#عاشق_اللتين10💛
تاني يوم الصباح جهزوا وطلعوا ع المزرعه وصلوا
لتين: انا اول مره اشوف مزرعه ب الجمال ده
رأفت: المزرعه كبيره بعدين بفرجك عليها
تالين: في النب تعالي شوفي
لتين: ب الجد ف ارانب هنا
لمار: ايوه امشوا شوفوهم مسافه نجهز الفطور
لتين: طيب ومشوا
رأفت: انا ح اعمل المشاوي وانتو جهزوا السطات
منى: وانا بجهز الصفره
خلصوا تجهيز الاكل وختوهو ف الصفره
منى: خلونا ناكل نادوا البنات
رأفت: منتظرين ضيف قرب يصل
منى: ضيف ! ده منو كمان
رأفت: لما يجي ح تعرفي
لمار: ياهو جا شكلو
رويد: السلام عليكم
رأفت: وعليكم السلام
رويد: خالو رأفت صح وحبوبه نفيسه
نفيسه: ايوه ي ولدي
رويد: لتين حكت لي عنكم كتير
رأفت: لتين دي بتي التانيه عشان كده انا طلبت اقابلك
رويد: وانا م اقدر ارفض ليك طلب
لتين: انت جيت
تالين: عمو الحلو
رويد: انتي تالين البت الحلوه
تالين: بتعلفني
رويد: ف زول م بعرفك
رأفت: خلونا نقعد ناكل الاكل ح يبرد
ف بيت فاروق قاعدين بفطروا
فاروق: ميس عايزك تمشي السوق مع نهى
ميس: خير ليه ي عمي
فاروق: عايزكم تجهزوا حاجات ل لتين واهلها عشان لما نزورهم
ميس: بس لسه بدري ع الموضوع ده
فاروق: عارف بس انا عايز رويد يتخرج ويلقى اي حاجه جاهزه
رسلان: هو انتو ماشين تعارف لزوم الهدايا شنو
فاروق: انت م تدخل
نهى: ليه م يتدخل نحن لما اتزوجنا اولادك م جاتنا هدايا
ميس: كل جيل ب زمنو ونحن زمن اتزوجنا م كان ف حاجات زي دي بعدين عمي م قاعد يقصر مننا خيرو سابق
فاروق: الله يكملك ب عقلك
ميس: نحن من بكرا ح ننزل السوق ان شاء الله
فاروق:م عايز رويد يعرف خليها مفاجأه
ميس: تمام
رياس: وانا ح اوصلكم وقت م تحتاجو
فاروق: عقبال افرح بيك
رسلان: راشد مالك ساكت
راشد: اقول شنو يعني هو ف زول اخد راينا
رياس: دي م حاجه ياخدوا رايك فيها ركز ف شغلك احسن
رأفت: اها انت باقي ليك كم وتتخرج
رويد: نازل فاينل بعد يومين وشهر ب الكتير ح اتخرج
رأفت: وناوي تعمل شنو بعد كده
رويد: عايز استغل ب نفسي وابدأ طريقي بعيد من ابوي لازم اتعب
لمار: قرارك صاح وانا متأكده ح تبقي كبير ف فتره صغيره
رويد: انا ح اكبر ب الجد لما لتين تكون معاي مش بقولو ورا كل رجل عظيم امرأه
نفيسه: ذكرتني ب جدها لما جا يتزوجني بدأ زيك كده
رأفت: شد حيلك عشان لتين تكون معاك
تالين: يعني انت ح تعلس لتين وتمشوا بعيد
رويد: لو عايزه تمشي معانا طوالي
تالين: هيييي ح امشي معاتم
رويد:انا استأذن بعد كده
لمار : خليك شويه
رويد: وراي قرايه كتيره ان شاء الله لما اخلص ح نتلاقى تاني
رأفت: بالتوفيق
نفيسه: ف انتظارك نحن
رويد: عن اذنكم وطلع
منى: انا من الولد ده جا م فاهمه شي
رأفت: عايزه تفهمي شنو الولد ده ح يتزوج لتين
منى: هو شغل م عندو يتزوج كيف
لمار: ح نعمل خطوبه لما يجهز حتى يتزوجوا وبعدين انا واثقه من اختيار بتي
منى: غايتو متين هي جات البلد دي عشان تعرف اولادها
نفيسه:اسكتي م تبوظي علينا فرحتنا ب كلامك الماسخ ده
لتين : عن اذنكم قامت
لمار: عاجبك كده
بعد مرور 3 اسابيع رويد خلص امتحانات
لتين: حمدلله ع السلامه
رويد: الله يسلمك حبيبي
مناسك: ونحن م ف حمدلله ع السلامه
عمر: نحن رويد لكن
لتين: معقوله اها اشتغلتو كيف
سامح: والله ظابط ده احسن امتحان جانا
لتين: الحمدلله اها ح تعملو شنو بعد كده
مناسك: خلينا نحن مش بعد كده رويد ح يجي يقابل اهلك
سامح: اي انجزوا سرعه بالله
لتين: وليه الاستعجال
عمر: خير البر عاجله
رويد: صاح نهايه الاسبوع ان شاء الله ح اجيب اهلي
