.... البارت الاول...
.....مرتقب عز الدين....
للكاتبة نبأ ميثم
..... ❤️❤️.......
جنت كاعد بل حديقة اجه عمر يركض
عمر. لك وين جنت دورت الجامعة كله وأنته ماكوو مختفي
مرتقب. شبيك صارلي شكد كاعد اهنا صاير اعمه يولد
عمر. كوم امك على تلفون لتصير خفيف دم
رحت للتلفون الأرضي
الووو هلا بل غاليه شلونج؟
ام مرتقب. هلا وليدي الحمدلله أنته شلونك ولك يمه شوكت ترجع مو شلعت كلبي أنته ودراستك أمي تحجي ومانطتني مجال ارد على سؤاله حرت ارد السلام لو اجاوب على أسئلة
_يمه شوي شوي شبيج اخذتيني حاصل فاصل
_ يمه غير شالع كلبي اريد اشوفك مو شلعت كلبي
مرتقب: هاا يمه عدنه الحجي من جديد مو دريت شالع كلبج
_ أنته لو يهمك حجيي جاا رديت عليه بس راسك يابس كاتل روحك على دراسه اهناك
مرتقب. يايمه غير امتحانات قابل بيدي دسوي مستقبل اهنا
_. شطلعت هاي كلما اكلك ارجع تكول امتحانات هاي بس انت تمتحن
مرتقب. لا يمه هاي خلق الله كله تمتحن باجر ارجع ان شاء الله امتحن آخر امتحان وارجعلكم
ام مرتقب. كوللليش
_ راح ارجع من الامتحان ماحررت القدس
_. يمه جاا انت بل حسنات نشوفك
_ يالله يوم في امان الله
ام مرتقب. الله وياك وليدي
عمر. هاا وجه الفكر سمعت الهلهوله شكو
_لك بطل سوالفك هاي
عمر. رقوبي غير أنته الغالي واسمع عليك
_ امشي نرجع للغرفة
احنه عايشين بل سكن الجامعي ببغداد
اني مرتقب مرحله ثانيه قانون
سويت تسريع لأن عائلتة فقيره وكلت على الأقل التعيين يفيدني ونكدر نعيش عيشه محترمه أهلي من النجف وعايشين اهناك بيت قديم تصحيح مو بيت كوخ يعتبر لصغر حجمه متكون من غرفه أو مطبخ وصحيات اكو ناس خيرين بنو هذا المشتمل الصغير الي يادوب يكفينه اني واخوتي
أبويه من اهل الله رجال فقير يشتغل فلاح بيت الناس الي عايشين بمشتملهم
عندي اخ واحد مهند صغير عمره ١٠سنوات
واختين هند الجبيره عمره ١٦سنه
وقمر اصغر من هند عمره ١٤ سنه
امي تشتغل بيت الناس حته نلحك على عيشه
اني ادرس واشتغل واحاول ادز فلوس الأهلي
اشتغل عامل بمطعم من مطاعم بغداد
يومي اكضي شغل ودراسة يادوب الحك
والحمدلله على كل حال
عمر. باجر دوام راح ترجع للنجف
_ أي لو بيدي ماارجع بس امي تحسرت محروك كلبه عليه
عمر. ليش متريد ترجع
_ أنته لو شايف امي وابوي شلون يشتغلون يمردون كلبي واني مااتحمل إذا ضليت اهناا على الأقل ألم كم فلس احسن ما شوفهم يخدمون بالناس
عمر. الله يساعدك والله قهر
مرتقب. اني رايح للشغل
عمر. ماشي الله وياك
عمر من عائلة متوسطة لافقيرة ولا غنية يعني ماشي حالهم ميشتغل لمدلل
أصغر واحد والصغير معروف بل دلال
وصلت للمطعم حته اخذ اجازه علمود ارجع للنجف
مرتقب. السلام عليكم استاذي
سيد جاسم. هله وليدي وعليكم السلام
_ استاذي اريد اخذ اجازه فد سبوعين
