| يا تعبي العشگته | ' باللهجة العراقية '

| البارت الخامس و الثلاثون |

#يا تعبي العشگته
#بقلم الراوية
#البارت الخامس و الثلاثون

بسم الله الرحمن الرحيم

| صلوا على النبي ⁦♥️⁩ |

.

لين..

انقهـرت حيل و انـي اگعد على الدچه مالت الطرمة و گلت

- و هـي شلونها؟مو بعدها بالـسابع

- صارت عدها ولادة مبكـره..هي زينه بس خطية تأذت من عرفت واحد منهم توفى

عضيت على شفـتي و گلت بخـنگه

- اريد احچي وياها

- هسا غافيـة..من تگعد اخابرها
و ها لين ترا خالچ هيانو ويانا..ديري بالچن انتي و روان و اذا خـفتن روحن لبيت خالتـي
عماد يجي المغرب

- خوش يمـه..بس عفية عود خابري من تگعد لان اريد احچي وياها

- خوش يمه..يلا مع السلامه

سديت الخط..و دحگـت لـ روان الگالت

- هـا شلونها

وگفت و اني اذب حسرة و بقهـر گلت

- جايبه تؤم..واحد منهم توفى

- لا حول و لا قوة الا بالله..الله يرحمو
خطية طيبة هسا شلونها

- نايمه..بس اكيد ماتت قهر

حچيتها و طبينا جوه..بدلت و احس اكتئبت و حـيل ضجت
روان وراها گمت احـسها خايفة
و كل شوية تگول اخاف اجـيب شو بطني مغصتنـي
خالتى ام سلطان جتي علينا و ظلت يمـنا

و سلطان خابرني يسـأل عنها
و المغرب جا عليـنا..و وراها جا عمـاد..گال موتت نفسها من القهر و البچي
اگوللها احمدي ربچ طلعچ سلامات..و الثاني بصحة زينه
بس ما يفيد وياها..

امي ظلت بالمستـشفى و وياها ضرغام و عمـتها
الليل كلو اتـگلب مقهورة و بس اريد ابچي بس ما گـدرت

قريـب الـثنتين و نص دزلـي سلطان رسالة

- نايـمه

گبل رديت عليه ملهوفه

- ما گدرت..خايفة على طيبة

اتـصل و رديت عليه
و بصوت ناصي گـال

- شبيچ عمري

الغصـة خنگتني و انـي احچـي

- سلطان اخـاف تخسر الثانـي..والله تموت من القهر

- عمري لا تفـاولين عليها ان شاء الله ما بـي شي
بعدين عماد مو گال حالـتو شوية احسن

- اي..بس رغم هذا بعدنـي خايفة

- لا تخافين و ادعيلها
اوف هسـا لو متزوجين و انتـي يمي چان حظنتچ و خـففت حزنچ

ابتسمت و اني اگـول بخفوت