ما قادرة يا فصال ما قادرة استحمل و الله ( و اتقعت بكى 💔)
حضنتها و بقت تبكي في كتفي : لي حسام بعمل معاي كدا أنا تعبانة يا فصال
_ إنتي قوية يا نور و بتقدري تتجاوزي دا كلو
_ أنا حأعترف ليهو و اليحصل يحصل
_ أوعك ما تتهوري بعدين يمكن ربنا كاتب ليك حاجة أحسن ؛ يلا قشي دموعك
غسلت وشها و أنا عدت ليها الميكب بعد ما خلصنا طلعنا من الحمام : يلا إخدي نفس و خليك قوية
_ طيب
رجعنا الطربيزة لقينا الأجل جهز بقينا ناكل و نضحك
جمال : فصال رأيك شنو ترجعي الشغل
_ ما بقدر يا جمال عشان عاوزة اتجهز لي عرسي
جمال وقع المعلقة في الصحن : هو إنتي اتخطبتي ؟!!
لي ما كلمتوني ياخ ألف مبروك فرحت ليك شديد 💔
كنت حاسة بانو الكلام البقول فيهو جمال من ورا قلبو ما عرفت أرد أقول شنو
حسام : والله الخطوبة لسة بس نحنا منتظرين أهلو يجو السودان و نعمل الخطوبة انت اول زول معزوم
كمان
_ أكيد ياخ
كفاح : سرحانة وين يا نور
نور : هاااا بس بفكر رأيكم شنو تكون فساتينكم تصميم واحد
فصال: أيوا فكرة حلوة 😘
نور : أنا بعرف لي مصممة أزياء لبنانية عندها أتليه في السودان رأيكم شنو نمشي نشوف الفساتين من هناك
حسام : بس وين المحل
نور : في شارع المشتل
بعد خلصنا رجعنا البيت بعد أذان العشاء ركبت الشريحة في تلفوني و فتحت النت لقيت رسايل كتيرة من فارس رسلت ليهو
ما رد لي فتحت الفيس و بقيت بتصفح فيهو لقيت فارس منزل صورة ليهو و مغطي وشو بالكتاب عجبتني شديد فتحت التعليقات لقيت أصحابو شغالين ليهو منور و شنو بس ما لفتني إلا تعليق هيفاء كاتبة ليهو " و هل يخفى القمر " أنا من كترة ما إتغظت شديد لمن احمقت و عملت ليها لايك على الكومنت و قفلت التلفون 😒 مشيت لي ناس حبوبة في الحوش قعدت معاهم
سعاد : صارة وشك كدا مالك
_ مافي شي 😒
مريم : بسم الله الرحمن الرحيم الجن قايم عليك مش الصباح كنتي قاعدة تتضحكي ساي .
" عند جمال "
خت المفتاح في التربيزة الجنمب الباب طلع السلم بإرهاق وصل أوضتو و جدع الجكت في السرير و قعد في المكتب و بقى يبكي 💔 عمتو جات داخلة عليهو و انصطدمت من منظرو : أها أخت ليك الأكل ؟سجمي يا ولد مالك
