❣️البارت السادس والعشرين ❣️
............ مرتقب عز الدين ............
للكاتبه 🌟نبأ ميثم 🌟
....... ❤️❤️❤️......
قمر. هلاووووو شو هذا فز من مكانه
دار وجهه ابتسم شبيج تخبلتي تره اسمع كلش زين
قمر. نسيت والله شو طلعت الهلاوو وحيدة
حارث. شعندج اهنا متخافين يحجي ومدنج
حجيه مو مال احد عقله شاخط
قمر. جيت افتر بل حديقه وشفتك طالع كلت خلي اجي وياك طبعا اذا ماكو ازعاج ولو اني قشطة وخفيفية على كلب بس هيج حبيت اسال
حارث. قمة التواضع
قمر. هههه خليت ايدي وره ضهري شكرا
حارث. تعاي نكعد اهناك ماكو شمس
قمر. يله امشي اني امشي وهو يباوع الرجليه استغربت شبي هذا باوعت الرجلي تك وتك والاسوء بل مكلوبياحمم هاي على موده
حارث. أي واضح موده روعه
قمر. شعبالك بس شلون هيج مانتبهت ههه
نزعت الحذاء وكعدت ألبس بي
صح هو فرده وفرده بس على أقل البسه عدل لا اوكع
حارث. زين ماوكعتي
قمر. جاذبيه قويه شيوكعني
حارث. شنو هل ثقة
قمر. من الله
كعدنه يم شجرة جان اكو شلون الكصب طوال كلش
شنو هذا ليش هيج ماخذ هل مساحة
حارث. ماعرف طلع اهنا وضل ينمو اعتقد قصب سكر لو هذا الثاني مال دوار الشمس بس مطالعة الزهره
قمر. همم دنحجي وجا يتحرك القصب طلعت مرت جلال خرب عبالي كصبه وشارده ونوب لابسه أخضر ينعل ابليسهه على هل منظر صدك جذب
شو هذا حارث مات من الضحك شنو هل تشبيه كارثة
قمر. يمعود شوف بشرفك هذا منظر بشر عافت الألوان كله واجت على احضر لا والاسوء كعدت بل حديقه الخروف ميفرق بينهم
فااتتت من يمنه وهذا حارث تغيرت تصرفاته صار صدك مخبل من دخلت للبيت رجع طبيعي
ضلينه انسوالف وشصاير بهل سنين
بس متعمقت بحياته وهو جان جدا حريص ميحجي شي مرات يحجي بخبال مرات لا شخص عاقل رزن وهذا شي زيد غموض
رجعنه للبيت
سميه. شنو هاي وين جنتو
قمر. كاعدين بل حديقه
سميه. اوي وشفتهمتي من هذا وتكعدين وياا
هند. اعتقد ذوله ثنينهم نفس الطباكات كامن يضحكن
قمر. وانت نفس الوايرات سبحان الله نفس التفكير لحد يلومني من اكول نفس الوايرات ليربطون بيهن الحمير انتن رابطات عقلجن بيهن باختصار انتن الحمير غميتهن وفتت
لزمت ايد حارث ودخلنه
مالك دخل بيهن ذني حمير دونكي بعينهن مدري مونكي كفيلك الله بل كوه افرزن بل انكليزي
حارث. يباوع عليه ويضحك
قمر. شبيك تضحك وااحرك بحواجبي
حارث. رفع جتافه هديت ايده
اني راح اشوف مرتقب وين راح
عفته ومشيت ومتحلفه الهند اني إله
دفوت صار بوجهي إسماعيل ابن جلال
إسماعيل. شبي الحلو
قمر. منو سمحلك تتغزل بيه احترم نفسك ولتدك ميانه زايده عفته ومشيت مارتاح الهذا الإنسان تحسه غدار على ابو
مرتقب. . ها وين جنتي
قمر. بره ويه حارث
مرتقب . خير، شعندج ويا بعدنه هسه عرفناهم
