❣️البارت الثامن عشر ❣️
........ مرتقب عز الدين.......
للكاتبة 🌟نبأ ميثم 🌟
...... ❤️❤️❤️.......
وهنا أبويه وكع على قنفه جان يحجي ويفرفح رحناله ركض كومه إياد وجباله حب مال ضغظ ارتفع ضغظه من وره رغد
ابو إياد. ماجنت ابد متوقع هيج ياربي جنت شالع كلب أبويه بس يطلعولي جهال غضب مو هيج لا مو هيج الله جازاني بجهالي
خلي احجيلكم على ماضي أبويه
أبويه من جان صغير جان معذب كلب ابوه حته مرات ينحبس من وره سوالفه
يوم يجيبله طيور للبيت والبستان ميلفي بي كله تصيح الغوث وماكو بنيه فالته منه جان صدك خبيث حته مره جدي غضب من أبويه وابويه ماهامه يادوب يفكر بروحه منا من ماتت بيبتي من ورأه وابويه شويه عقل فتره ورجع بس من مات جدي لا تحول انسان ثاني عباره عن غموض وهادء ليشوفه يتعجب
صعدت رغد للغرفة.....
جمانه بس تتفرج ناقصه جيس حب وتكمل المسرحية بنت رغد صغيره عمره سنه ونص
رغد. ياربي موتني اريد أخلص عمار الجلب اخخ منه
ريم. لج ابو بنتج ثوله
رغد. طاح حضه وحظ بنتي لج لتزهكيني
وضلت رغد على هل حالة نامت وهي تسب بعمار
ثاني يوم بل ليل اجه عمار
عمار. عمي اني اريد اطلكه
ابو إياد. أي مو هيه بكيفك
عمار. تره انتو كوه جلبتوه براسي تره بنتكم تزهك
ابو إياد. شوف لك لاجلبته براسك ولابطيخ اذكر قبل سنتين لو لا مو انت حاولت تغتصبه لو غيرك لو ما سوالفك ازوجه الك
شوف هسه رجلك التعرج بيه كله من ايدك إذا تحب وعندك رجل ثانيه تره اصكطه الك
عمار. عمي بس
ابو إياد. قسم بالله اذا ماخذته وياك اسوي بيك العمايل تره اني لحد هسه ساكت ومتحملك صبري وياك ماله حدود لتفكر ساكتلك
رغد.اني اني ماريده هي كوه
ابو إياد. تنجبين وترجعين ويه رجلج عادد كافي مهزله انتو مو مزعطه وانته إذا نوب مديت ايدك عليه اكسره فهمت لو لا
عمار. ماعجبه الحجي ضل ساكت وهو يخاف من أبويه لأن أبويه إله مكانته وكله تخاف منه ومايهمه شي إله رجل بل دوله كلش قويه وهو مستغل هيج فرصه
راحت رغد ويه عمار وخلصنه منه
ثاني يوم رحت للبستان حته اشوف مرتقب
مرتقب. هله هله بريمتي
ريم. هله بيك حجيته واني مدنجه
مرتقب. يأبه لساعج تخجلين مني تره صارلنه سنين انتضري بس هل سنه واجي اخطبج من ابوج
ريم.اوف متأنية هل يوم آحر من الجمر
مرتقب. مبقه شي مبقه بس خلي اخلص دراسه
ريم. الله يسهلك
مرتقب. شوكت ألزم هل شعر وانام علي والله اسوي مخدتي وعيونج جنهن ليل
ريم.ههه كافي
مرتقب. ههه خلي ازوجج وبعد اشوف شلون تكولي كافي
ريم. طبعا اني مثل الخبله بس اوزع ابتسامات
مرتقب. ريمتي لتكصين شعرج ابد
ريم. ماشي ضليت اسولف واضحك الكعده وياا متنمل رجعت للبيت شفت جمانه
جمانة. خير ياطير شعندج ويه ابن الفلاح
ريم. انتي ابويه لو امي اكيد لا
احترمي نفسج ولتدخلين بيه جنت خايفه من نضراته جنة راح تسوي مصيبه
بس تضاهرت بل قوة..
