خطايا حواء

مشهد

#خطايا حواء
#مشهد💕
💕بقلمي ليليان احمد 💕

وصلنه للسوك نزلنه اني ويا ... دخلني لمول حيل جبير وراقي ومبين من الغاليات

- يله حبيبتي اختاري اللي يعجبج ولتهتمين لفلوس

-؟يااااااي ... رحت بسرعه اكلب بالملابس واختار شفت فستان طويل احمر وبي فتحه من جوه حييل عجبني اخذته ورحت بسرعه على غرفه القياس ... قسته وطلع كولش حلوو عليه ... كلت خلي اطلع اراوي لشياب علمود اخبله واخلي يشتريلي بعد

طلعت من الغرفه جان هو واكف مقابيلي اول ماشافني بسرعه اجه يركض عليه

- لج هاي شطالعه شنو هاي فلك طرج ... كلمن لبس احمر هيج طلع حلووو

- يعني حلوه

- ولج يا حلووه طالعه تموتيين

- ههههه .... يعني حبيبي راح تشتريليا

- وهو اني اكدر ارفضلج طلب

- وصدك اشتراليا واشترالي حذاء كعب اسود ويا وبنطرون قميص وفستان قصير اشتراهن وهو الممنون هم ..ههه

طلعنه من المول واني طايره من الفرح خليت العلاليك وره وصعدت بالصدر يمه ... اول ماصعدنه بسته من خده وحضنته من ايده حييل

- شكرا .. شكرا حبيبي ماتعرف شكد اني فرحانه هسه

فعلا كنت بقمه الفرح ...اكثر شي يفرحني هو لمن اشتري ملابس لو اقط واحد ... واني حاليا مسويه الاثنين فشلون ماافرح ههههههه

رجعني للبيت وطول الطريق لازم ايدي ويبوس بيهه واني كوه متحملته من يخلي شفاطاته المعفطات على ايدي ... احس نفسي تلعب ومرات اريد اتقيا ... خصوصا مرات الكه شويه لعاب على ايدي احس اريد اغسل ايدي بتيزاب لو اكطعهه ومااخلي يوصل الهه

وصلنه بسته من خده واتشكرته عالهدايه وكالي اول مايرجع للبيت يحولي كارت ابو ال 10 علمود نتخابر

دخلت للبيت لكيت اهلي جاي يتعشون ... هو راد يعشيني بمطعم بس اني ماقبلت ابو المثل يكول صاحبك اذا حلو لاتاكله كله .... واني ماردت احسسه كولش اني جاي اقط بي .... اشترالي ملابس ورصيد كافي ماكو داعي للباقي

دخلت للغرفه ضميت الملابس اللي شتريتهن و بدلت ملابسي ورحت للمطبخ كليت بيذنجان وسويتلي لفه واكلت ... رجعت للغرفه لكيته عماد داز 3 رسائل وداك مرتين كاتب

هلو حبيبتي
وينج امريتي
جاوبي قلبي

اوووف والله عايش الدور هذا الشايب هو اني لو ما فلوسك اكلبك ... والله بفلس مااباوعلك بس شسوي للحظ

************************************

صباح الخير حبايبي

هذا مشهد من قصتي (خطايا حواء ) قصه حقيقيه و جميله جدا وغير مطروقه احفضوهه بالمكتبه راح ابدي بيهه عن قريب 💕

الوقتهه تابعو قصه صديقتي islamhe_7l(خذلني حبيبي فامتلكني نصيبي) قصه جميله جدا😍😍.

اراكم قريبا ان شاء الله💕💕