لتين: بس انا لسه م جاهزه
مناسك: عرس هو ي بت كلو تعارف وتحديد خطوبه وانا معاك بظبطك
رويد: اظن بعد كده م عندك مشكله
لتين: طيب ح اكلم ماما وخالو بعد ارجع
عمر: بمناسبه ده اخر لينا يوم ف الجامعه خلونا نطلع
مناسك: م عندنا مشكله
لتين: امشوا انتو انا ح ارجع البيت
مناسك: لا يااه لازم تمشي الطلعه م حلوه من غيرك
لتين: تعبانه ح امشي البيت ارتاح
رويد: مالك فيك شنو
لتين: م تقلق شويه ارهاق بس
رويد:امشوا انتو انا بلحقكم
عمر: طيب خلونا نمشي
رويد: احكي لي مالك لانو انتي مؤجزه التعب ح يجي من وين
لتين: امم متوتره شويه وم متطمنه حاسه ف حاجه ح تحصل
رويد: حاجه شنو
لتين: م عارفه بس قلبي مقبوض كأنو الخطوبه دي م ح تم
رويد: دي تخاريف منك م اكتر الخطوبه والعرس كمان ح يتموا وم ف شي ح يقيف ف وشنا طالما نحن مع بعض فاهمه
لتين: طيب هسي انتي امشي الحقهم وانا ح ارجع البيت
رويد: طيب
لتين: باي ومشت
رويد: لتين
لتين: ايوه
رويد: انا بحبك ولآخر لحظه ف عمري ح احبك💛
لتين: وانا كمان 💛
رويد: امشي يلا ولما تصلي طمنيني
مشت البيت دقت باب غرفه امها
لمار: جيتي متين
لتين: لسه واصله جيت اتكلم معاك
لمار: احكي لي
لتين: رويد واهلو جايين نهايه الاسبوع
لمار: ومالك بتقوليها بزعل كده مش كنتي منتظره اليوم ده
لتين: خايفه تحصل حاجه لما يجو
لمار: م ح يحصل اي شي انا وخالك هنا اتطمني انتي ريحي نفسك بس
لتين: حاضر
لمار: ح اكلم خالك عشان نبدأ نجهز
لتين: اوك انا ماشه غرفتي ارتاح
المسا ف بيت فاروق كانوا بتعشوا رويد جا داخل
فاروق: اخر امتحان كان كيف
رويد: حلو كنت عايز اقول ليك اني قلت ل لتين اننا ح نجيبهم نهايه الاسبوع عشان نجهز حالنا
فاروق: ونحن جاهزين م عندنا شي
رويد: م فهمت
ميس: نحن مشينا السوق من قبل تنزل امتحانات وجبنا اي حاجه وابوك قال نخليها ليك مفاجاه
رويد: م عارف اقول ليكم شنو
رياس:م تقول شي نحن نقول مبروك وربنا يتمم ليك ع خير
رويد: امين ي رب
فاروق: اقعد اكل معانا
رويد: اكلت قبل م اجي ح اطلع غرفتي ارتاح عن اذنكم
يوم الخميس ف بيت فاروق
ميس: رويد استعجل ح نتأخر ع الناس
رويد: جهزت خلاص
رياس: حسستني انك ماشي تعرس
ميس: لازم يتشيك عشان لتين
رويد: خلاص م تشغلوها لي
فاروق: خلونا نطلع اتأخرنا وين راشد
رسلان: ف العربيه منتظرنا
لتين: ماما اها طالعه كيف
لمار: قمر ما شاء الله
رأفت: الضيوف ع وشك يصلو
منى:اي حاجه جاهزه
تالين: ماما ف علبات واقفه بله
لمار: شكلهم وصلو خلونا نمشي نستقبلهم
فاروق: نهى وميس انتو ادخلو ونحن ح ننزل الحاجات
نهى: طيب دقوا الباب
لمار: اتفضلو دخلوهم جوه
رأفت: وين رويد والباقي
ميس: بنزلوا ف حاجات من العربيه جاين ورانا
فاروق: السلام عليكم
لمار: انت
راشد: لمار
رأفت: انتو بتعملو شنو هنا جايين تبوظوا فرحه بتنا
رويد: ف شنو ي خالو رأفت ده ابوي واخواني انتو بتعرفوا بعض
فاروق: وانت بتعرفهم من وين
رويد: دي ام لتين وده خالها انتوا بتعرفوا بعض من وين
فاروق: يعني لتين بت فريد ولمار
لتين: ماما ف شنو اصواتكم عاليه
"وتظل قصص الماضي تلاحقنا لتدمر مستقبلنا 💔"
أنت تقرأ
عاشق_اللتين💛
Lãng mạnالعادات والتقاليد السودانيه ومفاهيم اهلنا القديمه عن العلاقات الفي نظرهم كلها غلط مع انو من حق كل اتنين يحبوا بعض طالما م بعملوا ف غلط ومفترض يفهموا انو الاجيال بتتغير والمفاهيم بتتغير ونحن م ح نكون زيهم لانو الزمن بختلف والعالم ف تطور والحب ما زال...
