الجاتو زي ما إتفقنا
قمت عاينت ليهو بإستغراب زي ما أتفقتو على شنو ؟!
ما تشغلي بالك 😅
حسيت بأنو في حاجة ما طبيعية الجرسون جاب الجاتو بيدنا ناكل : شبعات شديد ما قادرة
_ لو أنا غالي عندك كملي الكيك طبعا يا فصال أنا كنت قايلك في البداية مفترية و شايفة نفسك لكن لما عرفتك لقيتك إنك شخصية عظيمة وقوية و خصوصا وقفتك معاي في وفاة أختي بالجد أنا أعجبت بيك💞
_ دا شنو بالتقول فيهو دا 😳
و الساعة الأحس ليك بي حاجة قوية في الكيكة بقيت بطلع فيها لقيتها خاتم 😨
_ تتزوجيني يا فصال
أنا ما وعيت على نفسي إلا وأنا بتحرك على العربية و هو حاول يحصلني لكن ما لحق سقت بي سرعة خياليه أول ما وصلت على البيت دخلت أوضتي قعدت أبكي معقولة برضو هو عاوز يتزوجني ( البت دي غريبة أوي 😒) ما مشيت الشغل لي تلاتة يوم حسام جاني : مالك يا بت الناس
_ ما دايرة أشتغل مع جمال دا
_ خير عمل ليك حاجة عشان أكسر راسو
مديت ليهو ورقة عاين ليها بستغراب : دا شنو
_ ورقت إستقالتي أمشي سلمها ليو
_ عايني أوعى يكون الفي راسي صاح
_ اي اي قال عاوز يتزوجني 😑
_ في زول قبلي قال ليك إنك عبيطة و حمارة
_ أنا مسافرة النمسا قدمت لي كورس و قبلوني فيهو عاوزة أبعد منكم
في اللحظة دي حبوبة طلعت من أوضتها و جات علي و أدتني كف 😳 : عايني يا بت أنا سمعت كلامكم كلو أنا صاح سكت ليك كتير لكن المرة دي حتوافقي على العريس غصبا عن عينك
حسام : براحة
دخلت أوضتي و أنا مصدومه من حبوبة أول مرة تعمل معاي كدا ياخ ياريت لو أبوي قاعدة كان ما حصل دا كلو 😭 ضربت لي خالتو سعاد : خالتو تعالي ألحقيني
_ في شنو يا بت
_ إنتي بس تعالي
إتغتيت كلي بالبطانية و قعدت أبكي كان تلفوني بضرب كتير كنت عارفهو جمال عشان كدا ما رديت بعد كم ساعة الباب دقه إتصلحت و قشيت دموعي : إتفضل
خالتو سعاد جات قعدت جنمبي و بقت تطبطب على كتفي إتكلمت معاي براحة : صحي الكلام القالتو لي حبوبتك
_ خالتو أنا ما دايرة أعرس إنتي ما عارفه الكورس دا مهم بالنسبة لي كيف 💔 أنا نفسي أكون إنسانة ناجحة و مطلعة للأفضل .
_ كلنا موافقين على سفرك و حبوبتك أنا أقنعتها 😊
_ بالجاااااااااااااد 😻😻😻😻💙💙 الله يخليك لي يا أحلى سوسو ( وحضنتها ما تصدقو كنت فرحانه كيف)
