| يا تعبي العشگته | ' باللهجة العراقية '

| البارت الثامن عشر |

#يا تعبي العشگته
#بقلم الراوية
#البارت الثامن عشر

بسم الله الرحمن الرحيم

| صلوا على النبي ⁦♥️⁩ |

.

عماد..

نـظرات ريهام علينا المليانه عتب و شك
خلتني انزل ايـدي من جوه حنچ روان
الي بسرعة وخـرت عني و ابتعدت

غمـضت عيوني و زفرت و انـي بداخلي اگول تورطت يا عمـاد..شلون تحچي وي البنية هيچ..چان طلعت من اول ما انتـبهت الها و لا تحط نفسك بهيچ موقف

- روان اگفي !

صاحت ريهـام بـ روان الجتي تطلع من الغرفة
و الاخيرة گبل گـامت تبچي و هي تحچي گوه

- خالة والله ما صاير شي

سدت ريهام الباب و هي تحول نظرها بينـي و بين روان
الما بطلت تبچي..جيت اروح و انطيـها راشدي تسكت بي..ما شايف وحده تبچي بكثرها

استغفر الله..لا والله طيبة تبچي اكثر منـها

راحت روان صـوب ريهام و گعدت تترجاها انو تـطلع و تحلفلها انو ماكو شي
ريهام زفرت و گالت

- روحي..اني حسـابي وي عماد مو وياچ

ما حسينا الا روان طلعت گبل و سدت الباب وراها
و اني ظليت بمكاني واگف..
تقدمت ريهام ناحيتي و گـالت

- والله ما توقعتها منـك

مـسحت على گصتي و گـلت بنبرة هادئة
احاول ما اثير الوضع اكثر

- ترا فاهـمه غلط

- لا والله..فاهمه غلط گلتلي
و حچيك لو صخـامك السمعتو تريديني ما افهموا

- ريهام والقران ما بينا شي..
فتت تا انادي لين عـلمود شغلة و لگيتها بالغرفة

رفعت اصبعها بوجـهي و تقربت عليه..و هي تگول بصوت ناصي و عيونها تجدح عصبية

- لا تبرر..سمعت شگلتلها
ولك ما استحـيت على نفسك من تحچي هيچ..ما استحيت من امها او مني

- اهوو عاد ريهام و شكها المعتاد
خيتي و الله بس تا اخوفها حچيت هيچ..لان بس فتت گامت تحچي عبالك متقصد فوتي هين

سكتت ريهام لحظات و هي تكمش ايدي گبل لا تگول

- اذا رايدها احاچي خالتي..والله ما تگول لا

اني بس حچت هيچ..انتفضت من مكـاني
عبالك عگربة گرصتني و گبل صحت

- شأريد منها رحمة لابوچ..اني تالي عمري اريد وحده فاهيه و جاهل مثل روان
ريهام تريدين تصدگين او لا..والقران ماكو شي بينا
اني بس تا اخوفها و استفزاها لان تهمتني اني متعمد افوت للغرفة

حچيت حچايتي و عفـتها اول ما فتحت الباب
وگعت لين عليه...گوه تماسكت و اني دفعتها و صحت بيـها..لان عرفتها شنو چـانت تسوي