❣️البارت الحادي عشر ❣️
........ مرتقب عز الدين .........
للكاتبه 🌟نبأ ميثم 🌟
...... ❤️❤️.......
فتح أبويه الباب بهدوء
دخل للغرفة شاف إياد والبنية بوضعيه زفت واسوء شي ممكن نتخيله اني توقعت ديسولفون وماتوقعت ديسون شي!
طلعنه بسرعة أبويه وكف بل بأب ويهز برجله كلشي ما سوه غير هاي الحركة
والله يالله ابنة جايب بنيه وهو يهز برجله استغفر الله ينرفزون احجي بكلبي
امي واكفه وتخزر بيه بل اخير كالت
ريم شعدج واكفه دخلي جوه
ابو إياد. لحد يحجي اني ضليت واكفه
طلع اياد وراه لبنيه ومدنكه راسه لو شوفون الأدب بكل أخلاق ورزانه ولا جنة جاية بيته وبغرفه اياد نزل أبويه جوه واحنه نزلنه وراه
بعد هستوه اياد دخل للستقبال اجاه راشدي
وضربه الراشدي الثاني امي رادت تحجي بس سكته أبويه من يعصب محد يفتهمه يتصرف بغموض ضل يضرب بي راشديات والبنية واكفه على صفحة
ابو إياد. لج انتي...... اطلعين من البيت لااكسر رجليج وإذا اشوفج مره ثانية تره ميرفلي جفن واقتلج يله ولي نوب عليه*******بنات شوارع
طلعت لبنيه وهي تهز بيده من دون ولا حجايه ماعاجبه الوضع
ابو إياد. ريم جيبي الحزام اني جمدت بمكاني عاط بيه جيبييييي لحزامممم اخر مرره احجييي
رحت جبتله لحزام دخل أبويه اياد للغرفة وضل يضرب بي واحنه نصرخ نريد بس يرد علينه يعيف إياد لأن صوته اختفى ماكو بل اخير خف صوت الضرب
ام إياد. الله لايوفقج شدخلج بي بنت مطي كله من وراج شوفي اخوج شصار بي
ريم. انتي قانعه بسوايت ابنج تره تصرفه كلش عيب!
ام إياد. الولد يضل ولد انتي شدخلج شيسوي خلي يسوي مالج دخل بييييي
ريم. والله هاي لو اني جا عملتي بيه العمايل
اني حجيت هيج ضربتني راشدي عفته ورحت الغرفتي ضليت ابجي
مادري الي سويته صح لو لا بس لازم هيج يصير سمعتنه تدمر كافي رغد نوب اياد!
بين دموعي وقهري منهم نمت
كعدت ثاني يوم
رغد. اكلج ريم شصاير البارحه
ريم. روحي سألي امي
رغد. سألته وتكول رأس البله ريم ما فهمت شي اخر شي لحيت رزلتني
وليش اياد محبوس بل غرفة
ريم. ديلعب طوبه ولي عني تره زهكت
رغد. كبر كبر طلعت وردت وره شوي اكلج أبويه يصيحج
ريم. يصيحني
رغد. أي وجع شبيج تفاجئتي
ريم. أي طبعا اتفاجئ وخري يمكن اني هم راح انعلس خرب شوف كلبي راح يوكف من الخوف من بارحه واحس جسمي مثلج
رغد. والله انتي شو شمسويه ويه اياد
هسه شوفين اياد شيسوي بيج بس يطلع من الغرفه هو صح اخوج بس حقير انتبهي
كلام رغد خوفني أكثر ما جنت حاسبه حساب الاياد جان همي يعرف أبويه بل لصخام ليصير بل بيت
نزلت جوه متلبكه وخايفه مااعرف ليش عندي احساس راح انشنق شكو شغله تخص الموت تذكرته لا المشكله مو هنا كاعده اتخيل روحي شلون اموت سويت فلم اكشن بعقلي
ابو اياد. ليش ما نزلتي تريكتي
ريم. اني
ابو إياد. أي انتي ليش متفاجئه
ريم. لا بس استغربت مو بل عاده تذكروني قصدي تصيحوني
ابو إياد. تعاي كعدي اهنا يمي كعدت يمه وضل يسولف آخر المطاف وكف عند إياد ريم إياد شوكت جان يجيب**. للبيت هاا من شوكت
ريم. مااعرف اني صار كم يوم من شفته ردت اكلك بس ابنك وتعرفه هددني
ابو إياد. زين زين سباعيه نوب شيصر كوليلي فتحي عينج زين
ريم. هو اكو شي ثاني بس اروايك بعينك يالله لأن ما شاء الله ولدك عصابه كله تهدد واني لأن يسون غلط راح اكلك
ابو إياد. أي بله شنو الشغله
ريم. لا لا اراويك بعينك حته مجذبني
طبعا كل الي جنت اسوي مادري وراه نتائج جبيره واخرب علاقتي ويه اخواني الي مالي علاقه بيهم اصلاً
كل الي جنت افكر بي أنقذ رغد من ذوله الولد لأن ياما سمعنه بحالات اغتصاب أو بنات شردن والي يدفعن فلوس للولد
ومن غير الي أهلهم درو وكانت النتائج سيئة
اما إياد جان كل تفكيري انو يجيب هيج بنات للبيت وشلون بنات يخرعن من لبس ومكياج جان عمره بل عشرين وحته مداخل بل ٢٥ صح جان بالغ سن الرشد بس مو هيج يسوي وخفت غلى سمعت ابويه
لأن علاقتي سطحيه بيهم مااحبهم ذاك الحب أو الترابط ليصير بين الاخوه كل شي جان سطحي وبسبب الاهل جان كلما احد يشاقه امي تعيط محد عليه بالثاني!
أو ننجمع على أكل امي ترزل لأن حمزه بطبعه مرح ويشاقه واياد هم جان هيج بس امي عقدتهم حته الغرف مايوم دخلنه غرفهم كلمن بجهة جو عائلي ماكو
وره يومين ابوي طلع إياد من المخزن بس جانت نضراته كلش تخوف ومن يتواجد مااكون يمه لأن الشر واضح بعيونه اما كلبي اخ منه يحس فاقد شي ودوم مرتقب على بالي صار جزء لايتجزء من تفكيري وعادة يوميه كلبي يذكر اسمه
ومتانيه اشوفه بفارغ الصبر
💫مرتقب💫
بهاي المده الي كضيته اهنا دوم ما مرتاح تفكيري كله يم ريم ام الشعر الطويل يشبه الحرير ولمعته اخ منه
وبعدني مصر لونه اصفر م هو لونه اسود مادري تخليته أصفر وهاا طلعت ناجح بأعجوبة وعمر هم نجح والحمدلله
أخذت اجازة من الشغل وقررت ارجع اشوف كلبي شمضيع اهناك
واعرف حتلو رجعت راح يضل كلبي مضيع شي
يتبع......
...... ❤️❤️❤️......
بقلم 🌟نبأ ميثم 🌟
من أعظم الهدايا💌
التي تهديها لشخص أن تنتبه عليه ❤️🥀
أنت تقرأ
مرتقب عز الدين
Mistero / Thrillerقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
