فاروق: كيفك
لمار: معقوله عدم الضمير وقوه العين العندك جاي هنا تسألني كيفك
فاروق: انا م جيت عشان كده
لمار: خير الجابك لينا شنو بعد السنين دي كلها
فاروق: انا عرفت انكم الشركه المنافسه لينا ف السوق
لمار: وجيت عشان تحذرني اخف شغل والا ح تقتلني زي م عملت قبل كده مع راجلي
فاروق: لا ابداً انا بس جيت اعرف نواياكم
لمار: م تخاف م عندنا نيه ننتقم منك ومن اولادك ولا نأذيك لانو الحمدلله ابوي عرف يربي كويس الدور والباقي ع الما عرفوا يربوا
فاروق: الفات مات والقصه دي ليها سنين
لمار: ب النسبه ليك بس نحن النار الجوانا
م بتنطفي واتحسبنا عليك بما فيه الكفايه وربنا قادر ياخد حقنا
فاروق: معاك حق ف كل كلامك بس
لمار: ي ريت تتفضل تمشي قبل رأفت م يجي عشان انت عارفوا م بتفاهم
فاروق: طيب عن اذنك
شويه ورأفت جا المكتب
رأفت: جيت اشوفك قالو لي معاك ضيف ده منو
لمار: ده فاروق الكسباوي
رأفت: وجاي هنا يعمل شنو الواطي ده
لمار: اهدأ كان جاي يعرف اننا منافسينو ف السوق ليه
رأفت: هو عشان واطي فاكر كل الناس زيو ورحمه ابوي لو كان شفتو م كان طلع من هنا حي
لمار: م تنسي كلام ابوك قبل م يموت وصاك م تقرب منهم وتنسى الفات
رأفت: لو م وصيتو دي كان قتلتو هو واولادو من زمان
لمار: ربنا قادر يجيب حقنا
...
رويد: ب المناسبه دي انا ناوي اعرفك ع ناس بيتنا
لتين: عادي كده
رويد: فيها شنو انا ح اتعرف ع اهلك كمان عايز علاقتي معاك تكون رسميه وقدام كل الناس وكلها كم شهر واتخرج واتقدم ليك
لتين: طالما انت شايف كده انا م عندي مشكله
رويد: اتفقنا بعد آخر امتحان ليك نمشي
لتين: ح البس شنو
رويد: نحن م ماشين هسي ع فكره
لتين: م هو نحن م ماشين اي مكان ماشين بيتكم
رويد: م محتاجه تغيري شي فيك عشان تعجبيهم خليك زي م انتي كده ف النهايه انتي لي انا م ليهم
لتين: امم اقتنعت بس لازم اكلم ماما بعلاقتنا لانو م اتعودت اخبي عليها
رويد: وانا كمان شايف كده
لتين: طيب انا ح امشي ليها ف الشركه واكلمها
رويد: فكره حلوه امشي عشان ترجعي بدري تذاكري ل امتحان بكرا
لتين: حاضر يلا باي طلعت مشت ع الشركه وصلت مكتب امها دقت الباب
لمار: ادخل
لتين: ماما حبيبتي
لمار: دي شنو المفاجأه الحلوه دي
لتين: اشتقت ليك وقلت اجي اشوفك
لمار: اشتقتي لي ل درجه م قدرتي تصبري لما اجي البيت
لتين: ااا ايوه
لمار: احكي جايه ل شنو
لتين: امم تتذكري رويد الحكيت ليك عنو وقلت ليك بلاقيه صدف كتير وف النهايه طلع بقرأ معاي ف الجامعه
لمار: ايوه مالو
لتين: نحن بنحب بعض
لمار: عارفه
لتين: عرفتي كيف
لمار: ملاحظه ليك متغيره الفتره الفاتت دي ودايما مبسوطه وعاقله كده وكنت متأكده انو ف زول ف حياتك غيرك كده والنظره الفي عيونك نظره زول بحب
لتين: عرفتي ده كلو من غير م احكي ليك
لمار: ي غبيه انا امك لو م عرفت الجواك ح يعرف منو
لتين: امم ورايك شنو
لمار: حاجه بتبسطك انا عمري م ح ارفضها بعدين الولد ده من اول م شفتو عجبني ظاهر عليه ولد ناس ومحترم وشكلو شاريك
لتين: فعلا ي ماما وبخاف علي اكتر من نفسو وم حصل زعلني ودايما واقف جنبي وم فكر يغلط ف حقي ومتقبلني زي م انا
لمار: وده الراجل الممكن تعتمدي عليه
لتين: هو جادي وعايزني اتعرف ع اهلو وباقي ليه شهرين ح يتخرج ويجيب اهلو يتقدم نعمل خطوبه وبعد يجهز بيتو ووضعوا نعمل عرس
لمار: وانا م عندي مانع وربنا يقدم الفيه الخير ويسعدك
لتين: م اتحرم منك ي رب قامت حضنتها
رأفت: البت وامها الفرحه دي وراها شنو
لمار: شافعتك كبرت وح تبقى عروس
رأفت: ده موضوع عايز قعده ده منو وعرفتيه وين
لتين: اسمو رويد تتذكر الولد الانقذني لما كانت ح تضربني العربيه
رأفت: ايوه
