| يا تعبي العشگته | ' باللهجة العراقية '

| البارت التاسع |

#يا تعبي العشگته
#بقلم الراوية
#البارت التاسع

بسم الله الرحمن الرحيم

| صلوا على النبي ⁦♥️⁩ |

.

لين..

دگـيت باب بيت خالـتي أم سلطان بـفكر غائب..
الصـار البارحـه خلاني احتـار رغم لگيت كل الاجابات
بس فكرة انـو عمـاد كلفني انو أني احچي لـ سلطان و اكشف لمـار هالشي احسو صعب و حيل

انفتح الباب و ظهر من وراه سلـطان.. كالعادة عاگد حواجبو
ابتعد عن الباب و گال بصوت ناصي

- تفـضلي

- مـو گاعده..روان خلصـت ؟

هز راسـو بأي و صاح لـ روان
دحگت لـسلطان الگال بهدوء

- اليـوم عدكم امتحـان

ابتسمت و أني اگـول

- أي ..و اكيد راح نـكون مزفتين بي

- لا أن شاء الله روان تنجـح بي

تخصرت و أني احچي بللهجة مستـنكره

- أن شاء الله روان تنجح ؟
زين و أني..هي دعوة ما راح تكلفك شي

اندار عليه و ضحك..و أني عبالك گلبي انرگع بشي
يا ربي من اشتعلو اهلو شلون ضحكه عليه
والله مو مبالغة..بس ضحكه منو تسوي كوارث بمـشاعري

- يلا أن شاء الله تنجحـين..بس شدن حيلچن

- والله شاديـنو بس غير المدرسات بالمقابل شادات ويانـا..صح بأول السنه چنت اسخت بـس هسا اقرأ و أسال روان اذا ما مصدگـني

- مصـدگج والله

حچاها و أني ابتسمت بوجهو..و هو صاح روان يستعجلها
طلعت و هي تلبس بجـنطتها و تگول

- جيت جيت

سلمـت على سلطان و طلـعنا
هو ظل واگف بالباب إلا ان طلعنا الفرع
و أني الضحكه مرسـومه على ملامـحي..ما ظنيـت انو كلمة منو هيچ تغير مزاجـي 180 درجـة

- شبيچ اليوم شو توزعـين ابتسـامات ؟

انداريت على روان السـألتني و أني بابتسامة جـاوبتها

- اخوچ دعالي أنو انجح بالامتحـان

دحگـتلي بطـرف عينها و گالت بسخرية

- مو شيـخ جامعنا دعـالچ

- ليش يعني تقصـدين دعاء اخوچ ما يوصل لسگف بيتكم ؟

- لا تعرفين شأقصد لا تگومين تحچين حـچي أني ما گـلتو

ضحكت و اني اضربها على كتفها..جتي شوية تلطش بالگاع بس تداركـت الوضع

وصلنا للمدرسة و امـتحنا..و يمكن صدگ دعاء سلـطان ما يصل لـسگف بيتهم لأن زفـتنا اثنينه و بجداره
من طلعنا على الساحة
اشتريت بسـكت و عصير و گعـدت أكل لأن جعت
و يمي روان تراجـع بكتاب الإسلامية لأن اكو اية ما حافظـتها و هسا تفطنت انو عدنا درس اسلامـية
صح أني حافظـتها نص و نص بس گلت عود اراجعها بعدين