#خطايا حواء
بقلم،،،،،زهراء الميالي 💕
#الحلقه 15
حجيه جنتج حامل ...بس الطفل وضعه مو زين ومهدد بالاسقاط
يااا عزه بعيني
شهكن من سمعن حامل.... هاي شجاي تحجي شنو حامل...شنو مهمدد بالاسقاط...
بلاوعي كلت للدكتوره
بس اني ماريد اطفال
اشش ماما شنو هالكلام....لدفرين نعمتج..
تره اكو حالات تجينه يبجون على مايصير لهم طفل... احمدي ربج وشكري تره الاطفال هديه من ربنا ... وميجوز رفضها بالعكس لازم تحمدين الله علليهه
سكتت وبقيت ابجي..... كالت الدكتوره...ماما انتي متعرضه الحاله تعنيف
سكتت محجيت لان حتلو شتكيت اعرف محد راح يوكفلي ....
عمتي كالتلهه.. لا بس وكعت من الدرج
وكعت من الدرج.... هه هاي الحجه اللي بسببها حقوق هواي نساء راحت..... تره مراح تعبر علينه...الاثار اللي بجسمهه واضحه آثار ضرب.... بس شنسوي يبقى القرار الكم اذا تشتكون او لا
حجتهه وكالت انتضري لحد ما يخلص المغذي وطلعي..معافايه ان شاء الله
طلعت الدكتوره... وعمتي كالت ... رايحه ابشر رياض
حجتهه وراحت... مخلينني وحدي بهمي
اوووف شنو هاي المصيبه الجديده الوكعت على راسي... طفل.... بس اني مو حمل مسؤوليه..... واعرف نفسي مامستعده لهذا الشي....
اووف هو هم صوجي... شلون انسى هيج موضوع مهن جان لازم اخذ احتياطاتي واخلي هالموضوع ابالي
رجعت عمتي... ومبين عليهه فرحانه واني على صفنتي
خلص المغذي... ضحنه للمرضه اجت شالته.... وطلعنه واني مستنده على عمتي
مشينه بالممر... جان رياض واكف ومبين علي قلقان
اول ماشافنه اجه باتجاهنه
لزمني من ايدي .... دفعته
كال
ها الحمد الله على سلامتج
مارديت عليه
تنهد وكال
يله امشونه لعد للسياره .... تكدرين تمشين لو اجيبلج كرسي
ماريد
يبله لعد امشونخ
لزمت بعمتي... وطلعنا... فتحلي الباب وتمددت وره... وههو وعمتي صعدو ليكدام
حرك السياره ....واني رفعت راسي وكلت العمتي
- همه اخذوني البيت اهلي
- ياا يمه صدك تحجين... وين رايحه..
- كتلكم اخذوونيي الأهلي.... اني مو حيوان حتى يضربني ابنج هيج وابقاله
- عطوور... حقج عليه.. بس شيلي هالسالفه... نرجع للبيت ونتفاهم
أنت تقرأ
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
