خطاياحواء
بقلم،،،،،ليليان أحمد 💕
#الحلقة -29
مراد
اني مراد عمري 38 سنه.... خريج هندسه نفط......اشتغل بشركه.... عايش وي امي واخواتي التؤم امل ورسل...ز ابوي اتوفه قبل سنتين.....
من جنت صغير واني اتمنى ان يكون عندي اخ.... ومن صرت صف ثالث ابتدائي لكيت الصديق الي صارلي الاخ الي اتمنا
رضا هو صديق عمري واخوي الي ماجابته امي.... ماكو يوم اسرته على سر وماحفضه الي او طلبت منه شي ومالباني
صداقتنه جانت كلش حلوه والكل يحسدنه عليهه
اني ماكتزوج ... على الرغم من كبر عمري والحاح امي بس ماتزوجت ...... من جنت بالعشرين جان همي هو شغلي وبس وماجان الي مزاج للزواج والمسؤليه
ومن صرت بهذا عمري كمت افكر بالستقرار بس مالكيت الانسانه الي اكدر اكمل وياهه ومخليت امي تخطبلي لان هي تريد تزوجني وحده صغيره وتصيح ربيهه على ايدك واني مالي خلك اكعد اربي واعلم اريدلي وحده تفهمني وافهمهه .....وبقيت على هذا الحال ادور عالتفهمني الحد ما لكيتهه
بيوم جنت راجع من دوامي ...... اسوق بالسياره وتعبان ... والدنيا ظهر والشارع تقريبا فارغ....وجان اشوف من بعيد مره واكفه عالرصيف ووياهه طفل يبجي واكو ثنين جاي يتعاركون وي المره يمكن جاي يتحارشون بيهه... سقت اسرع وصلت يمهم ...... همه تركو المره وصعدوا بسيارتهم وانهزموا... والبنيه وكعت عالرصيف وكامت تبجي قوي... اتقربت عليهه
سلامات اختي.... شكو منو ذولي.... حجيتهه ومديتلهه ايدي اساعدهه تكوم هي لزمتني وكامت وبعدهي تبجي...باوعت بوجهه سبحان الخالقهه وجهه دائري ابيض وملامحهه طفوليه بقيت صافن عليهه من جمالهه....
صافن وماحسيت اله على صرخت طفل...باوعتله يمكن ابنهه... هي التفتت عليه وحضنته وكامت تبجي وتحاول تهدي ...كلتلهه اختي اصعدي وياي خلي اوصلج هي هزت راسهه وشالت جنطتهه من الكاع وازمت ابنهه وصعدت.... فركت وجهي وصعدت اني هم كدام..... سقت السياره كلتلهه اختي وين بيتكم.... كالت
بمنطقه.....
هزيت راسي ورحت باتجاه المنطقه......بعدهه سالتهه
زين اختي منو ذوله وشرايدين منج؟ هي كامت تبجي وجاوبت
والله مااعرفهم بس جنت راجعه من بيت خالتي واتعرضولي
اي يااختي شلون اطلعين وحدج زين زوجج ليش مو وياج
اني مطلقه....
الله يساعدج .... هو هذا الوكت صاير مو خوش
سكتنه واني بقيت اسوق بس عيوني كل شويه تروح عليهه ماادري ليش جذبتني... ولو هو شنو البيهه مايجذب عيونهه العسلي لو الشامه الي يم شفتها.... بعدت عيوني عنهه وكلت الله يحرسها
وصلنه المنطقتهم نزلت هي واتشكرت مني.....
رجعت البيتنه واني عيونهه لاطشات بعقلي.... لليل جنت جاي افتر بسيارتي وماحس غير رنه تليفون...تليفوني جنت مخلي كدامي ...الرنه مو منه.... التفتت للكشن الوره الصوت جاي منه...وكفت السياره ونزلت ... اباوع جنطه واكعه جوه الكشن والمبايل يدك منهه.... كلت هاي يمكن جنطه البنيه الصعدتهه اليوم.... فتحت الجنطه ورديت عالتليفون
أنت تقرأ
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
