| يا تعبي العشگته | ' باللهجة العراقية '

| البارت الواحد و العشرون |

#يا تعبي العشگته
#بقلم الراوية
#البارت الواحد و العشرون

بسم الله الرحمن الرحيم

| صلوا على النبي ⁦♥️⁩ |

.

كل صدمة توجع قلبك ، توعي عقلك.

.

لين..

حيـاتي الچانت فوضوية بـدت تهدا يوم عن يوم
بديت ابتعد عن التلفون و سوالف الفيس و القصص
و اصب كـامل تركيزي على دراستي..

اگـول كبرت كافي لين تسخيت..انتي مو الطالبة الي تلبس صدرية و جنطتچ بظهرچ..و بالفرصة تتكاونـين وي هديل
لا صرتي طالبة جامعية

لحد هسا ما تعرفت على احد بالقسـم..
اقضي بين المحاظرات بالكـافتيريا
كم مرة اتقابل اني و روان

روان الي تـواعدنا انو نصير بنفس الكلية..مع الاسف ما تحـقق هالشي

اما سلـطان..فـ مرات اشوفو
و من ينتبلهـي يظل يدحگلي..و اني اتـجاهلو
يجيـنا بالمحاظرة و لا عبالك يعرفني و لا اني اعرفو

ما بـرد حبي الو..و لا نقص
بس اقتـنعت انو مو كلشي نريدو نحـصلو..و مو كلشي تريدو النفس يصير

توي كملت دراسة..و تركت الملازم الصارت تـستحل غرفتي شوية شوية
و كـمشت التلفون و حچيت وي روان التـقنعني انو اجـي عليها

جريت حسرة و اني ما اريد اروح
استـحي اقابل خالتي ام سلطان..بس شنو هي گـوه يعني لازم اوافق على  احد ذلني؟

تركت التـلفون و گـمت گلت شسوي خوما اظل طول عمري اتـهزم من عدها
طلعت و گـلت لامي راح اروح لروان
ما حچـت شي و طلعت

دگـيت الباب و دنيا عصر..رفعت راسي للـسما و حسيت الدنيا تريد تمطر
رجـعت دگيت الباب..و انفتح

صار بوجهي سلـطان..توترت من شفتـو
بس تمالكت نفسي و سويت الوضع طـبيعي

و گلت

- السلام عليكم

هو تنهد و ردلي السلام
و وخر من عـند الباب
فتت و اني اسألو بـدون ما ادحگ

- روان هين؟

- اي جوه..بالصالة

رحا باتجاه باب الصالة و صحـتلها
و هو تقدم و فتح الباب و گال بنبرة هادية

- صوتچ عالي..افتحي الباب و فوتي
خوما غريـبة انتي

دحگتلو بتعجب و اني ارفع تـك حاجب
الله يرحم الايام الچانت من يفتحلـي الباب يگول خير

جيت اگـلو عليهن بس سكتت
ما اريد ابينلو انو ها..ترا كلامك يأثر بيه
فتـحت باب الصالة و فتت و هو وراية

چانت بالصالة گـاعدة و يمها الملازم
و گلاص چـاي

گامت و سلمت عليه و گـعدت يمها
و سلطـان گعد ليغاد و هو يگلب بالتلفزيون