لتين: دي تاني مره الاقيه ولقيتو صدفه تاني بقرأ معاي ف نفس الجامعه و......بس دي كل القصه
رأفت: كونو عايزك تقابلي اهلو ويقابلنا ده زول واعي وعارف الاصول وطالما انتي بتحبيه ومبسوطه معاه م ف اهم من كده
لتين: انتو احلى ام وخالو ف الدنيا وانا بحبكم شديد
رأفت: ونحن بنحبك
لمار: ي ريت لو ابوك كان عايش وشافك وانتي بتكبري
لتين: ربنا يرحمو ي رب
رأفت: هوي انتي مش عندك امتحان بكرا
لتين: تصدق نسيت
رأفت: يلا ع البيت عشان تذاكري
لتين: طيب ل بعدين باي
المساء فاروق ف غرفتو سارح بفكر قاطعوا رويد
رويد: سارح وين ي حاج
فاروق: ابدا خير ف حاجه محتاج قروش
رويد: لا م محتاج حاجه
فاروق: طيب مالك
رويد: عايزك ف موضوع لو فاضي
فاروق: م وراي شي غيرك احكي
رويد: انا بحب بت معاي ف الجامعه هي ف تانيه ياداب اسمها لتين وانا عايز اتقدم ليها
فاروق: اتعرفت عليها كيف دي
رويد: لاقيتها كم مره صدفه وف الاخر طلعت بتقرأ معاي
فاروق: دي المخلياك مبسوط الايام دي
رويد: ايوه انا لما بشوفها بنسى نفسي والله ي ابوي البت دي غير كل البنات العرفتهم ولو شفتها ح تحبها انا اول مره احس انو ف زول ممكن يعوضني فقدان امي
فاروق: بت خلتك تقول الكلام ده معناها فعلاً تستاهل
رويد: نفسي تتعرف عليها عشان كده عايز اعزمها ع الغداء عندنا
فاروق: وانا م عندي مشكله لو عايز نمشي ل اهلها هسي انا معاك
رويد: ربنا يخليك لي بس انا عايز اشتغل واكون نفسي ب تعب ايدي حتى اتقدم ليها
فاروق: ربنا يكملك بعقلك انت اكتر واحد ف البيت ده بتفكر صاح وانا معاك ف كل خطوه انت بس اتخرج
رويد: وانا واثق من كده انا ح امشي اخليك ترتاح وطلع
فاروق: ربنا يبسطك كمان وكمان ي ولدي ويعوضك كل سنينك الفاتت ويقدم الفيه الخير
رويد ف المطبخ مع ميس بتجهز ف الاكل
رويد: ب المناسبه انا فاتحت ابوي ف موضوعنا انا ولتين
ميس: وقال شنو
رويد: وافق طبعا وح اعزمها ع الغدا
ميس: وااي م قادره اصدق مبرووك اخيرا ح اشوفك عريس
رويد: ابردي لسه بدري ع كلمه عريس دي
ميس: مصيرك ح تعرس المهم هسي هي بتحب شنو عشان اعملو ليها وح تجي متين
رويد: نهايه الاسبوع بعد تخلص امتحانات وبتحب البيتزا زيي كده
ميس: خلاص ح اعمل ليها بيتزا بكل الانواع
رويد: تسلمي لي انتي انا ماشي غرفتي جيبي لي الاكل هناك
ميس: حاضر
طلع غرفتو واتصل ع لتين
رويد: اها طمنيني حصل شنو
لتين: كلمت ماما وخالوا ورفضوا
رويد: كيف يعني رفضو
لتين: حاولت معاهم بس م ف فايده
رويد: يرفضوا ع اي اساس انا ح اجي اتكلم معاهم بكرا م ح اسكت غصبا عنهم ح اسوقك
لتين: اهدأ كنت بهظر وافقوا
رويد: حرام عليك خوفتيني
لتين: اسفه بس حبيت اشوف رده فعلك لو رفضوا
رويد: وعرفتي هسي؟! خليك عارفه حتى لو رفضوا ح اخدك غصبا عنهم
لتين: مجنون بتعملها
رويد: وانا كلمت ابوي وم عندو مشكله وح تجي تتغدي معانا زي م قلت ليك
لتين: من هسي متوتره
رويد: م ف داعي تتوتري بعدين ميس ح تكون موجوده
لتين: انا ماشه مخصوص عشان اتعرف عليها هي ورياس
رويد: م نفسك تتعرفي علي انا
لتين: لا م نفسي
رويد: بالمناسبه انتي مش مفترض تكون بتقري هسي
لتين: ايوه بس انت شغلتني ي استاذ
رويد: علقتيها فيني خلاص طيري اقري
لتين: اطير ساي كده بس
رويد: طيري حبيبي
لتين: كده ممكن اطير يلا باي
" وماذا يخبئ لنا القدر بين طياته💛"
أنت تقرأ
عاشق_اللتين💛
Romanceالعادات والتقاليد السودانيه ومفاهيم اهلنا القديمه عن العلاقات الفي نظرهم كلها غلط مع انو من حق كل اتنين يحبوا بعض طالما م بعملوا ف غلط ومفترض يفهموا انو الاجيال بتتغير والمفاهيم بتتغير ونحن م ح نكون زيهم لانو الزمن بختلف والعالم ف تطور والحب ما زال...
