#خطايا حواء
بقلم،،،،،ليليان أحمد 💕
#الحلقه–27
رضا
اعتقد هسه صار لازم اعرفكم عن نفسي....اني اسمي حجي رضا ... عمري 45 سنه .... متزوج وماعندي جهال... مع اني شكد احب الجهال بس الله مارزقني
ابوي متوفي واني عايش ببيته بعد ماطلع اخوي عمر الجبير من البيت.... اني عندي بس اخ واحد عمر واخت وحده ميس.... وعايش وي امي واختي ومرتي
اني خريج هندسه نفط.... واشتفل بشركه نفط.... وحالتي الماديه كلش زينه لان اجن٥ه بالاصل عدنا فلوس
مرتي رفل هي تقريبا عقدتي من الدنيا...... اني وياهه مامتفاهمين ابد.....
جنه ببدايه زواجنه اكو مشاكل قليله بس هالمشاكل زادت وي الوقت خصوصا لمن تحمل وتسقط تنكلب انسان ثاني وتكوم بس ادور مشاكل .... واني متحملها لان ماحاب اكسر بيها خصوصا واحنه عشره عمر وهم ابوها خوش رجال وشيخ جامع ....
فجنت صابر عليهه ومتحملهه الحد ما دخلت عطور حياتي..... صراحه اول مره من شفتها العطور وهي طالعه من المحل وشلون الزلم جانو يحجون عنهه.....
حسيتهه وحده مو راحه.... مو لان سافره لا.... لان اني طالع وشايف هواي سافرات ومحترمات كلش
بس عطور ماعرف هي هيج طبيعتها لو تتقصد.... مشيتهه ماعرف شلونهه تركص من تمشي... ولبسهه ضيك وكلامهه وي الغريب كله عيوني وعمري... فلذلك جنت مامستلطفها
من اجت اشتغلت عدنه راقبتها بس ماشفت منهه شي
ونوعا ما اتقبلتهه.... خصوصا بعد ماعرفت بسالفتها ووفاه زوجها من اختي ميس...وبعد ماشفت بتهه فرح الي حسيتهه مثل الملاك الزغير ودخل الحياتي
مرت فتره وهي تشتغل عدنا وماشايفين عليهه شي
لكن كلشي انكلب بعد الحادث الصار...... وخصوصا بعد مااجت امهه وطلبت مني احل السالفه
بقيت 3 ايام افكر بالموضوع واخر شي اتوصلتله ان لازم اعقد على عطور ......
هم استر على البنيه وهم اكسر خشمها الرفل... رحت حاجيتها واني نوعا ما ماجانت عندي مشاعر اتجاه هاي الزواجه يعني اذا رفضت لو وافقت ماجان عندي اشكال
فاجيتهه وكلت الامهه
خاله اني فكرت بالسالفه ودورتهه بعقلي وما شفت حل غير ان اعقد على بنتج اذا هي قابله ...
عطور
اني سكتت وهو التفتت عليه
ها يابه شكلتي راضيه لو لا...وثقي بالله مايصير غير الي تردينه
بقيت ساكته وامي كالتله
حجي انطيهه مهله تفكر...تعرف انت الزواج قرار مو سهل
أنت تقرأ
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
