خطايا حواء

الحلقه الثامنه

#خطايا حواء

بقلم زهراء الميالي  💕

#الحلقه الثامنه

عطور

رفعت راسي وانصدمت بالعريس .... جبير وشعره واكع من كدام وعنده كرش .... ابد ابد مو المواصفات اللي احلم بيهه وفوك كل هذا اسمه رياض .... بقيت اباوع عليه واركز على لبسه واني قرفانه منه .... شنو هذا الشايب اللي جايبي اليه ... لا ..لا مستحيل اقبل .... واكيد هذا مزوج ويريدني ثانيه .... لان مااتوقع واحد بعمره بعده ممزوج .... لان من شكله مبين عمره بنهايه الثلاثينات

شويه وساله ابوي اذا كان موافق ... واني كنت نوعا ما متاكده ان راح يرفض .... لان مستحيل بعد كل اللي سويته يوافق..... بس اللي صدمني موافقته

هه يحلم ازوجه هالشايب .... وكفت وكلت واني مركزه بعيونه

- بس اني ماموافقه

ابوي بسرعه انتفض وكال .. وأنتي منو طالب رايج بنت الكلب

- شنووو منوو طالب رايي..... زواجي هذا واني اللي اقرره

ابوي راد يجي يمي يضربني .... كام وكف الشايب وكاله

- لا لحضه عمي ..... اذا تسمح تخليني اني وياهه وحدنه ونتفاهم

- بس اني مااريد اتفاهم اللي عندي كلته وخلص

محد اهتم الكلامي طلع ابوي وابن عمه وامي .... ردت اطلع اني هم ..... صاح

- اوووكفي ...

- التفتتله .... شكوو

- اكعدي خلي نتفاهم
- نفخت بضجر وكعدت .... كال

-؟ اي عطور ... احجي

- شاحجي

- شنو اللي رافضته بيه ... مع العلم اني اللي لازم ارفضج على شكلج هذا

- والله تسوي فضل اذا رفضت
- بس اني موافق

- واني ماموافقه

-اكدر اعرف السبب

- لان باختصار ماعجبتي

- ابستمت باستهزاء .... اي بالله وشنو اللي مايعجبج بيه ست عطور

- لان شايب ... وجبير عليه ... واكيد مزوج وعندك اطفال.... وماعندك فلوس

- امم موعلى اساس انتم اللي فلوسكم متلتله ... وماقابله بيه ... تره المثلي يكون فرصه متتعوض الوحده مثلج.... كلتهه وكمت وكملت

وعموما اني موافق وراح ازوجج ان جنتي راضيه او لا .... لان اني مامستتد اطلع من السالفه هاي كلشي ماكو .... اذا ابوج ماجابلي الفلوس ... اخذج مكانهن وهذا اخر كلام عندي

- شنو اخررر كلاام كتللك يا بنييي اددم انيي مموافقه

- تجاهلني وصاح .... كريييم... ساالم..يله خلي نروح