#خطايا حواء
بقلم زهراء الميالي 💕
#الحلقه الحادية عشر
دخل وقفل الباب ..... اجه باتجاهي وهو مبتسم رفع الطرحه عن وجهي ...وشفته نصدم بشكلي ونز وصاح بسرعه
-هاااي ليشش هييج وجهج !!!؟.
ههه.....طبعا ماستغربت من صدمته...لاني جنت طالعه عكس كل عروس.... شكلي مجان حلو ابد... واني اللي طلبت هيج.... خليت ام الصالون تكثرلي مكياج ولون الحمره خليته باهت.... وعيوني مخليتلهن شي
شكلي جان مثل وحده مغططيهه بجيس طحين ومطلعيهه ... شفايفي بيض وعيوني ممبينات
هفف بلكي من يشوفني هيج يخترع يعيفني بحال سبيلي
جاوبته
- شبيك .... شنو معجبك مكياجي
- بربج هو هذا هم مكياج
- تخصرتله ووكفت....لعد شنو
- روحي يابه روحي اغسلي وجهج من هالطحين..... طالعه تكول مومياء
- لا والله
- والله..... وكام يهز بيده ويحجي
هو هذا هم حضي ....عبالي اجي الكه مرتي طالعه تخبل واكعد اتغزل بيهه مو اخترع من اشوفهه
- يعني هسه اني ماعاجبتك
- مسح وجهه..وكال استغفر الله.... لا يابه مو انتي الماعاجبتني ...بس مكياجج معجبني
رفعتله حاجبي وكتله
- بس اني عاجبني
نفخ بعصبيه وصااح
- عطوووور..... روحي اغسلي وجهج بسرعه
- مااغسله
خزرني وصاح
- عطووور انيي شكللت...روووحيي بسررعه عالحمام...
بقيت واكفه ومرحت... اجه عليه بسرعه وسحبني من ايدي وطلعني من الغرفه
هفف الدمعه صارت بطرف عيني .... اهله بيومهه فرغولنه الطابق الفوك....اخوته نزلو نامو بالاستقبال واخته وي امهم ...فماجان اكو احد....جان اكو حمام بالطابق الفوك.... اخذني اله... وكال
يله اغسلي وجهج
فتحت الماي ...وفركت وجهي حيلل...عابت بس يصيح ولا عنده اسلوب...ابو صلعه ...الاكرع..ابو عصام
بقيت اغسل بوجهي واني اغلط علي بكلبي وهو واكف فوك راسي....ويباوع اذا اغسل زين لو لا
كملت ودرتله وحهي
- ها اكو بعد شي
- لزم وجهي من حنكي...وفره عالجهتين... وكال
همم ...لا ......بعدهه ابتسم وكال
عفيه عليج خوش فاركته
بعدت ايده وطلعت من الحمام...وهو سمعته بقه ينافخ..واجه وراي
دخلت للغرفه ...ورجعت كعدت عالسرير واني مخوزره .... هو دخل ... بقه واكف يم الكنتور و يباوعلي واني كاعده واهز برجلي بعصبيه
أنت تقرأ
خطايا حواء
Romanceروايه تحكي عن فتاه عانت من اهمال الوالدين في صغرها ... مما ادى الى إرتكابها ألعديد من الخطايا التي لا تغتفر في شبابها... متناسيه أن لكل ذنب عقاب ولو طال الزمن 🖤 #خطايا حواء 🖤 [قصه حقيقيه] بقلم ..ليليان احمد 💕
