❣️البارت الثامن ❣️
.... مرتقب عز الدين.....
للكاتبة🌟نبأ ميثم 🌟....... ❤️❤️........
💫ريم💫
جنت كاعده بل غرفة والي صار ابد ما راح من بالي بعدين تندمت على الكلام الي حجيته القمر
لأن جانت بوكت عصبيه كلت بس اشوفه تودي اعتذار الاخوه لأن ما جان قصدي شي بس جنت مستحيه على متوتره مشاعر متلخبطههو جان ديحميني واني ما قدرت هذا الشي
نزلت جوه شفت امي
ام إياد. اكلج ريم كولي لام مرتقب تسوي دجاج وسمج وبرياني وشوربه وتشريب
ريم. شكو هل كد اكل؟ام أياد . اي راح يجون بيت عمج علي يتعشون يمنه
ريم. هذا ابنهم اموت منه واحد طايح حضه مدري اني هيج اشوفه باختصار لزكه اسمه قيصر وعنده كومه خوات واخوان
همه حالتهم زينهشفت رغد تباوع يمنه ويسره رحت وراه طلعت للبستان شفت مرتقب من بعيد ختلت ماادري ليش
كملت مشي وره رغد اصراحه شكيت هيه تقابل مرتقب انتبهت المرتقب انتبه عليه بس كمل طريقهراحت رغد شافت واحد
رغد. ولك مااكدر اشوفك اليوم خليه على باجر كلله ليش غير افتهم
مو راح يجون بيت عمي
كلله اي ذوله عدهم ولد
رغد. كومه شكد
جاوبه لطلعين كدامهم تره اغار
جانوو فد تافهين رجعت للبيت دخلت رغد وره ربع ساعه او اقلرغد. هاا شبيج
ريم. لطلعين كدامهم تره اغار جنت اقلد هذا الولد جنه سلبوح وشعره يعع
رغد. ريم مو عيب تسمعين حجينه وليش تراقبينيريم. هي هي جاا مو عيب تطلعين تشوفي بل ختله هسه لا خلقه ولا أخلاق شعاجبج بي
رغد. سوالف مال الكبار شمعرفج خلت وراحتريم. امداني اي والله فد تافهه ادري محد ينتبهله رحت لغرفتي اريد البس شي أنيق لأن ذني بنات عمي بس يتباهن
لبست دشداشه مخصره وبيه ورد ناعم من جوه وصايره كصة مثل تفاحه احب هاي كصه واردانه حلوهنزلت جوه اسمع امي تصيح على ام مرتقب
ام أياد.ام مرتقب تره ميصير هيج اهواي دتقصرين بشغلج يعني كلت سوي برياني وسمج ودجاج والكاج كلشي ما مسويه والناس على جيه صدك تحجين راح اتخزه كدامهم وامي تحجي تحجي تحجي حته ماانطتني فرصه بل اخير زهكتريم. يمه شبيج اني ما كتله نسيت ما صار شي نلحك امشي خاله اني اعتذر منج خلي نحظر اني وياج العشه حتى نلحك وعذريني والله حطيتج بيهج موقف
والله خاله مو قصدي انسه
ام مرتقب. عادي يمه ما صار شي ساعدت خالتي بل خفايف حتى نلحك وهيه سباعيه خلصت كل شي بسرعهاجو بيت عمي جنه دنصب العشه كعد هذا قصير يمي ردت اكوم لزم رجلي
ريم. هاي شبيك شدسوي
قيصر. انتي ليش تشردين مني
ريم. منو كلك داشرد منكقيصر. تصرفاتج هيج تثبت
ريم. أول شي وخر ايدك عني واني هيج حره بتصرفاتي رجاءاً لتزعجني عفته وكمت حته ماتعشيت اجت زهرة اخت قيصرشبيج ريمه شو كمتي
ريم. مابيه شي عيني رجعي كملي عشاج
اني ماأحب اختلط بيهم احسهم غدارين كلبي ميرتاحلهم(نبأ : حبايب اني مراح اذكر عائلة قيصر بل تفصيل لأن اهواي أشخاص وراح تدوخون راح احجي بس الي الهم دور بل قصه)
ضليت كاعده ساعدت خالتي بغسل الاماعين
وبعدين صعدت فوك لكيت رغد ونور يحجن بصوت ناصي عفتهن لأن نور نسخت رغد نور أكبر من رغد بسنهاجت قمر تصيح أمة
ريم. هاا قمر شو لا سلام ولا كلام
قمر. هلو
ريم. ياستار ربي شنو شبيج ولج
قمر. مستعجله مع السلامهشنو هاي شبيه اكيد صاير شي مو من عوايده رحت وراه قمر شبيج مو دحجي وياج
قمر. ريم عفواً ريم خانم اني بنت الخدامه ميلوك تحجين وياي مو من مقامج الرفيعريم. خير سامعه شي صاير شي
قمر. من وراج راح اخويه
ريم. منو مرتقب؟ وين راح؟
قمر. البارحه من كلتي انتقم منه ما صدكتج توقعت فقيره بس هسه لا بينتي على حقيقتجريم. ادري كاعده بمسلسل وأبين على حقيقتي دحجي عاد شكو
قمر. أي من ترزلت امي لأن انتي مدري شكلتي الامج وببسبج امي انهات صح مو شي جديد بس اخويه انجرح.. الما يتغير الزمن وامي ماتشتغل بعد عدكم قابل نضل طول عمرنه هيجريم. وج شوكت سويت هيج
قمر. اخويه مرتقب شافج من خاتله وره امج الي كاعده ترزل بأمي وبسببج راح البغداد حته ما ودع امي ولحد هسه متدري مرتقب راح بغدادريم. والله فاهمين الموضوع غلط
قمر. بعد ميهمني
ريم. لا إله اوضحلج وحجيتله كلشي
قمر. هسه شلون واخويه راح هاا
ريم. اوف اوف شوكت يرجعقمر. شمدريني هسه اسبوعين ثلاثه لو نشوفه لو لا تلكي هسه ضايج
ريم. مااعرف ليش ضجت من سمعت مرتقب راح
قمر. رايحه اكول الأمي قبل لتدفني
ريم. هم تكلليه من ورايقمر. هي هي وهزت بايده لج بابه امي تعرف
مرتقب يتخبل من تشتغل اهنا حته ميلفي اهناا لأن يشتغلون امي وابويه سوده عليه ينقهر عليهمريم. اوف اوف شصخمت وكته عقلي ينثول
قمر. وشبي دمج محروك
ريم. مو اني السبب والله كلش انقهرت
قمر. رايحه اشوفهام مرتقب. هاا خيرج
قمر. يووووومه
امي ذبت الجفجير من ايده اي بعد طولي الكلمه شبيج ونضراته قاتلهقمر. يووووومه خايفه اكلج
قمر تحجين هسه لو شلونقمر. اني مالي دخل مو تجي الكتلة بيه صوجج يوم
ام مرتقب. لج شمصخمه
قمر. يوووومه
يتبع............... ❤️........
بقلم
🌟نبأ ميثم 🌟
في داخل الحلبه كما في خارجها لاعيب أن تسقط خارجاً بل العيب أن تبقى على الأرض 🥀☺️
أنت تقرأ
مرتقب عز الدين
Mystery / Thrillerقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