حتفضلي كدا لمتين يا زوبا 😕
...............
يا بت ما تفتحي خشمك
...............
زفته حتعيشي لي في دور الكأبة دا لمتين ، خلاص أنا كل يوم حأجيك في البيت لما أعمل ليك وجع وش 😂 يا بت ما تزعلي على محمد دا
_ أنا ما قادرة أوصف ليك إنو أنا قدر شنو ممتنه ليك على وقفتك معاي على ولد عمك 😔
_ يا بت إنتي صحبتي ، صحبتي شنو إنتي أختي عديل كدا 😂 و بالنسبة لي مرت عمي أنا عارفها فقر 😒 ما عارفك مستحملاها كيفن ، و أنا ما بقيف إلا مع الحق
_ الله يخليكي لي 😍
_ يلا أنا ماشة الجامعة قلت إجي أسلم عليكي و أتخارج 😝 .
عدت الشهور و زينب لسه على حالها لا بتاكل و لا بتشرب و طول الوقت سرحانة و ما بتفتح خشمها كانت أمها بتحاول قدر ما تقدر إنها تساعدها في أنها تمرق من الحالة دي ، في يوم سعاد جاتم البيت مريم قعدت تتكلم معاها قبل ما تخش لي زينب : كيفك يا بتي 😊
_ الحمد لله يا خالتو 😘
_ طبعا يا بتي زينب لو فضلت على الحال دا كتير بأثر على الجنى الفي بطنها 😢 لا بتاكل و لا بتشرب و غلبني البسوي
_ خلي علي الليلة حأطلعها بس أن شاء الله توافق
_ إن شاء الله
سعاد دخلت لي زينب لقتها بتقرى في كتاب و متمعنة فيهو شديد نطت جنمبها و شالت منها الكتاب : كدي النشوف بتقري في شنو 😂
_ هييييي رجعي لي كتابي 😡
_ حتى و لو قلت ليك الليلة في حفلة لي مصطفى سيد أحمد و كلمت زول يحجز لينا تذاكر 😌
_ إنتي جاااااااادة 😍 أنا من صغيرة كان نفسي أحضر ليهو حفلة
_ يلا أتجهزي
سعاد مشت تساعد مريم في المطبخ و زينب كملت قراية كتابها ( زينب بتحب تقرى الكتب🌌 كان كل هدفها إنها تبين لي الناس إنو الزول ما ضروري يكون إنسان جامعي عشان يكون مثقف 📚 و فاهم )
إتجهزت و لبست ليها فستان فرايحي و لبست السلسلة الجابها ليها محمد ، مع إنها كانت في اللحظة دي كانت كارهاهو لكن الحب اكبر من كدا بي كتير ♥️
مرقو بالعربية و في الطريق شغلو الراديو و بقو يرددو مع الغنية لحدي ما زينب إلتفتت لي سعاد : يا بت البشوفك ما بقول عندك شافع مفروض تراعيهو 😂
_ أحمد ربي إنو أمي رضيانة تربيهو لي و تخليني أمشي الجامعة 😌
_ و الله إشتقت لي حسومي شديد لي كم شهر ما شفتو
_ و الله كان شفتي بقى كلبوز كيف فضل ليهو شهرين و يتم السنة عاوزة أعمل ليهو عيد ميلاد كبير 😍
