قفلت التلفون في وشو نرفزني الولد هو أصلا عنيد و رأسو يابس ، مرقت أغير جو مع بابا يمكن مزاجي يتحسن بابا هو الكان سائق إتلفت علي : المزهجك شنو ؟!
_ فارس يا بابا لمتين حيعمل معاي كدا
_ هو أصلا كدا بس ما تشغلي بالك بجيك راجع ، طيب حابة نمشي وين في الأول
_ في الأول يعني نحنا حنمشي كم حته 🌚
_ أيوا أنا جعان أرح نمشي ناكل
بقينا نلفلف في الشوارع لحدي ما نزلنا قدام مطعم و طلبنا الأكل
_ تحبي تاكلي شنو ؟
_ بيييتزااااا
_ زي أمك الله يرحمها هي أساسا اتوحمت بيك على بيتزا
_ جد 😂 عشان كدا بعشقها عشق ما طبيعي ما بعاين في المنيو إلا على جزء البيتزا
مرت وحدة قدامنا كانت لابسة فستان حلو شديد بقيت بعاين ليهو لحدي ما اتذكرت اني مفروض اشتري فستان لي خطوبة حسام بابا لاحظ لي
_ بعد نخلص الأكل حنمشي نختار ليك فستان
_ بس كيف عرفتني يا بابا
_ عشان أنا عراف 😂💕
فعلا بعد خلصنا مشينا المحل الجنمب المطعم الفساتين الحلوة كانت كتيرة بس ما عرفت أختار شنو في فستان زفاف عجبني شديد 💔 هسى لو دا كلو ما حصل لي كنت هسى بختار في فساتين الزفاف بس ما مشكلة بابا جاني
_ أها عرفتي تختاري شنو
_ لا لسه متحيرة
_ خلاص أنا حأختار ليك بزوقي
_ بس أهم شي يكون زوقك حلو 😘
أختار لي فستان كحلي غامق أكمامو مشغولة بالتل عجبني شديد مشيت جربتو وقفت قدام المرايا كان فظيع مع لوني 😍 : زوقك حلو يا بابا الفستان حلو
_ لا إنتي المحلية الفستان
_ شكرا يا بابا
و حضنتو و أخيراً حسيت بي حنان الأبو الكنت فاقداهو بابا طلع إنسان جميل و طيب و أنا كنت ظالمهو ساي " بجد ما تحكمو على الناس من دون ما تعاشروهم و تعرفوهم من قريب و لو زول قصر في حقكم إلتمسو ليهو ألف عذر و عذر زي ما وصنا رسولنا الكريم 💞 "
جا يوم الخطوبة بالصباح كانت تعبانة شديد أخدم على الضيوف جيب داك و ختي داك كان يوم متعب شديد بالعصر مشيت الكوفير و لما كانو بعملو لي في شعري تلفوني ضرب
_ أهلين علياء
_ أسمعي وصفي لينا بيت العروس
_ لي في شنو ؟
_ في شنينة جاين نحضر معاكم العقد
_ يعني إنتو في السودان 😍
