| يا تعبي العشگته | ' باللهجة العراقية '

| البارت الثالث |

يا تعبي العشگته
#بقلم الراوية
#البارت الثالث

بسم الله الرحمن الرحيم

| صلوا على النبي ⁦♥️⁩ |

.

لين..

حچه حچايتـو و نزل النظارت و رفع تك حاجب
و أني بصدمة گلت

- ضرغام ؟

- ايـي ضرغام..ابن عمچ الي ما تسأليـن عليه

ضحكت و أني اگول و أشر على السيارة

- طگوا بيت جويبر..يوميا مغير سيارة

- خمسه و خميسه..گـولي ما شاء الله لا تروحين اطگينـي بعين

فريت ايدي و گلـت

- عشتوو تخاف لا اضـربك عين على اساس شوف منو انت
المهم شجابـك هين ؟ الادري بـيك اربعة و عشـرين ساعة طاير من بغداد لـ اربيل

حدر من السيارة و دحـگ لـ روان الي ختلت وراية
عبالها راح ياكلها

- والله خلصـت الاشغال و گلت اجـي اشوف بيت عمي
و بالصـدفة فتت من يم المدرسة

- تا تـوصلنا اعرفك كريم..بعد خوالك طائيين ليش ما تكرم

ضحك و فتح باب السيارة وگال

- امشي اوصلكـم..همين اريد اشوف عمتي

جيت اصعد بس كمشتني روان و گالت بصوت ناصي

- اگُلـچ اني راح اروح مشي

- ليـش

دحگت لـ ضرغام و رجعت دحگت عليه و گالت بنفس النبرة

- اخاف سلطان يحچي عليه تعرفينو ما يرضـى

- اذا هيچ عجل ما اروح اني خوما اعوفچ وحدچ

- لا لا روحي ويا عيب..

- يـلا لين

استعجلنـي ضرغام و اني رجعت صديت عليها و گلت

- دمشي ترا والله حباب و ما يدحگلچ
شابع شوف الاخ ما يدحگ على شكولنا

ابتسمت روان بتوتر
و فتحت الباب و أني صعدت ليـگدام و هي وراية
صعد ضرغام و حرك السيارة
دحگت عليه و أني ابتسم..ضرغام مو علمـود أبن عمي و احمد بي

بس صدگ هو خوش ولد..عندو مكتب مال طيران
و يوميـه بدولة شكل

- اي عمي جابر شلونو

- الحمدلله زين

- شوكت رجعت من بيروت

- تقريـبا صارلي يومين

حچاها و دنگت على الچكمشه و طلع علبة حمرا و گال

- هديـه لچه مع انـو ما تستاهلين

ضحكت و أني اخذها من ايدو فتحتها و عگدت حاجبي من لگيتها ماسكه ام الربع دينار
رفعتها و گلت باستهزاء