خطايا حواء

الحلقه 14

#خطايا حواء

بقلم،،،،زهراء الميالي  💕

#الحلقه -14

الفلوووس اللي جنت ضامهن هنا ...وييين

أ..أخذتهن

شنووو..... لجج شلووون تاخذيييهن اني مو كايلج اريييد ادفعهم للقسط

ايي...بسس مو....مو احتاجيت فلوس واخذت منهن

وانتيي منوووو سمحلللج تاخذيين منهن

شبييك رياض كتلك احتاجيت... بعدين عادي مراح تنكلب الدنيا اذا مادفعت للرجال هذا الشهر...عادي ادفعله الشهر اللي بعده

بهالبساطه عااادي.... لجج شلون واني مواعد الرجال ادفع كل شهر

وانت مواعدني هم ان راح تشتريلي كل الاريده واكمل جهازي.. لو نسيت؟؟
لجج عطووور راح تموتيني

عليش اموتك عيوني .... بعدين اذا هيج مهم عدك الدفع اطلب من ابوك لو من اخوتك وادفعله

لججج شنوو اخذ منهم.... شنو ابتلو بيه بعدين اشايفتني مو رجال واخلي اهلي يدفعون ديني

ها...يعني يهمك تكون رجال بره وي الناس وميهمك تكون رجال ببيتك

ضربني كف

احترميي نفسج اني رجال ببيتي وبره فاهمه لو لا

لعد اذا هيج لتضرب ولتحاسب...لان انت وعدتني... لوعادي تخلف وعدك وي مرتك بس ميصير تخلفهه وي الناس

فرك وجهه.... ماشي ماشي.... اخذيهن عطور... بس اني اله اندمج على سوايتج والفشله اللي راح اتفشلها وي الرجال

علييش عيووني اتندمني... تريدهن تعال اخذهن... لا خلفه الله عليك.. اخذهن ورجعهن ورجع فلوسك واشبع بيهن

خزرني.... سكتت

بقه يفتر ويحوص...واني ماتقربت منه خفت لا يرجع عليه.... ويضربني... اخر شي جر ملابسه لبسهن وطلع وهو يسب بيه

كلعه ... بره من هيج رجال...

مرن 3 ايام وهو مايحجي وياي .... وعمتي كالعاده اذا شافت رياض متعارك وياي وضايج..... تشد وياي ... شلون مزعله ابنها.... ادري انتي شخصج اني ورجلي نتزاعل ونتصالح.... حاشرره نفسسج شكوووو

عاد كلت خلص لازم اصالحه... لان اهله اذا منتحاجه يستغلون الوضع

رجع من الشغل ساعه12 .... سبح وتغده.. وصعد... كملت المواعين وصعدت وراخ لكيته... متمدد ومخلي ايده على عيونه يريد ينام .... اتقربت منه... سحبت ايده من على عيونه ونمت عليهه.... راد يسحبهه ماخليته

رياض خلص حباب سامحني ولتضوج نفسك...... تدري لو اعرف هيج راح يقهرك والموضوع ويسوي بيناتنه زعل ولا اقترب منهن ...

مارد
خلااص عمري ... اذا تحب اروح العصر للسوك واخليهم يرجعوهن... اني حتى ملبست ولا واحد منهن الحد الان