مرتقب عز الدين

البارت السادس 👀

هله حبايب شلونكم شخباركم اسفه على تأخير بتنزيل البارت

❣️البارت السادس❣️
.....مرتقب عز الدين....
للكاتبه🌟 نبأ ميثم 🌟

............ ❤️.........

مرتقب ; شفت ام شعر اسود تركص عرفته وياه اختي الخبله الي ذبت لحم عبالك عرس كرايبنه
ردت اشوف شكله كلت احم رفعت راسه للسياج

من دارت شكله كلش حلوو نسيت نفسي واني اباوعله الشعر فالته وعيون صغار وخشم هم صغير مو كلش بيضه حنطاويه ملامحه  حلوه

قمر. وبعدين اني واكفه اهناا شنوو
مشوفون شبيكم واحد صافن بوجه الثاني!
ريم. خرب جنت صافنه بعيونه وهو هم بس والله حلوات اغرمت بيهن
مرتقب. مو عيب تتمركصن اهنا وانتي قمر لو شايفج واحد من الفلاحين

قمر. والله اخويه الغالي اسمع الدكة متتقاوم اسمع زين شلون يدك يابويه لو عازميني!
مرتقب.  قمر كعدي راحه لا اكسر رجليج يله للبيت كبل
قمر. تجي وياي مووو لو ارجع وحدي وارفع بحواجي
مرتقب. قمر للبيت بسرعه!

ريم. قمر اني داخله جوه تلبكت بنصهم وهم شكد فشله جنة مخابيل نركص وره الحايط وهو يرزل قمر وهاي ولا يهمه
رحت دخلت جوه

قمر. اباوع هذا خال ايده على كلبه وكفت كباله شبيك ابو الشباب
مرتقب. صوته كلش حلو

قمر. ووووي اخوي عاشق وللعلم شكله حلو مو بس صوته!
جعفر. انجبي ابد متحترمين
قمر. ابو جوجو ميانه شبيك!

جعفر. أي واني هم ماريد اصير نفسيه وياج ولهذا سبب خالج على راحتج
قمر. أي الحمدلله والله خوش اخ لو افتر دربونه دربونه وشارع شارع ما الكه مثلك ومثل كلبك الحنين
مرتقب. لزمته من اذانه إذا اشوفج بعد تركصين اكسر رجلج شكدج شكبرج استحي شويه

قمر. ياا منيلي جبيره
مرتقب. امشي لج لسانج أطول منج سمعتي اكسر رجلج وطلعه للبستان ماكوو
قمر. لاااااااا لاااا لاااا وخلت ايدي على كلبي ارجوك
مرتقب. لج تطبين جوه لو ابتلي بيج

قمر. اخويه شو صرت نفسيه شجاج ضربناك عين
. تنفست بملل قمر تندلين البيت لو اسحلج

قمر. على بختك قابل اني وصلت مسح
مرتقب. واحد اثنين وهي فلتت  من هيه وصغيره تضل تلغي احسبله للخمسة إذا متولي تنكتل واخذته عاده حته اخلص من لسانه لأن اهواي تلغي

💫قمر💫

دخلت للبيت ركض جانت اكو درجه يم باب المطبخ وكاعده عليه شبيج هندي

هند. انتي ليش مزعجه كم مره كتلج كولي هند شنوو هندي
قمر. شبي اخويه معصب
هند. هذا ياهوو

قمر. انتي غير اخويه هندي لو غلطانه
هند. مو وكت شقه وتفاهه
قمر. هسه شبيج نهار كله معصبه بابه اذا عصبتي شراح يصير

هند. مو معصبه بس ضايجه لا خال ولا خاله ولا عم ولاعمه حته نروحلهم بس من المدرسة للبيت ومن البيت للمدرسة تره والله طكت روحي

قمرر. عشتوو وهسه تدورين عم وعمه امده حضي
هند. أي هم اكلوو حقنة
قمر. لو نرجع للواقع أبويه تخله عنهم وتزوج امج الي هيه نفسه  امي

هند. ليش وجلال هاا وين راح مو هوه ساس البله وراس الحيه
قمر. جلال الي اسمه عمي وعمي اللح هم انسي لانشوفهم ولايشوفونه وهذا اريح النه

هند. شنو الاريح
قمر. ليش دوم احسج تميلين الجلال وانتي ما شايفته
هند. لأن هو ذكي شفتي شسوه بابويه وحصل ورث كله

قمر. صح انتي اختي الجبيره وعليج العتب بعد ********  بس أكبر غبيه هو ذكي لأن دمر ابوج لو هو ذكي لأن ناصب على جدج لو لأن همه لفلوس وبس وزرع طائفيه بينهم

هند. والله ياقمر بعده تفكيرج ماحبه هسه احنه شستفادينه لفلوس الي حصره علينه لو يوم نتعشه ويوم لا

قمر. حمدي ربج هند انتي ليش هيج طالعه على بيت جدي أبويه كلبه طيب بس انتي لا تبيعينه بكشر بصل
هند. أي اني هيج وحابه نفسي هيج وماا عا جبني اتغير هند هيه هند

عفته وكمت اموت من تفكيرهه عباله جلال عايش بنعيم تتمنه هيه بنته بس وين اكو أطيب من أبويه تفكيره ينرفز
مرن يومين واحس اخويه ساكن البستان كثرت طلعاته إله اعرفه يدور على ريم

💫ريم💫

مر يوم واني ما طالعة للبستان استحي خاف اشوف مرتقب و قمر دوم تحجي بي
بس هاي الغبره صاره يومين مااجتني
قررت اروح اشوفه خاف اخوه منعه من الجيه....

طلعت وبداخلي تضارب اريد اشوف مرتقب وماريد اشوفه دوامه من التفكير
دمشي لأن شوي البيت بعيد عن بيتنه
صادفني شخص مبين فلاح من البستان من لبسه
الشخص. شعندج اهناا يحلوه

ريم. وخر أنته شلك دخل تقرب عليه واني اصفريت واحس كلبي راح يطلع نضراته تخوف ونوب دكات كلبي ثبرتني مااعرف شسوي انخبصتردت ارجع بس طلع كدامي مرتقب وكف بضهري عبالك السند الي ردته بحياتي

يتبع.........

........ ❤️..........
بقلم
🌟نبأ ميثم 🌟
اني يكرهونك الناس على ما فيك
أفضل على أن يحبوك على ماليس فيك