مثلا شوفي حبوبتك و جدك علاقتهم حلوة مع بعض ، فصال ما تخلي تجربة واحدة تأثر عليك أقري قصص زيجات ناجحة و أقري الروايات الرومانسيه ♥️ عندنا في البيت مكتبة كبيرة في الطابق الفوق بتلقي كتب كتيرة أقري منها .
عدا شهرين مما بديت الجلسات ما كنت حاسة بي إني أتغيرت لسه فصال زي ما أنا بتجنب أي ولد بالذات الإسمو فارس دا كريه شديد ، في يوم جيت راجعة من الكورس كان عندي شمار شديد في إني أشوف المكتبة 📕 طلعت الطابق الفوق و لقيت المكتبه شكلها خيالي كبيرة و فيها كل أنواع الكتب و فيها مكتب عليهو كل المستلزمات من دفاتر و أقلام راقية كان مختوت فيها لابتوب فتحتو لقيت فيهو مكتبه إلكترونية يعني مهيئة للأنو الزول يقعد يقرا فيها بي مزاج و الألوان هداية أنا بقيت طول الوقت قاعدة هناك 😍 .
في يوم صحيت مخلوعة على صوت التلفون لقيتو حسام : ألو
_ حولت ليك قروش في حسابك عارفك بتكوني قطعتي و ما دايرة توريني .
_ شكرا ليك بس كنت ما دايرة أضغط عليك أكتر
_ ما بيناتنا شكر 😊
قفلت منو كنت مبسوطة شديد بقيت بتصفح في الإنستا عجبتني قصة شعر فظيعة قلت الليلة إلا أمشي أسوي زيها ما كان عندي نفس أمشي الكورس طوالي طلعت مشيت الكوفير قلت ليهم أعملو لي شعري زي الفي الصورة بعد ما خلصو شفت نفسي في المرايا ما صدقت والله معقولة دي أنا 😻 لو كنت عارفة إنو الشعر القصير بليق علي كنت قصيتو من زمان ضربت لي علياء عشان ترجعني البيت مرقت برا أستناها بعد شوية جاتني سايقة عربية ركبت : يا بت جبت العربية دي من وين
_ دي عربية فارس مشيت شلتها منو تعبت من ركوب البص
_ و خليتي يمشي بشنو 😂
_ ماخد أجازة
لا حول ولا قوه الا بالله كدا يادوب بدا النكد صبرني يارب
_ مالك يابت كشرتي كدا عشان فارس ؟ صحي إنتو مالكم بتتكارهو كدا ؟!!
_ عشان قبل كدا قرب يقتلني في حادث و هو ماسكها لي إنو أنا الما بعرف أقطع الشارع في حين إنو سواقتو زي الزفت 😤
_ و الله دي سلامة كبيرة أخوي في الأول بكون كريه متهور لكن كان عرفتي أكتر حتشوفي قدر شنو هو طيب ، بالمناسبة شعرك حلو
_ عجبك
_ فصال إنتي ما حصل جربتي تتحجبي صاح ؟ الحجاب بتطلع ظابط معاك على فكرة
و الله نفسي أتحجب بس ما سمحت الفرصة
_ و هسى الفرصة جات أرح نمشي نشتري ليك طرح و تيربونات
مشينا محل كدا شكلو الشغالين فيهو عرب أشترينا كم طرحة كدا بالألوان الأساسية و معاهم هيدباند رجعنا البيت أخدت لي نومة حلوة كدا علياء صحتني منها