_. خير بويه ليش
مرتقب: دروح للنجف اشوف الوالده صارلي اهواي ما شايفه
سيد. أخذ راحتك وليدي شوكت مترجع ارجع
حجه ابن الحجي
عبدالله. خير بويه شكو شوكت ميرجع يرجع يومين ويرجع شنو دنيه سايبه ويعيف شغل وين اكو هيج دلال
السيد. انته مدير الشغل اهنا لو صاحب المطعم؟ حته افتهم ليش تامر بكيفك؟
عبدالله. اسف بويه مو قصدي
هذا عبدلله خال راسه براسي واني مااهتمله كل الي يهمني اخذ جدي (فلوس) وارجع
ابو السيد صاحب المطعم رجال حقاني مايرضى على تصرفات ابنه بس اليوم الميجي السيد كلنه ندخل بانذار بسبب ابنه
عكس ابوو تماما يدور المصايب دواره
وعنده اخ هم ماشاء الله كرم وأخلاق بس هذا عليمن طالع ماادري
خلصت شغلي من غير النك هاي شنو الثرم مو خوش وعلى هل رنه
رجعت للبيت كعدت أقره لأن آخر امتحان
ثاني يوم
عمر. مرتقب مرتقب كوم لخاطر الله شكد تنام
عمر. لك بويه كوم شبيك كافي نوم
_ حقك بويه شعندك شغله عمله لك نمت بل أربعة الصبح تكسرت تكسر ولي عني
عمر. كوم عمي لدك اليتيمة يمي كوم لخاطر الله
مرتقب: الغي عاد شبيك جنك وحده دجيب
عمر. ساعة بل سبعه شوكت تلحك تراجع وتبدل دفضه عاد
_احد كلك اني بنيه واتاخر بل تبديل هنه تشريت وبنطرون
عمر. سوي زين وذب بل شط شيعجبك استاذ مرتقب
_رحم الله ولديك ماتقصر على راسي بس عيفني بحالي باوعلي صفح ماعاحبه الحجي
غسلت وجهي بس بعدني نعسان
بل امتحانات لو انام ساعتين لو ماكوو
دخلت للقاعه والجو زين جان بارد
اجه الأستاذ يمي انطاني الاسئلة اني بعدني نعسان بس شفت أول سوال انخطف لون وجهي جان الاسئلة تكسر هم إذا ينتقم منه مو هيج
طلعت من القاعة وراسي يوجعني
منين مااجيه الاسئلة صعبه ومن غير النعس
عمر. شبيك مرتقب
_ شبيه شوفني شحلاتي طالع متونس
ومجاوب
عمر. لا بربك صدك عرفت تحل شو أني بس كتبت اسمي وشخبطت شوي وكتبت دستور على قانون على جم شغله ما مذكوره واخر شي كتبت قانون جديد وطلعت
مرتقب. عموري أنجب شوف وجهي اصفر وراسي يوجعني والأسئلة تموت شجاوب متكلي
عمر. دمشي ربك يحلله
_اني راح اطلع للنجف وأنته وين راح تولي
عمر. راح أولي لأهلي أهل عمر بل بصره
مرتقب. بسلامه
وكلمن راح يشوف طريقة ونلتقي بيوم النتائج
صعدت كيه حته اوصل للكراج وبعد طريق متعب ومااكدرت انام وصلت للنجف
أخذت تكسي حته أروح الاهلي
يتبع......
.... ❤️❤️......
لهناا وينتهي البارت الأول انتضروني ببارت جديد هاي بداية وان شاء الله الأحداث تقوه وره كل بارت وراح تتعرفون على شخصيات والاحب لكلبي قمر
اتمنى تعجبكم أنطوني رئيكم بي ❤️
بقلم
🌟نبأ ميثم 🌟
قول الحقيقه وازعاج الناس
أفضل من قول الكذب وارضاء الناس
أنت تقرأ
مرتقب عز الدين
Mystery / Thrillerقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
