اتفضل
مشينا قعدنا في الصالون و خالتو سعاد جات و استغربت لما شافت بابا
مريم : فصال ممكن تخلينا برانا
_ حاضر
مشيت أوضتي و خليتهم يتكلمو كان عندي أمل أنو الأمور تتصلح و نرجع عيلة واحدة
_ أها قول العاوز تقولو 😒
سعاد : اختفيت وين المدة دي كلها يا محمد أخباركم كانت قاطعة من أهلنا
محمد : و الله يا سعاد بعد ما طلقت المرحومة زينب أمي عيت عيا شديد حمنا بيها كل الدكاترة في النهاية مشينا لي دكتور عمل ليها عملية و أمي طلعت بعدها مشلولة 💔
_ دا حق بتي ربنا ما بظلم عبادو
سعاد : وااااااي يا حليل مرت عمي
_ أضطرينا نسافر النمسا عشان علاجها و أنا نقلت كل شغلي هناك بس
مريم : بس شنو ؟!
_ إتوفت قبل سنتين 😢
مريم ما قدرت تمسك دموعها و بقت تبكي بالرغم من تعامل ثريا مع بتها إلا إنهم في النهاية كانو صحبات من زمان و ما بترضى فيها الشين ، أما سعاد فما قدرت تسمع باقي كلام محمد و مشت بيتها
محمد واصل كلامو : انا ما اتخليت عن بتي يا خالتي لكن ظروفي كانت أكبر مني حتى بعد رجعت السودان كنت عاوز إجيكم و بقيت بضرب في تلفون زينب عشان أعرف هل انا مرحب بي و لا لا لكن التلفون مقفول و كنت مستني منها تلفون لكن ما ضربت ما كنت قايلها ماتت و الله 💔 (و بقى بدمع )
_ هدي عليك الله ما تبكي مسامحاك يا ولدي و بتقدر تجي هنا كل مرة تشوف بتك و أنا عافية لي ثريا 😊
حاج احمد جاهم : بسم الله الرحمن الرحيم يا مرة البشوفك الليلة ما بقول انك مريم الكانت بتكورك المرة الفاتت 😂
سلم على على محمد بالأحضان : اهلا بيك تاني معانا
_ شكرا يا عمي
حاج احمد بقى بنادي في فصال
" عند فصال "
سمعت صوت جدو بناديني يا رب خير مرقت من أوضتي و شغاله أدعي ساي لحدي ما وصلت الصالون و شايفاهم بتتضاحكو و إتونسو حسيت اني في حلم جيت و وقفت معاهم
مريم : طلعتي ما هينة يا فصال قدرتي تصلحي الما قدر الزمن يصلحو
فصال : يعني كدا خلاص بقينا حلوين
أحمد : بس كيف قدرتي تصلي لي أبوكي
_ شلت من علياء عنوان شغلو 😌💕
مريم : و علياء عارفة انك أختها
محمد : و الله يا خالتي أنا لسه ما كلمتهم بكلم الليلة
