❣️البارت الخامس ❣️
....... مرتقب عز الدين........
للكاتبه🌟 نبأ ميثم 🌟
........ ❤️❤️......
واني رفضت مااوفقت على شرطه همه يضلون اهلي شلون اتبره منهم وبل أخص اني جنت احب ببيتكم جانت روحي بيه
بس هو ضل يلح يلح واني هم احب امكم
وكالي افتحلك شغلك الخاص بس وافق ما جنت أدري جلال جان هدفه غير شي واني جان تفكيري مشوش يعني عقلي ماصافي افكر باهواي أمور افكر بحبي وافكر بااهلي!
وافقت على شرط جلال وصدك تزوجت امكم مدة سنه عايشين براحة ورفاهية اهلي همه تبروو مني مو اني وابتعدو عني كل البعد
افكر بيهم بكل لحضه وثانيه مرت عليه بهاي السنة ولحد الان بس شبيدي اسوي جان لازم اشوف حياتي مو أضل هيج وشفت بل حالتين اهلي يتبرون مني إذا تزوجته براضتهم أو من دونه
مدة سنة وكم شهر صار عدنه مرتقب رجع جلال من جديد وبلش يحاربني على شغلي وماكفاه بس هاي خطف مرتقب وهددني اسجل البيت والمحل باسمه اني خوفي على اخوكم انطتيه كلشي بس خلي يرجعلي ابني
جلال جان حاسبه صح وطمع برزقي
ورجعلي مرتقب بس رجعت للنقطة الصفر لاصفه عندي بيت ولا شغل بيت أهل امكم كعدوني يمهم طبعاً امكم الوحيده الأهلة لا عنده اخ ولا أخت
عشت يمهم مده شهر بعدين تعرفت على ذوله الناس وجانو بانين هذا مشتمل وهمه خير من الله عشنه بي و اشتغلت يمهم فلاح ناس طيبين وكلوبهم صافيه!
قمر. تصحيح هم ميدرون وين يودون فلوسهم وكعدوك يمهم والا ذوله ناس هله هله بس الله يعلم
ابو مرتقب. هسه ميهمنه طيبين لا شنو بكلوبهم المهم عايشين وفوكانه سقف وكدرت اعيشكم!
قمر. وجوانه كاع هاا خاف نسيت!
ابو مرتقب. وتالي وياج قمر منخلص من تعليقاتج!
قمر. كمل كمل
ابو مرتقب. بعد خمس سنين مرتقب صار عمره خمس سنوات اكو أكثر مااذكر بالضبط وهند جايه للدنيا....
رحت الأبوية حته يصالحني وكلت بلكي يشوف ولدي ويحن كلبه عليهم واحنه نضل من لحمه ودمه رحتلهم طلعلي جلال سلم عليه ذاك السلام اكلني وشربني بسلامه!
جنه صدك تغير
ضليت واكف بل باب كتله صيحلي أبويه
كلي اخذ ابنك وياي بلكي من يشوفه يحن كلبه ويرضه يشوفك،
صدك راح مرتقب ويه جلال
طلعوا من البيت ومرتقب يبجي
جلال. والله اسف يخويه بس أبويه ضربه وكال ماريد اشوف وجهة لا هو ولا ولده
رجعت ومكسور خاطري وبعد لا رحتلهم ولا شفتهم
من ذاك الوكت ولحد هسه بس اختكم على عمكم تحب لفلوس حته الجو العائلي متحبه
مرتقب. بس اكو شي غريب اني اذكره أشياء غريبه وانته مصدكني!
ام مرتقب. جنت صغير يايمه شتذكر
مرتقب. والله اذكر هيج أشياء بسيطة
قمر. شننه
مرتقب. مااعرف اذكر واحد يصيح ضربه ضربة جنت صغير يعني يادوب اذكر شي بسيط والي جان يحجي عمي جلال كلمة ترن بااذني لأن جنت خايف بذاك الوكت بس اني ماكتبه الابويه وهو ما سأل
أنت تقرأ
مرتقب عز الدين
Mystery / Thrillerقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
