| يا تعبي العشگته | ' باللهجة العراقية '

| البارت الرابع |

يا تعبي العشگته
#بقلم الراوية
#البارت الرابع

بسم الله الرحمن الرحيم

| صلوا على النبي ⁦♥️⁩ |

.

لين..

حچـه عمي كلمتو و هو يدحگ بوجهي
هزيت راسـي باعتراض
اني مخبلة لو مجنونـه اوخر و اگف مكتفة أيديه اشوف اختي بهالوضـع

ادحگ لـ عمـاد عيونو حمر
ظليت ادحگـلو و الغصة خنگتنـي.. احس بوضعو و موقفو صعب حيل..

- عمي الله يخليـك لا تأذونـها
انتوا بس گـولولي شنو سالفة الصور ؟

عمي جـابر غمض عيونو و أني ادحگلو گام يستغفر
ما حسيـت الا ايديه تنخـر كتـفي و هو يوخرني عن البـاب

دفعني و أني أريد ارجـع بس صـوت عماد التقدم و هو يكمشني ما يخلينـي ارجع

أسمع صـوت طيبة التبچي بهيستيريا
حاول عمـي جابر يدفع البـاب بس ما گدر بسبب كبر سنه

بس چـان ضـرغام موجود..ضرغام الي طول عمري اگول محد شايل بگدو هدوء

چان صاحب جسم رياضي فـ بسهوله گدر يفتح الباب او بالاصح يكسرو
و مـثل الأسد من يريـد ينقض على فريستو انقض ضرغام و اني ما اسمع بس صوت طيبة

دخلوا عمامي و بدت موجه من الفشار و المسبات الا متناهيه
من غير عياط طيبة و هي تستنجد بـ امي

دمعتي الغالـيه الي ما تنزل بسهوله نزلت
و أني اصيح انو يعوفونها..محد الو حق يضربها
گمت ادفع بـ عماد الي ما تحمل و لطمني على حلگـي

حسيت الدم ترس حلگي
فات عـماد و ظنيت للحظات انو راح ينقذها من بطشهم
بس ما گمت اسمع غير " خالـي عفية لاا "

بالممر وگعت و أني احط ايدي على حلگـي الي الدم ما بطل منو
صوت امي الجاي من الصالة و هي تندب حظها و تحچـي
بداية من ابويـة لحد طيبة
و أني چنـت من ظمن الي لاحهم مسبة و حچي
صوت طيبة مع صوت عمامي الي ينهالون بيها بالضرب
خلاني ارجف..خفت و اني احط ايديه على اذاني
و اگول..هـذا حلم
هذا كابوس..كابوس بشع

غمضت عيوني و رجعت فتحتهن و أني اشوف الدم لطخ حجابـي
فتت للغرفـة و شفتهم كلهم فوگـاها واحد يدفر و الثاني يجر بشعرها
جيت اوخرهم..و چـان اقرب شخص عليه ضـرغام
حاولت ابعدو بس ما حصلت غير دفعة منو
و انضربت بالتخت مالتي
جيت ارجع تا ابعدهم
بس ما گدرت..زلم كل واحد اضخم من الثـاني
و اني لا حول الي و لا قوة..چنت ما مهتمه إذا انضربت او انكتلت او على گولـت عمي يلوحني طشار
المهم انقذ طيبة من بين أيديهم..و أني اشوف دمها غرگها

حسيت نفسي انشلت من الگاع و شفت عمـاد يطلعني من الغرفة

لحظات قصيره..بس شگد حسيتها طويله
كانها اعوام..و سنين ما عشنا بيها بس خوف و ترقب