#خطايا حواء
بقلم،،،،،،ليليان احمد 💕
#الحلقه-17
احناا بعد ماالنا كعده بهذا البيت
شنووو
شبييج جااي اكللج راح نطلع من هذا البيت
ايي يا الله ...بس وين نروح.
مااعرف
شنو ماتعرف ...انت مو تكول راح نطلع
خله اديه على راسه ودنك
اي اريد نطلع... بس مااعرف وين نروح
لعد اكعد وسكت عيوني.... اني مااطلع واضل افتر بالشوارغ
لعد شوون ابقىى هنا وياهم وهمه ماحاسبيلي حساب
لا عمري اني ملكلت هيج ...بس اتصرف بعقل
شلون يعني؟
اني هم مارايده ابقى هنا.... لان جاي تشوف معامله اهلك الي...
باوع شنو رايك... نبقى فتره...هنا وبهالفتره دورلنه بيت ايجار على كدنه.... ونقتصد هسه علما نكمل الفلوس ونطلع لان احنه ماعدنه هسه فلوس الايجار
سكت
ها....شرايك؟
هز راسه
....مممم خوش فكره
اتقربت منه وخليت ايدي على متنه
يله عمري ارتاح ولتعب نفسك
ايي...راح انام....ولحد يكغدني
ليش مراح تنزل وياهم للكعده
لاااا....واليصيحني كليله ماينزل
تمام قلبي... دار وجهه ونام.... واني كمت اكمز...
هله هله..وراح اعزل..هله هله ... خليت وحده من اديني وره ضهري والثانيه لزمت بيهه كلينسه وكمت اركص...مثل ذولي اللي يركصون بجفيه
وها وها وعطور صار عدهه وها وها... كلللوووووش
اكمز واطفر....وكل هذا اسوي بدون صوت ....اخاف لا يكعد ابو صلعه
بعدها كلت لازم احظر نفسي علمود الخطبه.... رحت فتحت كنتوري.... باوعت بي ... فارغ والذبان ينش بي
اووف لعد شلبس... كلت خلي اروح الرانيا واطلب منها
رحت الرانيا وطلبت منهه فستان...هي عقجت وجهه بس ماحجت شي. كالت اخذي
رحن دورت بكنتورها واخذت فستان سمائي حلو
بعدهه رحت للحمام ...سبحت...ودخلت للغرفه... بدلت ملابسي .....
لبسته طلع يخبل عليه ... اني ورانيا تقريا نفس الطول بس هي اسمن شويه... فلذلك ضبط عليه
لبست كلاده وتراجي ومحبس كريستال.... ووياهن حذاء كعب
طلعت اطك بالكاع .....من الحلاه
أنت تقرأ
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
