❣️البارت الثاني الثلاثين❣️
......... مرتقب عز الدين.....
للكاتبه 🌟نبأ ميثم 🌟
❤️❤️❤️❤️❤️❤️❤️❤️❤️❤️❤️❤️❤️
سميه. اني احبه وأريد ازوجه كم مره كتلك ابتعد عنه
جلال. اوف من عنادج
عفتهم ومشيت البنت ولابو متورطين ويه الإرهاب
وغير هيج بيت جدي كله ممنوعات حبوب ومخدرات يعني اذا لزم جلال نلزم احنه هم
خبرت عمي علي وهم احتار وياي اول شي جان لازم نبعد سميه عني جنه نتمشى بل شارع شفنه واحد مخبل
علي الأكبر. صير مثل هذا
حارث. شلون اصير مثل هذا
علي الأكبر. انت هسه راح تدخل جامعة وتصير ضابط بس قبل كلشي لازم تصير بعيون بيت جدك أنته واحد مخبل
حارث. بين يوم وليلة اصير مخبل
علي الأكبر. لا مو هيج تسويلك حادث ولبسك يتغير كله عريض حته جسمك وعضلات ميبرزن بل نسبه للمجنون
وافقد الذاكرة حاول تتناسه كل شي
صدك سويت كدمات بوجهي وكمت أعرج عمي خابر على جدي وكله على سالفه الحادث هو اجه شاف حالتي تخبل بل أخص انحناء ضهري والعرج زاد الهم على جدي باعتبار شاب شطولني شكبرتي هيج صار بيه
الفلم شوي شوي صدكو وكمت اختفي مده وارجع منا من صرت ضابط بوكته كدرنه نلزم ابن جلال احمد راح بيه دليل قوي بس خوف عمي علي الأكبر خاف يطلع احمد والمجموعه الي وياا وبل أخص القانون هيته
كمنه نراقب المحامين واحد واحد ونطفرهم اجه الاخوج مرتقب بوكته جنت اراقب بجلال وين ميروح
ورأه دخل الاخوج جنت منتضر يطلع حته ادخل اهدد اخوج بس الي تفاجئت منه جلال طلع وعيونه بكصته
شفت مرتقب نزل ورأى شافني لأن جنت مقابل المكتب بل ضبط بس جان مرتقب يبتسم بحقاره دخل جوه مااهتملي
بوكته لايعرفني ولااعرفه
إلا أن اجه اليوم الي جاب جلال اخو عز الدين وطلع مرتقب من ضمن ولده حاولت بقدر الإمكان ميشوف وجهي بس نضرات مرتقب جانت بشك
وتأكدت من هذا الشي من جنتو تحجون سوه بوكته من طلعت بل حديقه ردة اروح العمي
بس انتي وكفتيني
المهم رحت العمي وحجيتله الصار وشلون مااستلم قضية أحمد اقترح عليه عمي
اكول المرتقب هو شاك من الاول وهم الحقد واضح بوجه اخوج
واضمن القضية متروح الغير محامي نريح راسنه من هل سالفه صدك اجتمعت باخوج وكتلة كلشي
بس ماكتله هذا عمي علي الأكبر حجيتله الشي اليخص حياتي وشلون ساعدني بصفته غريب
هو وافق وبرحابت صدر
قمر. ضيكت عيوني الشغله صارله شهور وجع
مرتقب ماكلي
حارث. والله ركزتي على هاي وانسيتي كلشي
قمر. هاا اسفه بس انشد انتباهي لهاي النقطه
حارث. وهسه المطلوب منج قبل ليكمل قاطعته
قمر. ولايهمك سرك بيير اعتبر روحي مسمعت شي وادخل عملية المراقبه وياكم شنو رايك
أنت تقرأ
مرتقب عز الدين
Mystery / Thrillerقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
