مرتقب عز الدين

البارت الرابع عشر

❣️البارت الرابع عشر ❣️
........ مرتقب عز الدين.........
للكاتبه 🌟نبأ ميثم 🌟

..... ❤️❤️❤️.......

رحت وره الشجره اشوف منو هاي الشهكت شفت ريم كاعده وره الشجرة شوي وتبجي متأثره كلش
ريم. بله هي هاي هم قصه واحد يحجيه ياريت بيه حظ حتى نهايه حزينه
مرتقب.من اشهور  قصص الحب

ريم. بس مات اوف والله انقهرت عليه وفوك هذا مااخذ حبيبته
مرتقب. ههه تره هاي القصه صارله سنين
ريم. وإذا
مرتقب. هسه كومي شعندج خاتله اهنا

ريم. نسيت اني وين كاعده لا ونوب كاعده اتناقش بل قصه ولاجني دتسمع عليهم شكد فشله ياربي كل موقف ويااا اسوء من القبله
شسمه اني اهنا جنت اتمشى وسمعت مجنون ليلى وصار عندي فضول لا أكثر مو قصدي اسمع عليكم واعتذر منكم

قمر. ايييييي احنه مسألنه سبب وجودج وتحرك بحواجبه عضيتله شفة
مرتقب. أي ما صار شي

ريم. هاا وشسمه قبل لا انسه خلي اوضحلك ذاك اليوم شصار ويه امك قصدي ويه خالتي  والله جنت مفتهم غلط وحجيتله السالفه  كله واعتذر منه وهو كال ما زعلان

مرتقب. نصير أصدقاء وقدم ايده
ريم. أي ماشي وخليت ايدي بايده دصافحه بس شنو شعور غريب حاسه روحي راح اطير ودفو بايده مشاعر مخربطه اول مره يصير عدي صديق ولد جنت مرتاحتله كلش

ايد ريم ناعمه ضاعت بيدي كلما جاي يزيد حبي ماينقص بلا ما اعرف بمشاعر ريم تجاهي شنو

وصرنه كل يوم نلتقي إلى أن اجه اليوم الي كالتالي عيد قصه مجنون ليلى اريد اسمعه من جديد
ومثل ذيج المره هم عدته وهيه ماتت قهر
على قيس وليلى إلى قصت حبهم انتهت

ريم. اوف إله اسمي جهالي بل مستقبل قيس وليلى

مرتقب. أي دللي نسميهم قيس وليلى حلوات الاسامي وهم عجبني
ريم. شنو؟

مرتقب. شنو شنو مو تردين تسميهم سميهم عادي ماعدي مشكله
ريم. وابوهم المستقبلي إذا ما قبل
_. اني قابل ولا يهمج

ريم. شنو قصدك
مرتقب. ريم اني احبج،
ريم. يمكن صخنت احجي بكلبي اتلبكت مااعرف شسوي ضليت اعصر باديه
لزم ايدي شبيج ولج اصابعيج راح يتكسرن
ريم. اني صار لازم اروح
مرتقب. مو قبل متكليلي الجواب

ريم. ضل يباوع بعيوني كتله بصوت ناصي الجواب بعيوني ابتسملي ابتسامه ذوبت كلبي بجماله وعيونه اليخبلن اهنا ملكت دنيه كله

_. ماشي روحي عرفت الجواب بعيونج اليلمعن مثل نجمه بوسط ليل
كمت ركض وكلامه براسي اوف وحجيه امشي واتذكر الي صار

ملكت الدنية كله لاهمني بذيج الساعه لاهو فقير ولا مكانته  كل الي همني حبه لأن عشكت الهوا الي يتنفسه وصرنه قراب من بعض
رجعت للبيت وادندن الحياه كولش حلوه جانت بل نسبه الي خاصه بهذا اليوم