قمر.رحت اتحره عنه بس جان كتوم والي استغربت منه بيت جلال مستاهنين بي وخطيه قهرني واختك يرادله كتله تأايد سميه على حارث خطيه بس حارث غريبب كلش فوك متصور
مرتقب. بعد هند ولكت احبابه
قمر. بل ضبط سكتت رجعت حجيت شوكت نروح
مرتقب. مادري غير يكوم ابوج
قمر. إذا نبات انتحر
مرتقب. شلون بله تنتحرين
قمر. ببساطة اباوع بوجه سميه والقصبة السم
واموت اسوء موته وسريعة
_. منو قصبة سم
قمر. مرت جلال فخرية
_ وليش قصبه السم
قمر. وك غير طلعت من وره القصب لابسه أخضر
مرتقب. ههههه وليش سم
قمر. يا وتريد اكول عنه سكر إذا هيه سكر اني شنو عشتو سم سم اني كلهم مرتاحيتلهم بس حارث مضلوم
مرتقب طكه بضحكه كل الكاعدين انتبهوئ
قمر. اسكت يمعود فضحتنه كله شافت سنونك نوب صفر
مرتقب . حيوانه وين صفر ذني بيض ابيض منج
قمر. ههه اشاقه شبيك رايحه اخذلي جولة
مرتقب. ميخلصون جولاتج
قمر. لا يمعود خلي اتحره زايد عنهم نشوف الخبيث والطيب أشك اكو شخص طيب بس هم لازم مااضلم احد وخاصة حارث تره غريب انتبه منه شو مرات احسه عاقل مرات لا
مرتقب. إذا عرفتي شي شراح يصير
قمر. ناخذ حذرنه واتونس شويه بما انو دخلنه عالم الجرائم والمكر خلي استمتع بايباي جوجو
_. مخبله هل بنيه
💫ريم💫
انتقلنه البغداد
كلشي هوسه حياتنه غراضنه
انتقلت ويانه ام قيصر واخته رسل ابو توفه قبل سنتين واخته وأمه عاشن ويانه رسل عمره ١٦سنه خواته الباقيات تزوجن
جنه نعدل بل غراض وقيصر بعده يعرج على كولت رغد شكو واحد راد ياخذ من عدنه مره رجله تنصاب عمار أعرج زوج رغد وقيصر هم يعرج
عبالك دنصيبهم بلعنه بس ثنينهم يستاهلون
صرنه نرتب ونعزل بل غراض طبعا سعاد حامل متكدر بشهر الثامن بطنه واصله الحلكه عنده أربعة وهذا الخامس متنطي مجال الروحه البزونه متخلف مثله
بس تحب جهاله اهواي ومتفرق بينهم
بس طبعة حقيره وحسوده
صارت ساعة بل ١٠ يادوب جنة مرتبين بعض الغراض هلكنه وطريق طويل مامتعودة عليه
جنه نايمنين ساعة ١٢ ونص تقريبت
وصار الرمي على بيت لزمت كلبي قيصر. لحد يتحرك لتصيبه رصاصة
جهال تتباجه وصريخ ونوب هاي سعاد كامت تطلك من الخوف وقيصر يسب يلعن بيه
وميكدر يطلع لأن رمي على البيت إله شويه جا غابت روحي من وراه الهبطه بطل صوت الرمي راح طلع لكه ورقة تهديد على باب
ملحك يقراه لأن سعاد فضحتنه بجيه وصريخه ثبر الأمة ودوه للمستشفى لأن مايعرفون حبوبه اهنا تجي للبيت وهاي اول ولادة إله بل مستشفى راحت عمتي وياه واني ورسل ضلينه يم الجهال
رسل. سوده بوجهي منو ذوله
ريم. سكتي تيبست شوفي الجهال لساعهن يصرخون وميتين خوف
نيمناهم وأخذت الورقة
فتحته دقراهه
يتبع...
.... ❤️❤️❤️.....
بقلم
🌟نبأ ميثم 🌟
المرأه القويه هي امرأة..... ❣️❣️
عاشقة لنفسها❤️🥀
أنت تقرأ
مرتقب عز الدين
Misteri / Thrillerقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
