.. زميلتو ساي و تقول ليهو يا قلبي في إنة في الموضوع .
هيفاء قامت جرت ليهو الكرسي و هو قعد بصعوبة و انا دي دايرة أموت من الغيظ 😤 بقو يتنونسو مع بعض و ما شاء الله مندمجين
نجلاء : فصال أكلي
فصال : هااااا 😮 حاضر
بقيت بحرك في المعلقة في الصحن ساي و بحاول أكل
فارس : و بس دي كل القصة إزلقت
هيفاء : سحروك و الله يا بيبي
ما حسيت بروحي و وقعت الملعقة في الصحن إدفق الرز فيني 😑
خالتو أدتني منديل : هاك قشي هدومك
_ لا لا أنا شبعت خلاص بمشي بنضفو في الحمام فارس بقى بعاين لي حمرت ليهو و قمت مشيت أوضتي غيرت لبستي و طلعت لابتوبي قلت أقرى مسكت القلم و بقيت بعضعض فيهو و بشخبت " الحركة دي بتريحني لما أكون متنرفزة جربوها 😂" علياء جاتني : يا بتي مالك قمتي كدا
_ علياء خليني في همي ياخ إستغفر الله العظيم هو في بنات كدا تشيل و تتغزل فيهو قايلة روحها مرتو 😒
بقت تضحك : غيرة و روح شريرة
_ أغير من منو من دي هي قايلة روحها هيفاء وهبي لا سمح الله
_ خلاص هدي
_ أنا هادية
_ ما هو باين لمن كسرتي القلم 😀
_ طيري من وشي 🐸💔
علياء بدل ما تمرق قعدت في الكرسي و خلفت رجلها : أنا شايفة إنو فارس قاصد يغيظك هو عزمها مخصوص 😌💞 أنتي النمبر وان عشان كدا ما تحسيسيهو إنك مغيوظة .
_ علياء عليك الله ما تديني أمل في الفاضي عارفاك قاطعة كل الكلام الفات من راسك.
_ يعني هي مكشوفة لي الدرجة دي 🙊
بليل نزلت تحت قعدت في الهول براي الحمدلله الزفته مرقت علياء جاتني
علياء : هاك دا قتيبة ضرب ليك في تلفونك لقاهو مغلق ، أدتني تلفونها و مشت
شلت منها التلفون : ألو
قتيبة : فصال شلونك دقيت عليك وايد عاوز أسألك عن المحاضرة
_ أي صاح
( في اللحظة دي فارس جااا الهول و قعدت في الكنبة المقاصداني فقلت أشربو من نفس الكاس الشربني ليها )
من عيوني هسى بصور ليك الشيتات
قتيبة : أوك يلا باي
_ ههههههه ظريف أنت
_ أنا قلت شي بيضحك الحين 😮
_ جد جد دمك خفيف خلاص بكرة نتقابل
