغيره اي حاجه عايزاها عملتها ليك وم نقصت منك شي بس المره دي م ح اعمل ليك العايزاه ومن اللحظه دي م اشوفك متواصله مع ولد فاروق ولا تلاقيه فاهمه
لتين: ولو م عملت كده
لمار: وقتها انتي لا بتي لا بعرفك اختاري ي انا ي هو
رأفت: ده كلام شنو ي لمار
لمار: انت م تدخل ده قراري فكري ف كلامي ده كويس لانو م ح ارجع عنو يلا ي رأفت خلينا نعمل اجراءات الخروج
لتين شالت تلفونها اتصلت ع رويد وهي بتبكي
رويد: حبيبي مالك بتبكي
لتين: ماما قالت لي ي هي ي انت
رويد: اهدي
لتين: اهدأ كيف انا م بقدر اخليك وكمان م بقدر اعيش من غير ماما
رويد: م ح تخلي ولا واحد فينا انا ف بالي حاجه انتي هسي ارجعي البيت وم تناقشيهم انا وصلت البيت شويه وبرجع ليك
لتين: ح تعمل شنو
رويد: بعدين بفهمك
لتين: طيب باي
رويد دخل البيت لقاهم كلهم متلمين م اتكلم معاهم طلع غرفتو لمه كل حاجاتو ف شنطتو ونزل
رياس: شايل شنطتك ماشي وين
رويد: م مهم محل م الله يسهل بس تاني م لي قعاد ف البيت ده
رياس: انت مجنون ي ابوي م تقول حاجه
رويد: عايزو يقول شنو هو ف حاجه تتقال بعد الحصل الليله طلعت طول عمري عايش مع مجرمين
رياس: صاح هم غلطو بس انت م تعاقب ابوك كده
فاروق: انا اسف بس الله يرضي عليك م تمشي انا ممكن اموت
رويد: ي ريت م ف زول يجي وراي وم تحاولو تصلو لي وطلع
ميس: امسك اخوك ي رياس م تخليهو يمشي
رياس: امسكو كيف ده الكان متوقع يحصل من زمان كنتو فاكرين انو م ح يعرف يعني وكلو بسبب الاتنين ديل
رسلان: وانا الدخلني شنو
رياس: مش انت وراشد مليتو راس ابوكم لما سمع منكم وخليتوه يخسر صاحب عمرو الوقف معاه ف الحلوه والمره وكانوا الناس بضربو بيهم المثل وانت ي الكبير الواعي كنت جاري ورا بتو ولما رفضتك وقعت بينو وبين ابوك وعملت مشاكل
فاروق: كفايه خلاص اسكت
رياس: مش اسكت انا طالع عديل
فاروق: ميس تعالي اسنديني طلعيني غرفتي
ميس: حاضر ي عمي
نهى: اخيراً مشى كده ياداب الجو فضى ليكم عشان تاخدوا العايزنو
رسلان: نحن ف شنو وانتي ف شنو
راشد: كلام نهى صاح ابوي ب حالتو دي م اظن يمشي المكتب تاني وده انسب وقت نعمل العايزنو
رسلان: بتفكر ف شنو
راشد: ح اقول ليك .....
رسلان:بس لوعرف
راشد: م تخاف م ح يحس ع شي
رسلان: يبقى انا معاك
نهى: وانا معاكم
رويد: اها وصلتو البيت
لتين: ايوه وانت عملت شنو
رويد: طلعت خليت ليهم البيت
لتين: كيف يعني وح تقعد وين
رويد: مع عمر ساكن ف شقه براهو ح اقعد معاهو الفتره دي لما القى لي شغل
لتين: وليه ده كلو
رويد: عشان اثبت ل اهلك انو انا ممكن اتخلى عن اي حاجه عشانك حتى اهلي وح اجي اتقدم تاني بصفتي رويد بس
لتين: معقوله يوافقو
رويد: انتي قولي ي رب وبتتسهل وانا م عايزك تضغطي عليهم وتحسسيهم ب شي وم يعرفوا اننا متواصلين
لتين: طيب بس خلي بالك من نفسك
رويد: حاضر وانتي كمان واكلي كويس وم تشيلي هم انا ح احل اي حاجه زي م وعدتك
لتين: وانا واثقه فيك
" وان وقف بيني وبينك جبل من الصخر لحطمته بيدي حتى وان سالت دمائي 💛"
أنت تقرأ
عاشق_اللتين💛
Romanceالعادات والتقاليد السودانيه ومفاهيم اهلنا القديمه عن العلاقات الفي نظرهم كلها غلط مع انو من حق كل اتنين يحبوا بعض طالما م بعملوا ف غلط ومفترض يفهموا انو الاجيال بتتغير والمفاهيم بتتغير ونحن م ح نكون زيهم لانو الزمن بختلف والعالم ف تطور والحب ما زال...