💫مرتقب💫
لكيت شغل والحمدلله خوش شغل واحسن من مالت السيد بس
دوم أبالي عبدالله حطيته براسي وعمي جلال هم ماكدر انساه وهو و بيت جدي
قررت بعد تخرجي أبدي لعبتي وياهم واحد واحد راسم هل شي بعقلي
صرت اجمع الفلس على الفلس إلى أن صار مبلغ زين أكدر اشتري بيت
رحت الأبوية وحاجيته عن ذني الفلوس واقتنع نشتري بيت صدك ضليت ادور منا من لكيت خوش بيت
ثلاث غرف وحديقة واستقبال ومطبخ جبير جان بيت خيالي بل نسبه للمشتمل العايشين بي
قمر جانت كلش متحمسه ومهند هم بس هند الوحيده الي ماضهر على وجهه اي علامه تعجب أو فرحة
شفت ريمتي وبجت كومه لأن راح نشيل بس كله لأجل عيونه حته ازوجه
سنين اجمع وحته على اهلي بخلت بل فلوس في سبيل اشتري بيت
امي تبجي من الفرحه اجت آخر سنة إليه بل جامعة قربت الحلمي واخيرا راح اتخرج هذا حلم حياتي قريت اهواي ليالي وسهر وتعب وأخذت فخر حياتي الي هي شهادتي وصرت محامي
صرت أدوم بل محكمه وبديت بقضايا صغيره مثل طلاك أو هيج شغلات مو ذيج صعوبه....
ام مرتقب . يمه مرتقب وبيت واشتريت وشهادتك واخذته وتعين تعينت مانزوجك وافرح بجهالك
مرتقب. أي يمه ليش لا ازوج
قمر. كللللليش
ام مرتقب. ووجع، اي يمه مالك دخل بهل عوبه اني راح ادورلك مره
مرتقب. عليش تدورين اني عندي وحده ورايده من زمان
ابو مرتقب. بيه الخير وليدي منيه ؟
مرتقب. ريم بنت ابو إياد
ام مرتقب. أنته مخبل صاحي ريم بنت الزنكيل لبن الفلاح شبيك يمه وين عقلك،
مرتقب: يافلاح هذا التحجين عنه شو بيت وعدنه وشغل وبعد ماتشتغلون وصرت خير من الله وفوك كل هذا محامي تره تغيرنه احنه مو مثل قبل!
ابو مرتقب. تغيرنه اي بس مامحينه الماضي يضل اسمك ابن الفلاح وابو إياد متعجرف وشايف نفسه ميزوجك بنته انسه
مرتقب. بويه احنه ماطلبنه ايده وهو رفض هاي مجرد احتمالات وبعدين احنه ولد اليوم شدخلنه بالماضي
_. واحتمال هم يرفض
قمر. واحتمال يقبل شبيكم ياجماعة تفائلو
ابو مرتقب. انتي انجبي
ابني ادورلك امك على غير بنيه مو بنت إياد إياد رجال مانكدرله ومستحيل يزوجك بنته
مرتقب. رجال مغرور اي عصبي اي مكار اي مخادع هم بس اني هم تغيرت وصرت خير من الله ليش توكفوه على ماضي
ام مرتقب. اني مو قصة اوكفه على ماضي والله يمه اكيف تزوجه خوش بنيه دره مال الله بس ابوه مايزوجه اني دحجيلك عن ابوه رجال وأعوذ بالله لو شايف شمسوي برجل رغد
وك يمه رجال مشراني كله مسلمت منه
جعفر. بخت.....
يتبع...
........ ❤️❤️.........
بقلم
🌟نبأ ميثم 🌟
احذر شر الصامت إذا تكلم
باستطاعته أن يدمر قلبك بكلمه
مشهد من البارات القادم
اباوع على هند مصدومه
هند. اخويه دزني الج اخويه جذب عليج وزواجه الخميس هو اليوم بل ليل...
قطعت المشهد خباثه 😂😂😂😂
أنت تقرأ
مرتقب عز الدين
غموض / إثارةقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
