خطايا حواء

الحلقه التاسعه

#خطايا حواء

بقلم زهراء الميالي 💕

#بارت مفاجئ

#الحلقه التاسعه

رياض

طلعت من بيتهم .... ورجعت وصلت ابن عمي البيته.... ورحت البيتنه .... صعدت كبل الغرفتي.... تمددن على سريري وعيونهه مجاي يفاركني.... عيونهه بيهن قوه وجرئه تحسهن شايلات وكاحه الدنيا كولهه

بقيت متمدد بعدهه اجت اختي رؤى صاحتني عالغده نزلت تغديت ... كملت جاي نشرب جاي وقررت افاتح اهلي بالموضوع ...تحمحمت وحجيت

- اكول يابه.... من بعد اذنك اني قررت اخطب

ام رياض: اللهم صلي على محمد وال محمد ..... ايي عفيه وليدي فرحنه بيك

ابو رياض- مبروك ابني.... بس انت مجهز نفسك... تعرف انت اني الفلوس يادوب مكفيه العيشتكم وهذا زواج ومحتاج مصاريف

- لا تخاف يابه .... مدبر نفسي
- عالخير لعد وليدي.... اخلي امك دورلك لو عندك وحده

- لا عندي وحده ورايد منكم تخطبوها

- منو هي؟
- يابه تصير بنت الرجال اللي يطلبه سالم فلوس

- ياا يمه على بختك تريد تزوج بت واحد قمرجي
- يمه صراحه البنيه حلوه وعجبتني ....وابوها ماعنده يدفعلي الدين وكال اذا تريد تزوجها حتى مهر مااخذ... وانتي تعرفين بوضعي ... فكلت اقبل احسن هالشوفه عينج صار عمري 30 ومامزوج ...والبنيه مالها علاقه بابوها قابل هي الي تلعب قمار

- براحتك وليدي هاي حياتك وانت اللي تقررهه واذا مقتنع بالبنيه هذا هو نخطبها الك ...احنه مارايدين غير سعادتك

-؟ اي يابه مقتنع بيهه كولش
-لعد باجر ام كاظم روحي اخطبيها
- من عيوني.... شعندي غير ريوضي

كمت بست ايدهم واني فرحان .... ورحت صعدت الغرفتي .... هفف الحمد لله من ماعارضو...

يعني هيج صدك و اصير القسمه ازوجها واجيبها الغرفتي.... بقيت متمدد واخطط شنو اسوي

لازم اجيب جهاز للغرفه.... وحتى هي خطيه هم انطيها فلوس تجهز .... لان متاكد ابوها ماينطي وشفت حالتهم مو شي.... عاد انطيها لان تبقى مثل باقي البنات تحلم تجهز نفسها ....وهم هي مجبوره مااريد اكسر بيها زياده ... مع ان ابوهه كال لاتدفت شي باعتبار ان الفلوس الاخذهن هن مالات المهر

غفيت شويه لل4 فزيت على صوت المنبه كمت بدلت ملابسي ورحت للمجمع وي اخوتي..... بقيت اشتغل ... ودوخه المحل والناس هذا اللي يعامل ومايشتري وهذا الي يصيح نزل هاي وصعد هاي واني منا راسي مسطور وبالي يم ذيج ام عيون وكحات .... فراسي صار طبل

لل12 بالليل سدينه المجمع ورجعنه للبيت ... صعدت كبل الغرفتي نمت على وجهي من التعب

بعد يومين كعدت كالعاده ب6 الصبح كمت بسرعه غسلت ونزلت اتريكت.... وكلت الامي تحظر نفسهه وتروح باجر علمود تخطب البنيه.... كالت ميخالف اليوم اخابر عمتك واخواتك ونروح بارجر نخطبها